Bişkekdəki icma üzvlərimiz Azərbaycan-Qırğızıstan biznes forumunda iştirak edib

, 2023

Bişkekdəki icma üzvlərimiz Azərbaycan-Qırğızıstan biznes forumunda iştirak edib

Qırğızıstanda fəaliyyət göstərən “Azəri” İctimai Birliyinin üzvləri Adilə Sultanova və Asif Abasov Çolpon-Ata şəhərində keçirilmiş Azərbaycan-Qırğızıstan biznes forumunda fəal iştirak ediblər.

Birliyin sədri Əzizağa Əliyev bildirib ki, forum zamanı Adilə Sultanova Azərbaycan audit təşkilatı ilə qarşılıqlı əməkdaşlıq məsələləri üzrə danışıqlar aparıb, Asif Abasov isə Azərbaycan şirkətlərindən biri ilə logistika sahəsində müqavilə imzalayıb.

Bundan başqa, birliyin təşkilatçılığı ilə forumun bədii hissəsində çıxış edən “Viktoriya” rəqs qrupunun ifasında Azərbaycan rəqsləri təqdim olunub.

Xatırladaq ki, bundan öncə “Azəri” İctimai Birliyinin ofisində “Qırğızıstan-Azərbaycan” biznes forumunda iştirak edən bir qrup azərbaycanlı iş adamı ilə görüş keçirilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/biskekdeki-icma-uzvlerimiz-azerbaycan-qirgizistan-biznes-forumunda-istirak-edib-3303

İcma üzvlərimiz BƏƏ şahzadəsi ilə görüşüb
, 2023
İcma üzvlərimiz BƏƏ şahzadəsi ilə görüşüb
Birləşmiş Ərəb Əmirliklərinin kral ailəsinin üzvü, Şarja əmirliyinin Şahzadəsi Hend bint Faisal əl-Qasimi bu ölkədə yaşayan Azərbaycan icmasının bir qrup xanım üzvünü öz iqamətgahında qəbul edib.

Görüşdə Ərəb Ölkələri üzrə Azərbaycanlıların Koordinasiya Şurasının Birləşmiş Ərəb Əmirliklərindəki koordinatoru Nuranə Hüseynova və Yaxın Şərqdə protokol məsələləri üzrə britaniyalı məsləhətçi, mədəniyyətlərarası əlaqələr üzrə ekspert Maria Hall da iştirak ediblər.

Görüş zamanı Azərbaycan və BƏƏ arasında mövcud olan əməkdaşlıq və dostluq münasibətləri, bu ölkədəki Azərbaycan icmasının fəaliyyəti barədə geniş məlumat verilib. Eyni zamanda son günlərdə Ermənistanda etnik nifrət zəminində ölkəmizə qarşı törədilmiş iki vandalizm aktına diqqət cəlb edilib. Azərbaycan ordusu əsgərlərinin – 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlunun Ermənistana əsir düşməsinin səbəbinə aydınlıq gətirən soydaşlarımız azərbaycanlı hərbçilərə işgəncə verildiyini, onlarla qeyri-insani rəftar edildiyini vurğulayıblar. Ermənistanda keçirilən ağır atletika üzrə Avropa çempionatının açılış mərasimində Azərbaycan bayrağının yandırılmasını əks etdirən videonu nümayiş etdirən xanımlarımız bu cinayətkar insidenti erməni vandalizminin növbəti təzahürü adlandırıblar.

Şahzadə Hend bint Faisal əl-Qasimi ölkəmizə bir neçə dəfə səfər etdiyini və Azərbaycanı çox sevdiyini bildirib. Azərbaycanın qədim tarixi, zəngin mədəniyyəti ilə maraqlandığını, milli mətbəximizi çox bəyəndiyini vurğulayıb. Qeyd edib ki, Azərbaycan icması ilə qarşılıqlı əlaqələr bundan sonra da davam etdiriləcək.

Görüşün sonunda şahzadəyə icma adından təşəkkürnamə, Azərbaycanın zəngin mədəni irsini təbliğ edən kitablar və xatirə hədiyyələri təqdim olunub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/icma-uzvlerimiz-sahzade-hend-bint-faisal-el-qasimi-ile-gorusub-2799

üzvlərimiz – Orta Asya Gazetesi

Bişkekdəki icma üzvlərimiz Azərbaycan-Qırğızıstan biznes forumunda iştirak edib

İcma üzvlərimiz BƏƏ şahzadəsi ilə görüşüb