Ümummilli lider Heydər Əliyev – Orta Asya Gazetesi https://ortaasyagazetesi.com Sat, 18 May 2024 18:44:09 +0000 tr hourly 1 https://ortaasyagazetesi.com/wp-content/uploads/2025/03/cropped-Orta-asya-32x32.webp Ümummilli lider Heydər Əliyev – Orta Asya Gazetesi https://ortaasyagazetesi.com 32 32 Rusiyada Ümummilli Lider Heydər Əliyevin anadan olmasının 101 illiyi qeyd edilib https://ortaasyagazetesi.com/rusiyada-umummilli-lider-heyd%c9%99r-eliyevin-anadan-olmasinin-101-illiyi-qeyd-edilib-h57490.html Sat, 18 May 2024 18:44:09 +0000 https://1453kralmedya.com/rusiyada-umummilli-lider-heyd%c9%99r-eliyevin-anadan-olmasinin-101-illiyi-qeyd-edilib-h57490.html

Rusiyada Ümummilli Lider Heydər Əliyevin anadan olmasının 101 illiyi qeyd edilib

, 2024

 

 

 

Rusiyada Ümummilli Lider Heydər Əliyevin anadan olmasının 101 illiyi qeyd edilib

Azərbaycanın, eləcə də keçmiş SSRİ-nin görkəmli dövlət xadimi, Ümummilli Lider Heydər Əliyevin anadan olmasının 101 illiyində Ulyanovsk şəhərinin Zasviyajski rayonunda yerləşən abidəsi önünə təntənəli gül qoyulması mərasimi keçirilib.

Tədbirdə milli-mədəni muxtariyyətlərin, ictimai təşkilatların nümayəndələri və Heydər Əliyevin adını daşıyan 78 nömrəli məktəbin şagirdləri iştirak edib. Çıxışlarda Ulu Öndər Heydər Əliyevin rayonun inkişafına verdiyi töhfələr yüksək qiymətləndirilib, Volqa üzərindən körpünün tikilməyinə qərar verilməsində mühüm rol oynadığı vurğulanıb.

Azərbaycan xalqının Ümummilli Lideri Heydər Əliyevin xatirəsinin yaşadılması, Ulyanovsk vilayətində millətlərarası sülhün və harmoniyanın möhkəmləndirilməsi istiqamətində fəaliyyətlərin davam etdiriləcəyi qeyd olunub.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/rusiyada-umummilli-lider-heyder-eliyevin-anadan-olmasinin-101-illiyi-qeyd-edilib-4694

 

]]> Ankarada Ümummilli Lider Heydər Əliyevin anadan olmasının 101 illiyi qeyd edilib https://ortaasyagazetesi.com/ankarada-umummilli-lider-heyd%c9%99r-eliyevin-anadan-olmasinin-101-illiyi-qeyd-edilib-h57348.html Wed, 15 May 2024 08:31:13 +0000 https://1453kralmedya.com/ankarada-umummilli-lider-heyd%c9%99r-eliyevin-anadan-olmasinin-101-illiyi-qeyd-edilib-h57348.html

Ankarada Ümummilli Lider Heydər Əliyevin anadan olmasının 101 illiyi qeyd edilib

2024

Ankarada Ümummilli Lider Heydər Əliyevin anadan olmasının 101 illiyi qeyd edilib

 

 

 

 

Ankara şəhərində fəaliyyət göstərən Azaflı Sosial Yardım və Mədəniyyət Dərnəyinin təşkilatçılığı ilə xalqımızın Ümummilli Lideri Heydər Əliyevin anadan olmasının 101 illiyi münasibətilə tədbir təşkil edilib.

Tədbirin əvvəlində şəhidlərin xatirəsi bir dəqiqəlik sükutla yad edilib. Azərbaycan və Türkiyənin dövlət himləri səsləndirildikdən sonra Ümummilli Lider Heydər Əliyevə həsr edilmiş sənədli film nümayiş olunub.

Tədbiri açıq elan edən Azaflı Sosial Yardım və Mədəniyyət Dərnəyinin sədri Arzuman Azaflı qonaqları salamlayaraq xalqımızın dahi oğlu Heydər Əliyevin həyat və fəaliyyətindən danışıb.

Daha sonra Diasporla İş üzrə Dövlət Komitəsinin Aparatının rəhbərinin müavini Adil Hüseynov və Azərbaycan Diasporuna Dəstək Fondunun (ADDF) icraçı direktoru Əkrəm Abdullayev çıxış ediblər. Onlar Ulu Öndər Heydər Əliyevin mənalı həyatı və zəngin siyasi fəaliyyəti haqqında geniş danışıblar. Azərbaycan-Türkiyə əlaqələrinə, eləcə də digər türk dövlətləri ilə münasibətlərə toxunan natiqlər Heydər Əliyevin türk xalqları arasında tarixi mənəvi bağların, iqtisadi, siyasi və humanitar əlaqələrin qurulması və genişləndirilməsindəki xidmətlərindən söhbət açıblar. Eyni zamanda Komitənin və ADDF-nin fəaliyyəti ilə bağlı tədbir iştirakçılarına məlumat verilib.

Tədbirdə Kahramanmaraş Sütçü İmam Üniversitetinin professoru, politoloq Toğrul İsmayıl, Türkiyə-Azərbaycan Dərnəkləri Federasiyasının İdarə Heyəti sədrinin müşaviri Pərviz Məmmədzadə çıxış ediblər.

Tədbirin sonunda Adil Hüseynov Azaflı Sosial Yardım və Mədəniyyət Dərnəyinin sədri, vəkil Arzuman Azaflıya “Diaspor fəaliyyətində xidmətə görə” Azərbaycan Respublikasının medalını təqdim edib.

Tədbirdə ADDF icraçı direktorunun müavini Şahin Camalov və Komitənin şöbə müdirinin müavini Kənan Məmmədov da iştirak edib.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/ankarada-umummilli-lider-heyder-eliyevin-anadan-olmasinin-101-illiyi-qeyd-edilib-4689

 

]]> Helsinkidə Ümummilli Lider Heydər Əliyevin anadan olmasının 101 illiyi qeyd edilib https://ortaasyagazetesi.com/helsinkid%c9%99-umummilli-lider-heyd%c9%99r-eliyevin-anadan-olmasinin-101-illiyi-qeyd-edilib-h57331.html Tue, 14 May 2024 12:01:10 +0000 https://1453kralmedya.com/helsinkid%c9%99-umummilli-lider-heyd%c9%99r-eliyevin-anadan-olmasinin-101-illiyi-qeyd-edilib-h57331.html

Helsinkidə Ümummilli Lider Heydər Əliyevin anadan olmasının 101 illiyi qeyd edilib

, 2024

Helsinkidə Ümummilli Lider Heydər Əliyevin anadan olmasının 101 illiyi qeyd edilib

 

 

 

 

 

Helsinki Azərbaycan Evində müstəqil Azərbaycan dövlətinin qurucusu, görkəmli siyasi və dövlət xadimi, Ümummilli Lider Heydər Əliyevin anadan olmasının 101 illiyi münasibətilə tədbir keçirilib.

Tədbir Finlandiyada fəaliyyət göstərən “Azər-Türk” Gənclər təşkilatının sədri, Skandinaviya Azərbaycanlılarının Koordinasiya Şurasının Finlandiya üzrə əlaqələndiricisi və Helsinki şəhərində fəaliyyət göstərən Azərbaycan Evinin rəhbəri Ülviyyə Cabbarovanın təşkilatçılığı ilə baş tutub.

Tədbirdə Ulu Öndərin güclü iradəsindən, vətənə bağlılığından bəhs edilib, uzaqgörən və məqsədyönlü fəaliyyətinin mərkəzində daim ölkəmizin maraqlarının olduğu diqqətə çatdırılıb.

Helsinki Azərbaycan Evinin nəzdində fəaliyyət göstərən həftəsonu Azərbaycan dili məktəbində şagirdlərə və Azərbaycan evinin qonaqlarına Heydər Əliyev haqqında yazılmış kitablar hədiyyə edilib.

Qeyd edək ki, 2023-cü ildə “Heydər Əliyev İli” çərçivəsində də Helsinki Azərbaycan Evində Ümummilli liderin 100 illiyi münasibətilə tədbir təşkil olunub.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/helsinkide-umummilli-lider-heyder-eliyevin-anadan-olmasinin-101-illiyi-qeyd-edilib-4677

 

]]> Rustavidə Ümummilli Lider Heydər Əliyevin anadan olmasının 101 illiyi qeyd edilib https://ortaasyagazetesi.com/rustavid%c9%99-umummilli-lider-heyd%c9%99r-eliyevin-anadan-olmasinin-101-illiyi-qeyd-edilib-h57324.html Tue, 14 May 2024 07:14:13 +0000 https://1453kralmedya.com/rustavid%c9%99-umummilli-lider-heyd%c9%99r-eliyevin-anadan-olmasinin-101-illiyi-qeyd-edilib-h57324.html

Rustavidə Ümummilli Lider Heydər Əliyevin anadan olmasının 101 illiyi qeyd edilib

2024

 

 

 

 

Rustavidə Ümummilli Lider Heydər Əliyevin anadan olmasının 101 illiyi qeyd edilib

Gürcüstanın Rustavi şəhərində yerləşən Təhsil və Mədəniyyət Mərkəzində Ümummilli Lider Heydər Əliyevin anadan olmasının 101 illiyi münasibətilə tədbir keçirilib.

Tədbirin əvvəlində Heydər Əliyevin əziz xatirəsi bir dəqiqəlik sükutla yad olunduqdan sonra Mərkəzin rəhbəri Raidə Dərziyeva Ulu Öndərin həyat və fəaliyyəti barədə iştirakçılara ətraflı məlumat verib.

Daha sonra “Heydər Əliyev və dünya Azərbaycançılığı” adlı məruzə ilə çıxış edən Rustavi şəhər 18 saylı ictimai məktəbin Azərbaycan dili müəllimi Nurlana Məmmədova, Ulu Öndərin milli dünyagörüşümüzün formalaşmasındakı əvəzsiz rolunu vurğulayıb.

Şair, ictimai xadim Rafiq Hümmət və gənc ictimaiyyətçi-pedaqoq Savalan Osmanlı Ümummilli Lider Heydər Əliyevin Gürcüstanda yaşayan soydaşlarımızın taleyindəki mühüm rolu və Azərbaycanın ərazi bütövlüyünün bərpa edilməsi yolunda uzaqgörən siyasəti haqqında danışıblar.

Tədbirin sonunda Mərkəzin şagirdləri Ulu Öndər Heydər Əliyevə həsr olunmuş şeirlər səsləndiriblər.

Mərkəzin üzvləri, şagirdlər və valideynləri Rustavi şəhərində yerləşən Heydər Əliyev parkında Ulu Öndərin abidəsini ziyarət edib, önünə gül dəstələri düzüblər.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/rustavide-umummilli-lider-heyder-eliyevin-anadan-olmasinin-101-illiyi-qeyd-edilib-4679

 

]]> İlham Əliyev Ümummilli Lider Heydər Əliyevin məzarını ziyarət edib https://ortaasyagazetesi.com/ilham-eliyev-umummilli-lider-heyd%c9%99r-eliyevin-m%c9%99zarini-ziyar%c9%99t-edib-h54353.html Thu, 15 Feb 2024 09:21:05 +0000 https://1453kralmedya.com/ilham-eliyev-umummilli-lider-heyd%c9%99r-eliyevin-m%c9%99zarini-ziyar%c9%99t-edib-h54353.html

 

İlham Əliyev Ümummilli Lider Heydər Əliyevin məzarını ziyarət edib

 

2024,

 

 

İlham Əliyev Ümummilli Lider Heydər Əliyevin məzarını ziyarət edib

 

 

 

Fevralın 14-də andiçmə mərasimindən sonra Azərbaycan Respublikasının Prezidenti İlham Əliyev və birinci xanım Mehriban Əliyeva Fəxri xiyabana gəlib müasir müstəqil Azərbaycan dövlətinin memarı və qurucusu, xalqımızın Ümummilli Lideri Heydər Əliyevin məzarını ziyarət edərək xatirəsini ehtiramla yad ediblər.

 

 

 

 

Dövlətimizin başçısı və birinci xanım Ulu Öndərin məzarı önünə gül dəstələri qoydular.

 

 

 

 

Sonra Prezident İlham Əliyev və birinci xanım Mehriban Əliyeva görkəmli oftalmoloq-alim, akademik Zərifə xanım Əliyevanın məzarını ziyarət etdilər və üzərinə gül dəstələri qoydular.

 

 

 

 

Tanınmış dövlət xadimi Əziz Əliyevin və professor Tamerlan Əliyevin məzarlarının üstünə də gül dəstələri düzüldü.

 

 

 

Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/63999

 

 

 

 

]]> İlham Əliyev Ümummilli Lider Heydər Əliyevin məzarını ziyarət edib https://ortaasyagazetesi.com/ilham-%c9%99liyev-umummilli-lider-heyd%c9%99r-%c9%99liyevin-m%c9%99zarini-ziyar%c9%99t-edib-h52362.html Tue, 12 Dec 2023 13:32:52 +0000 https://1453kralmedya.com/ilham-%c9%99liyev-umummilli-lider-heyd%c9%99r-%c9%99liyevin-m%c9%99zarini-ziyar%c9%99t-edib-h52362.html

 

 

 

 

İlham Əliyev Ümummilli Lider Heydər Əliyevin məzarını ziyarət edib

12 dekabr 2023,

İlham Əliyev Ümummilli Lider Heydər Əliyevin məzarını ziyarət edib

Müasir müstəqil Azərbaycan dövlətinin memarı və qurucusu, dünyaşöhrətli siyasi xadim, xalqımızın Ümummilli Lideri Heydər Əliyevin vəfatından 20 il ötür.

 

 

 

 

Dekabrın 12-də Azərbaycan Respublikasının Prezidenti İlham Əliyev Fəxri xiyabana gələrək xalqımızın Ümummilli Lideri Heydər Əliyevin məzarını ziyarət edib.

Prezident İlham Əliyev Ulu Öndərin məzarı önünə əklil qoydu.

Azərbaycanın Dövlət Himni səsləndirildi.

 

 

 

Dövlətimizin başçısı İlham Əliyev Ulu Öndərin ömür-gün yoldaşı, görkəmli oftalmoloq-alim, akademik Zərifə xanım Əliyevanın da xatirəsini ehtiramla andı, məzarı üzərinə gül dəstələri qoydu.

Tanınmış dövlət xadimi Əziz Əliyevin və professor Tamerlan Əliyevin də xatirələri yad edildi, məzarları üstünə gül dəstələri düzüldü.

X X X

Azərbaycanın ən yeni tarixinin bütöv bir dövrü Ulu Öndər Heydər Əliyevin adı ilə bağlıdır. Müstəqilliyimizin dönməz xarakter alması, milli şüurun dirçəlişi, iqtisadiyyatın inkişafı, ordu quruculuğu bu dövrün əsas mahiyyətini təşkil edir. Ümummilli Liderin Azərbaycana bəxş etdiklərini tarix boyunca ondan əvvəl heç kim bacarmayıb. Məhz bu dahi şəxsiyyət ölkəmizdə qüdrətli ordu yaratdı, iqtisadiyyatı dirçəltdi, Azərbaycanın müasir tarixində misilsiz işlərə imza atdı.

 

 

 

Xalqımız Ulu Öndərin xilaskarlıq və quruculuq missiyasını unutmur və heç vaxt unutmayacaq. Ötən əsrin 90-cı illərində çox ağır, böhranlı vəziyyətə düçar olmuş Azərbaycan xalqı xilasına, bugünkü tərəqqisinə görə özünü Heydər Əliyevə borclu sayır. Hər il dekabrın 12-də və mayın 10-da Fəxri xiyabanda yaşanan böyük izdiham Ulu Öndərin xatirəsinə əbədi ehtiramdan xəbər verir. Azərbaycan xalqı Heydər Əliyev ideologiyasına da, ideallarına da sadiqdir. Bunun davam etdirilməsi sosial çağırışdır. Məhz bu çağırışa cavab olaraq Prezident İlham Əliyevin 2022-ci il 29 sentyabr tarixli Sərəncamına əsasən Ulu Öndərin anadan olmasının 100 illiyi münasibətilə 2023-cü il ölkəmizdə “Heydər Əliyev İli” elan edildi.

 

 

 

 

Sərəncamda da qeyd olunduğu kimi, Heydər Əliyev dönəmi Azərbaycan tarixinin, mədəniyyətinin, elminin, təhsilinin qızıl dövrünə çevrildi. Bu gün Azərbaycan Ümummilli Liderin müəyyənləşdirdiyi yolla inamla irəliləyir. Xalqımız Ulu Öndərin layiqli davamçısı, Prezident, Silahlı Qüvvələrimizin Müzəffər Ali Baş Komandanı İlham Əliyevə inanır və onu dəstəkləyir. Bu inam və dəstəyin, həmrəyliyin ən bariz nümunəsi 44 günlük Vətən müharibəsində qazanılan Zəfər, bu gün isə Qarabağda və Şərqi Zəngəzurda aparılan möhtəşəm bərpa və quruculuq işləridir.

 

 

 

Ümummilli Lider Heydər Əliyevin ən böyük arzusu Qarabağın düşmən tapdağından azad edilməsi, ərazi bütövlüyümüzün bərpası idi. Ulu Öndərin illər öncə böyük uzaqgörənliklə dediyi bu sözlər yada düşür: “Qarabağ məsələsini həll edəcəyik. Zaman lazımdır, vaxt lazımdır. Azərbaycan torpaqları heç vaxt onun əlindən gedə bilməz. Bizim işğal olunmuş torpaqlarımız mütləq qaytarılacaqdır. Nəyin bahasına olur-olsun”.

 

 

 

 

Dahi şəxsiyyətin bu arzusunu və vəsiyyətini onun layiqli davamçısı, Azərbaycan Prezidenti, Silahlı Qüvvələrimizin Müzəffər Ali Baş Komandanı, qüdrətli sərkərdə İlham Əliyev yerinə yetirdi, ölkəmizin ərazi bütövlüyü hərbi-siyasi yolla bərpa olundu. Üçrəngli Bayrağımız yenidən bütövləşən Vətən torpağında qürurla dalğalanmağa başladı.

 

 

 

 

İşğaldan azad edilmiş Qarabağ və Şərqi Zəngəzur hazırda yenidən qurulur, ərazilər minalardan təmizlənir, sürətlə genişmiqyaslı bərpa və yenidənqurma işləri aparılır. Dövlətimizin başçısı, qalib sərkərdə İlham Əliyev böyük və müdrik xalqımıza bu il sentyabrın 19-da növbəti Qələbənin sevincini yaşatdı. Dövlət Bayrağımızı əzəli və əbədi torpaqlarımızda – Xankəndidə, Xocalıda, Xocavənddə, Ağdərədə, Əsgəranda ucaltmaqla xalqımızın arzularını çin etdi. Müstəqil Azərbaycanın suverenliyi tam bərpa olundu.

 

 

 

 

Görkəmli dövlət xadimi Heydər Əliyev bu gün cismən aramızda olmasa da, onun parlaq ideyaları Azərbaycanın inkişaf yolunu işıqlandırmaqdadır. Ulu Öndərin yolu əzmlə davam etdirilir və ölkəmizi inamla irəli aparır. Bu gün ölkəmizin milli maraqlarını qətiyyətlə müdafiə edən Prezident İlham Əliyev uzaqgörən və titanik fəaliyyəti ilə Azərbaycanı dünya miqyasında, o cümlədən Türk dünyasında və bölgədə qüdrətli dövlətə, söz və nüfuz sahibinə, etibarlı tərəfdaşa çevirib.

Əminliklə söyləmək olar ki, Azərbaycan var olduqca Ulu Öndər Heydər Əliyevin ideyaları yaşayacaq və daha da inkişaf etdiriləcək.

 

 

 

Görkəmli dövlət xadimi Heydər Əliyev bu gün cismən aramızda olmasa da, onun parlaq ideyaları Azərbaycanın inkişaf yolunu işıqlandırmaqdadır. Ulu Öndərin yolu əzmlə davam etdirilir və ölkəmizi inamla irəli aparır. Bu gün ölkəmizin milli maraqlarını qətiyyətlə müdafiə edən Prezident İlham Əliyev uzaqgörən və titanik fəaliyyəti ilə Azərbaycanı dünya miqyasında, o cümlədən Türk dünyasında və bölgədə qüdrətli dövlətə, söz və nüfuz sahibinə, etibarlı tərəfdaşa çevirib.

 

 

 

 

Əminliklə söyləmək olar ki, Azərbaycan var olduqca Ulu Öndər Heydər Əliyevin ideyaları yaşayacaq və daha da inkişaf etdiriləcək.

Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/62495

 

 

 

]]> İlham Əliyev və Baş nazir İrakli Qaribaşvili Tbilisidə Ümummilli Lider Heydər Əliyevin 100 illiyinə həsr edilmiş fotosərgi ilə tanış olublar https://ortaasyagazetesi.com/ilham-%c9%99liyev-v%c9%99-bas-nazir-irakli-qaribasvili-tbilisid%c9%99-umummilli-lider-heyd%c9%99r-%c9%99liyevin-100-illiyin%c9%99-h%c9%99sr-edilmis-fotos%c9%99rgi-il%c9%99-tanis-olublar-h50245.html Sun, 08 Oct 2023 21:35:16 +0000 https://1453kralmedya.com/ilham-%c9%99liyev-v%c9%99-bas-nazir-irakli-qaribasvili-tbilisid%c9%99-umummilli-lider-heyd%c9%99r-%c9%99liyevin-100-illiyin%c9%99-h%c9%99sr-edilmis-fotos%c9%99rgi-il%c9%99-tanis-olublar-h50245.html

 

 

 

 

İlham Əliyev və Baş nazir İrakli Qaribaşvili Tbilisidə Ümummilli Lider Heydər Əliyevin 100 illiyinə həsr edilmiş fotosərgi ilə tanış olublar

08 oktyabr 2023,

 

 

 

İlham Əliyev və Baş nazir İrakli Qaribaşvili Tbilisidə Ümummilli Lider Heydər Əliyevin 100 illiyinə həsr edilmiş fotosərgi ilə tanış olublar

 

 

 

 

Azərbaycan Respublikasının Prezidenti İlham Əliyev və Gürcüstanın Baş naziri İrakli Qaribaşvili oktyabrın 8-də Tbilisidə Ümummilli Lider Heydər Əliyevin anadan olmasının 100 illiyinə həsr edilmiş “The Architect of Prosperity” – “Firavanlığın memarı” adlı fotosərgi ilə tanış olublar.

 

 

 

 

Dövlətimizin başçısına və Gürcüstanın Baş nazirinə sərgi ilə bağlı məlumat verildi. Qeyd olundu ki, Azərbaycanı müasir və iqtisadi cəhətdən çiçəklənən ölkəyə çevirən Ümummilli Liderə ehtiramın ifadəsi olan bu sərgi Ulu Öndərin bütün həyatını dövlətçiliyimizə və xalqımıza həsr etməsindən və ölkənin gələcək inkişafının əsasını necə müdrikliklə qoymasından bəhs edir.

 

 

 

 

Sərgidə Ulu Öndər Heydər Əliyevin Azərbaycan mədəniyyətinə qayğısını, gənclərlə görüşlərini əks etdirən fotolar yer alıb. Ekspozisiyanın Azərbaycan-Gürcüstan münasibətlərinə həsr edilmiş guşəsində Ulu Öndər Heydər Əliyevin Gürcüstanın sabiq Prezidenti Eduard Şevardnadze, həmçinin Prezident İlham Əliyevin Baş nazir İrakli Qaribaşvili ilə görüşlərindən də fotoşəkillər nümayiş olunur.

Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/61514

 

 

 

]]> Azərbaycan Millət vəkili Məşhur Məmmədov, “ Milli mədəniyyətimizin qüdrətli hamisi..”, ÖZEL https://ortaasyagazetesi.com/az%c9%99rbaycan-mill%c9%99t-v%c9%99kili-m%c9%99shur-m%c9%99mm%c9%99dov-milli-m%c9%99d%c9%99niyy%c9%99timizin-qudr%c9%99tli-hamisi-ozel-h46741.html Thu, 22 Jun 2023 18:42:46 +0000 https://1453kralmedya.com/az%c9%99rbaycan-mill%c9%99t-v%c9%99kili-m%c9%99shur-m%c9%99mm%c9%99dov-milli-m%c9%99d%c9%99niyy%c9%99timizin-qudr%c9%99tli-hamisi-ozel-h46741.html

Azərbaycan Millət vəkili Məşhur Məmmədov, “
Milli mədəniyyətimizin qüdrətli hamisi..”, ÖZEL

Millət vəkili Məşhur Məmmədov,

Hər bir dövlətin, xalqın gələcəyi və inkişaf səviyyəsi vətəndaşının malik olduğu elmi, mədəniyyəti, incəsənəti ilə ölçülür. Tarixi şəxsiyyətlərin həyat və fəaliyyəti barədə oxuyanda şahidi oluruq ki, əbədilik qazanmış dahi şəxsiyyətlərin elmə, elm xadimlərinə, ziyalılara, mədəniyyətə, mədəniyyət xadimlərinə, incəsənətə, incəsənət xadimlərinə münasibəti, qayğısı diqqət çəkib. Bu fəaliyyət sahələrinin inkişafına verdikləri töhfələr onların əbədiyaşarlığını təmin edən başlıca amillərdən birinə çevrilib. Bu baxımdan müstəqil Azərbaycan dövlətinin memarı və qurucusu, xalqımızın Ümummilli lideri Heydər Əliyevin Azərbaycan elminin, mədəniyyət və incəsənətinin inkişafındakı xidmətləri də misilsizdir. Mədəniyyət və incəsənət sahəsində qazanılan nailiyyətləri dövlət quruculuğu prosesinin mühüm şərti kimi nəzərdən keçirmiş Ulu Öndərimiz Azərbaycana rəhbərliyinin bütün dövrlərində bu sahəyə diqqət və qayğısını əsirgəməmiş, daim milli mədəniyyətimizin qüdrətli hamisi kimi çıxış etmişdir. O, bütövlükdə Azərbaycan ziyalılarına, mədəniyyət adamlarına həmişə yüksək qiymət vermiş, diqqət və qayğı göstərmişdir

Ümummilli lider Heydər Əliyev hər zaman həm onları müdafiə edir, həm də onların dəstəyinə arxalanırdı.

Hakimiyyətə gəldiyi ilk illərdə Ulu Öndərin Qazaxda Molla Pənah Vaqifin ev-muzeyinin yaradılması qərarını verməsi öz dövrü üçün böyük ədəbi hadisə olmaqla yanaşı, milli hadisə idi.

30 oktyabr 1997-ci il tarixdə Azərbaycan Yazıçılarının X Qurultayında Ulu öndər Heydər Əliyev demişdir: – “Vaqifin vəfatından 200 il sonra biz Şuşada onun məzarı üzərində əzəmətli bir məqbərə ucaltdıq. Bu, həm Vaqifin yaradıcılığına, həm də, ümumiyyətlə, ədəbiyyata, şerə, mədəniyyətə olan münasibətimiz idi”.

1980-ci il dekabrın 11-də Naxçıvan şəhərində Hüseyn Cavid kimi bir şəxsiyyətin ev-muzeyinin yaradılması qərarına imza atmaq həmin zaman kəsiyi üçün cəsarət tələb edirdi, mühüm bir hadisə idi. Bir imperiyanın məhv etdiyi bir dahini hələ o imperiyanın mövcud olduğu bir zamanda, məhvindən yarım əsr keçməmiş öz vətəninə təmtəraqlı surətdə təhvil vermək tarixi ədalətsizlik üzərində milli qələbə idi. Bu qələbəni xalqa, ədəbiyyat cameəsinə məhz Ulu öndər Heydər Əliyev bəxş etdi.

10 iyun 1995-ci il tarixdə Böyük Azərbaycan şairi və dramaturqu Hüseyn Cavidin məqbərəsinin və ev-muzeyinin yaradılması ilə bağlı müşavirədə Ulu Öndər söyləmişdir: – “Hüseyn Cavid bizim üçün doğrudan da əzizdir. O, tariximizdə böyük bir şəxsiyyətdir və böyük bir irs qoyub. Xalqımız, tariximiz nə qədər yaşayacaqsa, Hüseyn Cavidin irsi də o qədər yaşayacaq və xalqımız ondan istifadə edəcək.”

1969-cu ildə ölkə rəhbəri təyin edilən Heydər Əliyev 1970-ci ildə Rəsul Rzanın 60 illik yubileyinin dövlət səviyyəsində qeyd olunmasına nail olur. Bu, o dövr üçün yazarlara böyük etimadın göstəricisi idi. Bu göstərici hər il daha da artır, daha geniş arenanı əhatə edirdi. Belə ki, 1973-cü ildə həm Nigar Rəfibəylinin 60, həm də Nəbi Xəzrinin 50 illik yubileyləri böyük təntənə ilə gerçəkləşdirilir. Həmin dövrdə klassiklərə olan diqqətdən danışarkən ilbəil keçirilən yubiley tədbirlərini xatırlamaq lazımdır. 1972-ci ildə Nəriman Nərimanovun 100 illik yubileyi qeyd edilməklə bərabər, heykəlinin ucaldılması ədəbiyyat tariximiz üçün önəmli hadisə idi. Həmçinin 1973-cü il sentyabrın 13-də İmadəddin Nəsiminin 600 illik yubileyinin Bakı ilə yanaşı, Moskvada da keçirilməsi bütün imperiyanı Azərbaycana diqqət ayırmağa sövq etmək demək idi. Nəticədə 1980-ci ildə Bakıda Nəsiminin abidəsi qoyuldu. Qarşıdan bəşəri şair Nizami Gəncəvinin yubileyləri gəlirdi. Bu münasibətlə 1979-cu ildə “Azərbaycanın böyük şairi və mütəfəkkiri Nizami Gəncəvinin irsinin öyrənilməsini, nəşrini və təbliğini daha da yaxşılaşdırmaq tədbirləri haqqında” qərar qəbul edilir. Dövrün bütün ziddiyyətlərinə baxmayaraq, qərarda Nizami Gəncəvinin məhz Azərbaycan şairi olmasının qabarıq vurğulanması siyasətin ədəbiyyatda qələbəsi idi. Bu, o demək idi ki, böyük bir imperiya Nizami Gəncəvini Azərbaycan şairi olaraq öyrənir və təbliğ edirdi. Qərarın icrasından irəli gələrək 1981-ci ildə şairin 840, 1991-ci ildə isə 850 illiyi dövlət səviyyəsində keçirildi.
Heydər Əliyev 1982-ci il yanvarın 15-də Şuşada M.P.Vaqifin məqbərəsinin açılışında iştirak edir. Bu hadisənin tarixi əhəmiyyətini həmin tədbirin iştirakçısı və şahidi olmuş şairlərimiz sonralar əsərlərində xüsusi qeyd ediblər. Bütün bunlarla yanaşı, onun hakimiyyətinin birinci mərhələsində istər müasir, istərsə də klassik şair və yazıçıların yubileylərinə xüsusi qayğıkeşliklə yanaşmasını unutmaq olmaz.
1990-cı illərdə ölkəmizin düçar edildiyi ədalətsiz müharibənin fəsadlarına baxmayaraq, Heydər Əliyev yenə də ədəbiyyat sahəsinə öz diqqət və qayğısını azaltmırdı. 1994-cü ildə satirik qələm ustası Cəlil Məmmədquluzadənin 125 illik yubileyinin keçirilməsi həmin çətinliklər dövründə böyük hadisə idi. Həmçinin Azərbaycanın azadlıq mücadiləsində fərqlənən şairlərin dövlət tərəfindən mükafatlandırılması milli müstəqilliyə xidmət edirdi. 1995-ci ildə ilk dəfə ulu öndər Heydər Əliyev tərəfindən Bəxtiyar Vahabzadəyə verilən “İstiqlal” ordeninə sonralar Məmməd Araz və Xəlil Rza Ulutürk də layiq görüldülər.

Ümummilli lider Heydər Əliyev sovet hakimiyyəti illərində olduğu kimi, müstəqillik illərində də yazıçıların qurultayında iştirak edib. 1997-ci ilin oktyabrında Azərbaycan Yazıçılar Birliyinin X qurultayında iştirakı yazarlar üçün böyük etimad idi. Həmin qurultayın səmərəli nəticəsi olaraq Azərbaycan Yazıçılar Birliyinin mətbu orqanları olan “Azərbaycan”, “Ulduz”, “Qobustan”, “Literaturnıy Azerbaydjan” jurnalları və “Ədəbiyyat qəzeti” dövlət tərəfindən maliyyələşdirilərək nəşr edilməyə başlandı

Ulu Öndər Heydər Əliyev görkəmli Azərbaycan ziyalı və incəsənət xadimləri haqqında sitatlar söyləmişdir. 21 sentyabr 1993-cü il tarixdə Azərbaycan Respublikası Elmlər Akademiyasında ziyalılarla görüşdə Heydər Əliyev demişdir: “Biz Nizamidən, Füzulidən danışarkən onları təkcə şair kimi deyil, böyük filosoflar kimi, dünyaya, dünya mədəniyyətinə, elminə böyük töhfələr vermiş mütəfəkkirlər kimi tanıtmalıyıq.”

18 sentyabr 1994-cü il tarixdə Böyük dirijor və bəstəkar Niyazinin ev-muzeyinin təntənəli açılışında Ulu Öndər söyləmişdir: “Azərbaycan xalqı qarşısında Niyazinin əvəzsiz xidmətləri vardır. O, Azərbaycan professional musiqisinin yaranmasında və inkişafında böyük səylər göstərmiş və bu xidmətləri xalqımız heç vaxt unutmayacaqdır.”
17 oktyabr 1997-ci il tarixdə Müslüm Maqomayevin yubiley gecəsində Ulu Öndər çıxışında söyləmişdir: – “Müslüm Maqomayev nadir və bənzərsiz müğənnidir, Allah vergisidir, ancaq eyni zamanda özünün gərgin, yorulmaq bilməyən zəhməti ilə cilalanmış istedaddır. Onu fərqləndirən bir cəhət də istedadının çoxşaxəli olmasıdır. Onun gözəl səsi, əla ifa texnikası var. O, gözəl oxuyur, musiqi alətlərində gözəl ifa edir, çoxlu gözəl mahnılar bəstələyib. Gözəl şəkil çəkməsinə, heykəltəraşlıq istedadına gəldikdə, bu da məlumdur. Görün, bir insanda nə qədər çoxşaxəli, böyük istedad cəmləşibdir. Sevinirik ki, bizim Azərbaycanın belə övladı, Azərbaycan musiqisinin, Azərbaycan incəsənətinin belə layiqli nümayəndəsi var və indiyədək olduğu və getdiyi bütün dünya ölkələrində özünü və bizim mədəniyyətimizi, musiqimizi və xalqımızı şöhrətləndirir.”

13 oktyabr 2001-ci il tarixdə Dahi sənətkar Rəşid Behbudovun xatirə gecəsində Ulu Öndər demişdir: – “Rəşid Behbudov dünyanı dolaşmış ilk Azərbaycan müğənnisidir, musiqiçisidir”.

Öz xalqını və ziyalısını dərindən sevən Heydər Əliyev fəaliyyəti dövründə respublikanın elm və mədəniyyətinin yüksəlişi, xalqın güzəranının yaxşılaşması uğrunda apardığı mübarizədə Azərbaycan ziyalılarının inkişafına da da daim diqqət yetirmişdir. Ulu Öndər Heydər Əliyevin mədəniyyət və incəsənət adamları barədə söylədikləri xoş sözlər kitablara sığmayacaq qədər çoxdur.

Azərbaycana rəhbərlik etdiyi bütün illərdə Ulu öndər Heydər Əliyev Azərbaycan ziyalılarının və incəsənət xadimlərinin himayədarı olub.

 

Ülker Piriyeva/ Azerbaycan

]]> Azərbaycan Millət vəkili Məşhur Məmmədov, “ Azərbaycançılıq ideologiyasının banisi”, Özel https://ortaasyagazetesi.com/az%c9%99rbaycan-mill%c9%99t-v%c9%99kili-m%c9%99shur-m%c9%99mm%c9%99dov-az%c9%99rbaycanciliq-ideologiyasinin-banisi-ozel-h44708.html Tue, 02 May 2023 18:22:16 +0000 https://1453kralmedya.com/az%c9%99rbaycan-mill%c9%99t-v%c9%99kili-m%c9%99shur-m%c9%99mm%c9%99dov-az%c9%99rbaycanciliq-ideologiyasinin-banisi-ozel-h44708.html

Azərbaycan Millət vəkili Məşhur Məmmədov, “
Azərbaycançılıq ideologiyasının banisi”, Özel

 

Milli Məclisin deputatı
Məşhur Məmmədov,

 

Azərbaycançılıq ideologiyasının banisi

Ümummilli lider Heydər Əliyevin respublikamıza rəhbərlik etdiyi illər iki müxtəlif tarixi dövrə təsadüf edir. Bu dövrlərin fərqliliyi təkcə zaman kəsiyi səbəbilə deyil, həm də ölkənin mövcud olduğu müxtəlif, daha dəqiq desək, antoqonist ictimai-siyasi formasiyaların mahiyyətlərindəki ziddiyyətlər əsasında formalaşmışdı. Belə çətin dövrlərdə ulu öndər Heydər Əliyevin fəaliyyəti bilavasitə Azərbaycan xalqının maraqlarına xidmət etmiş və nəticə etibarı ilə müasir müstəqil Azərbaycan dövlətinin qurulması üçün dayanıqlı əsasların yaradılmasını təmin etmişdir.

Müstəqillik ideyasının əsasında duran vacib hərəkətverici qüvvələrdən biri də milli ideologiya amilidir. Bu gün bütün dünya azərbaycanlıları üçün vahid birləşdirici faktor olan azərbaycançılıq ideologiyasının əsasını qoymaqla, ulu öndər milli-mənəvi dəyərlər sistemimizi daha da gücləndirmiş, itirilməkdən xilas etmişdir. Milli-mənəvi dəyərlərimizə qayıdışın və milli oyanışın xalqımız üçün gərəkliliyini nəzərə alan, hər zaman bu məsələni diqqət mərkəzində saxlayan ümummilli lider Heydər Əliyev bu sahədə inqilabi addımların atılmasına zəmin yaratmışdır. Ulu öndər milli-mənəvi dəyərlərimizi təkcə milli varlığımızın deyil, həm də dövlət quruculuğu prosesinin mühüm atributu hesab edirdi. Mənsub olduğu xalqın tarixi keçmişinə, mənəvi irsinə və milli dəyərlər sisteminə ən yüksək dəyər verən ulu öndər deyirdi: “Hər xalqın özünə, öz tarixi köklərinə, əcdadları tərəfindən yaradılmış milli-mənəvi dəyərlərinə bağlılığı böyük amildir. Biz də indi dünyanın mütərəqqi mənəvi dəyərlərindən istifadə edərək, xalqımızın mədəni səviyyəsini daha da inkişaf etdirərək, gənc nəsli daha da sağlam əhvali-ruhiyyədə, saf əxlaqi əhvali-ruhiyyədə tərbiyələndirməliyik”.
Ulu öndər Heydər Əliyevin azərbaycançılıq məfkurəsinin fəlsəfi, siyasi mənası olduqca dərindir. Azərbaycançılıq milli həmrəyliyi, bütövlüyü təmin edən, milli təəssübkeşlik və vətənpərvərlik hissini gücləndirən məfkurədir. Ümummilli Liderin müəllifi olduğu, sistemləşdirdiyi azərbaycançılıq ideologiyası təkcə bu ölkənin ərazisində yaşayan insanları yox, eyni zamanda, bütün dünyada məskunlaşan azərbaycanlıları əhatə edərək dünya azərbaycanlılarının milli istinad mənbəyinə çevrilib.

“Biz hamımız azərbaycanlıyıq, hamımızın dilimiz var, hamımız da bu azərbaycanlılığı anadangəlmə qəbul etmişik”, – deyən ulu öndər Heydər Əliyevin şah əsəri müasir müstəqil Azərbaycan dövlətidir. Müasir müstəqil Azərbaycan dövlətinin ideya əsaslarını da azərbaycançılıq ideologiyası təşkil edir.

Bu gün Heydər Əliyev və Azərbaycan sözləri hər bir azərbaycanlı üçün müəyyən mənada eyni məna daşıyan sözlərdir. Birmənalı şəkildə demək olar ki, Heydər Əliyev olmasaydı müasir müstəqil, qüdrətli Azərbaycan dövləti də olmazdı. Ulu Öndərin Azərbaycana rəhbərlik etdiyi 30 ilin hər bir ili görülən işlər və əldə olunan nailiyyətlərə görə əhəmiyyətli il olub. Bəşər tarixində nadir insanlar var ki, onların həyat və fəaliyyəti bütün millətin və xalqın, dövlətin taleyini həll etmiş olsun. Heydər Əliyev Azərbaycan xalqının ümummilli lideri kimi tarixə həkk olub. Ulu Öndərin Azərbaycan qarşısında ən böyük xidmətlərindən biri müasir müstəqil dövlətimizin yaradılması və inkişaf etdirilməsi olub. Ulu öndər milli-mənəvi dəyərlərimizi təkcə milli varlığımızın yox, həm də siyasi varlığımızın – dövlət quruculuğu prosesinin mühüm atributu hesab edərək mənsub olduğu xalqın tarixi keçmişinə, mənəvi irsinə və milli dəyərlər sisteminə sönməz məhəbbət hissi ilə yanaşırdı. Ulu öndər azərbaycançılıq məfkurəsinin prinsiplərini bəyan etməklə ölkəmizin inkişafı və tərəqqisi üçün işıqlı yolun təməlini qoydu.

Ümummilli Liderin ölməz ideyalarını, onun siyasi kursunu ləyaqətlə davam etdirən Prezident İlham Əliyev uğurla Azərbaycanın inkişaf və tərəqqi siyasətini həyata keçirir. Heydər Əliyevin əsasını qoyduğu, Prezident İlham Əliyevin diplomatik uğurlarla davam etdirdiyi siyasət hazırkı qloballaşan dünyada çox mürəkkəb geosiyasi dövrdə yeganə və alternativsiz siyasət olduğu üçün Azərbaycanın gələcək inkişaf və tərəqqisinə təminat verir. Artıq uzun müddətdir ki, Cənubi Qafqaz regionunun lider dövləti olan Azərbaycan bu gün həm də dünya ölkələri arasında nüfuzlu söz sahiblərindən birinə çevrilib. Əlbəttə ki, bu nailiyyətin əsasında ulu öndər Heydər Əliyevin müəyyən etdiyi və 2003-cü ildən bəri ölkə Prezidenti İlham Əliyev tərəfindən layiqincə davam etdirilən praqmatik xarici siyasət strategiyası durur.

Ülker Piriyeva-AZERBAYCAN

]]>