Türkiyə-Azərbaycan Dərnəklər Federasiyası – Orta Asya Gazetesi https://ortaasyagazetesi.com Mon, 05 Jun 2023 11:48:36 +0000 tr hourly 1 https://ortaasyagazetesi.com/wp-content/uploads/2025/03/cropped-Orta-asya-32x32.webp Türkiyə-Azərbaycan Dərnəklər Federasiyası – Orta Asya Gazetesi https://ortaasyagazetesi.com 32 32 İstanbulda Heydər Əliyevin 100 illik yubileyi qeyd olunub https://ortaasyagazetesi.com/istanbulda-heyd%c9%99r-%c9%99liyevin-100-illik-yubileyi-qeyd-olunub-h46131.html Mon, 05 Jun 2023 11:48:36 +0000 https://1453kralmedya.com/istanbulda-heyd%c9%99r-%c9%99liyevin-100-illik-yubileyi-qeyd-olunub-h46131.html

İstanbulda Heydər Əliyevin 100 illik yubileyi qeyd olunub
5 iyun, 2023

Resim
İstanbulda Heydər Əliyevin 100 illik yubileyi qeyd olunub

Türkiyənin İstanbul şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş “Xalqın adamı” adlı tədbir keçirilib.

Resim

Diasporla İş üzrə Dövlət Komitəsinin dəstəyi, Türkiyə-Azərbaycan Dərnəklər Federasiyası və İnsan Haqları, Təhsil, Kültür və Həmrəylik Dərnəyinin birgə təşkilatçılığı ilə baş tutan tədbirdə siyasi partiyaların, vətəndaş cəmiyyətinin nümayəndələri və soydaşlarımız iştirak ediblər.

Resim

Heydər Əliyevin və iki dövlətin azadlığı uğrunda canlarından keçmiş şəhidlərimizin xatirəsi bir dəqiqəlik sükutla yad edilib. Ardınca Türkiyə və Azərbaycanın Dövlət himnləri səsləndirilib.

Resim

Türkiyə-Azərbaycan Dərnəklər Federasiyasının sədri Ədalət Turanın qonaqları salamlamasından sonra Dövlət Komitəsinin hazırladığı “Heydər Əliyev və Azərbaycan diasporu” adlı sənədli film nümayiş etdirilib.

 

 

 

 

Komitə sədrinin birinci müavini Valeh Hacıyev çıxışında ölkəmizin və türk dünyasının qüdrətli liderlərindən biri olan Heydər Əliyevin həyat və fəaliyyəti barədə danışıb. Dahi şəxsiyyətin “bir millət, iki dövlət” adlandırdığı Türkiyə-Azərbaycan dostluq və qardaşlığından söz açıb. Qardaş ölkədə prezident seçkilərinin ikinci turunun xalqımıza çox əziz olan tarixi günə, 28 May – Müstəqillik Gününə təsadüf etdiyini xatırladıb. Seçkinin nəticəsinin Türkiyədə olduğu kimi, Azərbaycanda da böyük sevinc və coşğu ilə qarşılandığını, dövlətlərimiz arasında siyasi və iqtisadi birliyin daha da güclənəcəyinə əmin olduğunu vurğulayıb.

İnsan Haqları, Təhsil, Kültür və Həmrəylik Dərnəyinin sədri Məhşəti Şərif Özyürek kütləvi informasiya vasitələrinə həssas münasibəti ilə fərqlənən, jurnalistlərin əməyini daim yüksək qiymətləndirən, sağlığında “Jurnalistlərin dostu” mükafatını qazanmış Heydər Əliyevlə bağlı xatirələrini bölüşüb.

Tədbirdə çıxış edən Vətən Partiyasının sədri Dr. Doğu Perinçek, Ədalət və İnkişaf Partiyasının üzvü, 2011-2018-ci illərdə Türkiyə Böyük Millət Məclisinin üzvü Metin Külünk yeni dünya düzənində ölkələrimizin yerindən və rolundan danışıblar, Türkiyə Cümhuriyyətinin qurucusu Müstafa Kamal Atatürkün və Heydər Əliyevin mübarizə həyatının bənzərliyinə diqqəti cəlb ediblər.

“Türk dünyasının yeni dünya düzənində önəmli amil olacağına inanırıq. Cünki Heydər Əliyevin liderliyi və dövlət siyasətindəki uğurları sayəsində Can Azərbaycan qəhrəman ordusu ilə bərabər türk dünyasına örnəkdir”, – deyə Doğu Perincek söyləyib.

 

 

 

“Türkün var olduğu yerdə ədalətsizlik olmaz”, – deyə Metin Külünk ölkələrimizin birlikdə yeni dünya düzəninə yön verməsinin bütün bəşəriyyət üçün önəmli olduğunu vurğulayıb.

Eskişəhər Azərbaycanlılar Dərnəyinin üzvü, “Üç cizgi” jurnalının əməkdaşı Gülgün Abbasbəyli “Dayanıqlı liderlik çərçivəsində Heydər Əliyevin Azərbaycan gəncləri siyasəti” mövzusunda təqdimatla çıxış edib.

Tədbir müğənni Elgün Quliyevin ifasında Heydər Əliyevin sevdiyi Azərbaycan mahnılarından ibarət konsert proqramı ilə yekunlaşıb.

Tədbir çərçivəsində Heydər Əliyevin həyat və fəaliyyətinə həsr olunmuş fotosərgi nümayiş etdirilib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/istanbulda-heyder-eliyevin-100-illik-yubileyi-qeyd-olunub-3054

 

 

]]> İstanbulda Novruz bayramı qeyd edilib https://ortaasyagazetesi.com/istanbulda-novruz-bayrami-qeyd-edilib-h42409.html Fri, 24 Mar 2023 08:12:20 +0000 https://1453kralmedya.com/istanbulda-novruz-bayrami-qeyd-edilib-h42409.html

 

 

 

 

İstanbulda Novruz bayramı qeyd edilib
, 2023
İstanbulda Novruz bayramı qeyd edilib

Türkiyənin İstanbul şəhərində yaşayan soydaşlarımız Novruz bayramı münasibətilə bir araya gəliblər.

İnsan Haqları, Təhsil, Mədəniyyət və Həmrəylik Dərnəyi ilə “Xarıbülbül” Azərbaycan Vizyon Teatrı Dərnəyinin birgə təşkilatçılığı ilə baş tutan tədbirdə Türkiyə-Azərbaycan Dərnəklər Federasiyasının sədr müavini Pərviz Məmmədzadə, İstanbul Səhiyə İdarəsi müdir müavini Mahmut Akman və vətəndaş cəmiyyətinin nümayəndələri iştirak ediblər.

Tədbir iştirakçılarını salamlayan İnsan Haqları, Təhsil, Mədəniyyət və Həmrəylik Dərnəyinin rəhbəri Məhsəti Şərif və “Xarı Bülbül” Azərbaycan Vizyon Teatr Dərnəyinin rəhbəri Kəmalə Kamal bayram münasibətilə türk xalqlarını təbrik ediblər, baharın Azərbaycan və Türkiyəyə düşərli olmasını arzulayıblar.

Sonra türklərin ortaq bayramı olan Novruzun önəmindən danışılıb və bayramın rəmzləri barədə məlumat verilib.

Tədbir çərçivəsində Novruzun adət-nənələrini və Azərbaycan mədəniyyətini əks etdirən eksponatlar və nümunələr nümayiş etdirilib.

 

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/istanbulda-novruz-bayrami-qeyd-edilib-2662

 

 

 

]]> İstanbulda Xocalı soyqırımına həsr olunmuş sənədli film təqdim edilib https://ortaasyagazetesi.com/istanbulda-xocali-soyqirimina-h%c9%99sr-olunmus-s%c9%99n%c9%99dli-film-t%c9%99qdim-edilib-h41484.html Wed, 01 Mar 2023 14:09:29 +0000 https://1453kralmedya.com/istanbulda-xocali-soyqirimina-h%c9%99sr-olunmus-s%c9%99n%c9%99dli-film-t%c9%99qdim-edilib-h41484.html

 

 

 

İstanbulda Xocalı soyqırımına həsr olunmuş sənədli film təqdim edilib

, 2023

İstanbulda Xocalı soyqırımına həsr olunmuş sənədli film təqdim edilib

Türkiyənin İstanbul şəhərində Xocalı soyqırımının 31-ci ildöünümü ilə əlaqədar “Cəhənnəmə götürən koğuş” adlı sənədli film təqdim olunub.

Xarıbülbül Vizyon Teatr Dərnəyinin təşkilatçılığı ilə baş tutan təqdimat mərasimində Türkiyə və Azərbaycanın ictimai-siyasi xadimləri, vətəndaş cəmiyyətinin nümayəndələri iştirak ediblər.

Türkiyə və Azərbaycanın Dövlət himnlərinin səsləndirilməsi ilə başlayan tədbirdə Xocalı soyqırımı qurbanları və Türkiyədəki dağıdıcı təbii fəlakət nəticəsində həlak olan insanların xatirəsi ehtiramla yad edilib.

Tədbiri giriş sözü ilə açan dərnəyin rəhbəri Kəmalə Cabbarova bildirib ki, bəzən siyasətin keçmədiyi yerdə mədəniyyət və incəsənət öz sözünü deyə bilir. Odur ki, Xocalı həqiqətləri ilə bağlı haqq səsimizin dünyada ucadan duyulmasında bu cür sənədli filmlər, tamaşalar və sərgilər böyük rol oynaya bilər. Qarabağ həqiqətlərinin dünya ictimaiyyətinə çatdırılması naminə yaradılan imkanlara və dəstəyə görə Azərbaycan Prezidenti İlham Əliyevə, Heydər Əliyev Fondunun prezidenti Mehriban Əliyevaya, Diasporla İş üzrə Dövlət Komitəsinə minnətdarlığını bildirən dərnək sədri erməni cinayətkarlarının ədalət məhkəməsi qarşısında cavab verəcəkləri günü səbirsizliklə gözlədiklərini bildirib.

Tədbirdə çıxış edən Türkiyə Böyük Millət Məclisinin üzvü və Türkiyə-Azərbaycan parlamentlərarası dostluq qrupunun rəhbəri Şamil Ayrım, Türkiyə-Azərbaycan Dərnəklər Federasiyasının rəhbəri Ədalət Turan, İnsan Haqları, Təhsil və Mədəniyyət Təşkilatının rəhbəri Məhsəti Şərif Özyürek müasir dövrümüzdə törədilmiş Xocalı soyqırımını Ermənistanın uzun illərdən bəri Azərbaycana qarşı həyata keçirdiyi planlaşdırılmış etnik təmizləmə və təcavüz siyasətinin tərkib hissəsi adlandırıb, bu faciənin unudulmasına imkan verməyən mədəniyyət və incəsənət əsərlərinin yaradılmasının önəmindən danışıblar.

Sonra xocalılara və şəhidlərə həsr olunmuş “Cəhənnəmə götürən koğuş” sənədli filmi nümayiş olunub. İstanbuldakı arxiv materialları əsasında ərsəyə gəlmiş filmin ssenari müəllifi və rejissoru Letafet Refik, montaj rejissoru Ümid Seyidoğlu, dizayneri Yasin Şeker, koordinatoru Yunus Soyupek, bədii rəhbəri Kəmalə Kemaldır. Filmin kadrarxası mətnini Burak Durmuş səsləndirib.

Filmin nümayişindən sonra yaradıcı kollektivə təşəkkür lövhələri təqdim olunub.

Tədbir çərçivəsində iştirakçılara Heydər Əliyev Fondu tərəfindən hazırlanmış Xocalı soyqırımı haqqında broşürlər, nişanlar və “Sonsuz dəhliz” filminin diskləri paylanıb, Xocalı soyqırımını və azad olunmuş torpaqlarımızda erməni vandalizmini əks etdirən fotosərgi təşkil edilib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/istanbulda-xocali-soyqirimina-hesr-olunmus-senedli-film-teqdim-edilib-2489

 

 

 

 

 

 

 

 

 

 

]]>