Rusiya Federasiyası – Orta Asya Gazetesi https://ortaasyagazetesi.com Fri, 04 Oct 2024 16:29:29 +0000 tr hourly 1 https://ortaasyagazetesi.com/wp-content/uploads/2025/03/cropped-Orta-asya-32x32.webp Rusiya Federasiyası – Orta Asya Gazetesi https://ortaasyagazetesi.com 32 32 Həştərxanda “Teatr Deltası” III Beynəlxalq Festival-Forum açılıb https://ortaasyagazetesi.com/h%c9%99st%c9%99rxanda-teatr-deltasi-iii-beyn%c9%99lxalq-festival-forum-acilib-h61377.html Fri, 04 Oct 2024 16:29:29 +0000 https://1453kralmedya.com/?p=61377 Həştərxanda “Teatr Deltası” III Beynəlxalq Festival-Forum açılıb

Türkiye – 1453 Kral Medya haber ajansı

Məşhur rus və xarici teatrlar Həştərxan səhnəsində ən yaxşı əsərlərini təqdim edəcəklər.

Açıklama yok.

“Teatr deltası” zamanı tamaşaçılar həmçinin Akmola Vilayət Rus Dram Teatrının – “Vaksiya nəzarətçisi” (2 oktyabr), Sankt-Peterburqdakı Bryantsev Gənc Tamaşaçılar Teatrının – “NOS” (3 oktyabr) qastrol tamaşalarının nümayişindən də həzz alacaqlar. Azərbaycan Dövlət Akademik Rus Dram Teatrı – “Kapitan qızı” (4 oktyabr), Moskva Teatrı “Emalatxana P.N. Fomenko” – “Son tarixlər” (8 oktyabr), Nijni Novqorod Teatrı “Komediya” – “Evlənmə” (9 oktyabr), Vasilyevski adına Dövlət Dram Teatrı, Sankt-Peterburq – “İDIOT” (10 oktyabr). Həştərxan Dram Teatrı festivalda “Qağayı” tamaşasını təqdim edəcək.

Açıklama yok.

“Teatr Deltası” təkcə nümayişlər deyil, həm də təlim proqramı, ustad dərsləri və yaradıcılıq görüşləridir. Festivalın proqramına ilk dəfə olaraq rektor, Rusiya Federasiyasının əməkdar artisti İqor Zolotovitskinin şəxsi nəzarəti ilə Moskva İncəsənət Teatrı Məktəb-Studiyasının mütəxəssisləri cəlb olunub.

Azerbaycan/Ülker Piriyeva

]]> Nazir Ceyhun Bayramovun Rusiya Federasiyası Xarici İşlər Nazirliyinin xüsusi tapşırıqlar üzrə səfiri Pavel Knyazev ilə görüşünə dair mətbuat məlumatı https://ortaasyagazetesi.com/nazir-ceyhun-bayramovun-rusiya-federasiyasi-xarici-isl%c9%99r-nazirliyinin-xususi-tapsiriqlar-uzr%c9%99-s%c9%99firi-pavel-knyazev-il%c9%99-gorusun%c9%99-dair-m%c9%99tbuat-m%c9%99lumati-h55808.html Sun, 31 Mar 2024 18:56:44 +0000 https://1453kralmedya.com/nazir-ceyhun-bayramovun-rusiya-federasiyasi-xarici-isl%c9%99r-nazirliyinin-xususi-tapsiriqlar-uzr%c9%99-s%c9%99firi-pavel-knyazev-il%c9%99-gorusun%c9%99-dair-m%c9%99tbuat-m%c9%99lumati-h55808.html

No:138/24, Nazir Ceyhun Bayramovun Rusiya Federasiyası Xarici İşlər Nazirliyinin xüsusi tapşırıqlar üzrə səfiri Pavel Knyazev ilə görüşünə dair mətbuat məlumatı

 

 

 

29 mart 2024-cü il tarixində Azərbaycan Respublikasının xarici işlər naziri Ceyhun Bayramov Rusiya Federasiyası Xarici İşlər Nazirliyinin xüsusi tapşırıqlar üzrə səfiri Pavel Knyazevi qəbul edib.

 

Görüşdə Azərbaycan və Rusiya arasında ikitərəfli və çoxtərəfli əməkdaşlıq gündəliyindən irəli gələn məsələlər, habelə regionda cari vəziyyət müzakirə olunub.

 

Nazir Ceyhun Bayramov iki ölkə arasında mövcud münasibətlərin regional və beynəlxalq platformalarda əməkdaşlığın genişləndirilməsinə müsbət təsir göstərdiyini diqqətə çatdırıb. Bir sıra beynəlxalq platformalarda əməkdaşlığın perspektivləri ətrafında müzakirə aparılıb.

 

Qarşı tərəf cari ildə ölkəmizin BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasına (COP29) ev sahibliyi çərçivəsində tərəfimizdən aparılan danışıqlar prosesi, habelə görülən hazırlıq işləri barədə məlumatlandırılıb.

 

Postmünaqişə dövründə bölgədə mövcud vəziyyət, Azərbaycanın bölgədə sülh və quruculuq səylərindən bəhs edən nazir Ceyhun Bayramov, sülh prosesinin irəlilədilməsi istiqamətində yeni çağırışlar yaradan bir sıra addımların, o cümlədən regiondan uzaq yerləşən dövlətlərin öz birtərəfli mövqelərini bölgəyə proyeksiya etmək cəhdlərinin prosesə maneə törətdiyini bildirib.

 

 

 

Bu istiqamətdə, cari ilin 5 aprel tarixində keçiriləcək Aİ-Ermənistan-ABŞ müştərək konfransının bu cür qeyri-şəffaf və inklüziv olmayan mühitdə təşkili ilə bağlı ölkəmizin mövqeyinin, habelə bu kimi təşəbbüslərin revanşist əhval-ruhiyyənin hökm sürdüyü Ermənistanı yeni təxribatlara təşviq edə biləcəyi ilə bağlı narahatlıqlarımızın aydın şəkildə ifadə olunduğu vurğulanıb.

 

Mövcud çətinlik və çağırışlara baxmayaraq, ölkəmizin regional sülh və sabitliyin təmin edilməsi istiqamətində fəaliyyətini davam etdirmək əzmində olduğu diqqətə çatdırılıb.

 

Görüş zamanı, həmçinin qarşılıqlı maraq doğuran digər məsələlər ətrafında fikir mübadiləsi aparılıb.

 

Paylaş
BÜTÜN XƏBƏRLƏR

kaynak:https://mfa.gov.az/az/news/no13824

 

 

 

]]> Rusiya Federasiyasının Prezidenti Vladimir Putindən https://ortaasyagazetesi.com/rusiya-federasiyasinin-prezidenti-vladimir-putind%c9%99n-h54251.html Sat, 10 Feb 2024 15:25:23 +0000 https://1453kralmedya.com/rusiya-federasiyasinin-prezidenti-vladimir-putind%c9%99n-h54251.html

 

 

Rusiya Federasiyasının Prezidenti Vladimir Putindən

 

 

 

2024,

Resim

Azərbaycan Respublikasının Prezidenti Zati-aliləri cənab İlham Əliyevə

 

 

 

 

Hörmətli İlham Heydər oğlu.

 

 

 

Azərbaycan Respublikasının Prezidenti vəzifəsinə yenidən seçilməyiniz münasibətilə səmimi təbriklərimi qəbul edin.

 

 

 

Səsvermənin nəticələri Sizin yüksək siyasi nüfuzunuzu, Azərbaycanın sürətli sosial-iqtisadi inkişafı və onun mövqelərinin dünya arenasında möhkəmləndirilməsi üzrə həyata keçirdiyiniz kursa ümumxalq dəstəyini tam təsdiq edir.

 

 

 

Bakı ilə müttəfiqlik münasibətlərinə böyük əhəmiyyət veririk. Əminəm ki, bütün sahələrdə səmərəli ikitərəfli əməkdaşlığın, beynəlxalq gündəliyin aktual məsələlərinin həllində tərəfdaşlıq qarşılıqlı əlaqələrinin genişləndirilməsi üzrə fəal birgə işi davam etdirəcəyik. Şübhəsiz ki, bu iş dost xalqlarımızın maraqlarına cavab verir, Cənubi Qafqazda və Xəzər regionunda sabitliyin, təhlükəsizliyin gücləndirilməsi istiqamətində gedir.

 

 

 

 

Hörmətli İlham Heydər oğlu, dövlət başçısı vəzifəsində məsuliyyətli fəaliyyətinizdə Sizə səmimi-qəlbdən uğurlar, möhkəm cansağlığı və əmin-amanlıq arzu edirəm.

Hörmətlə,

 

 

 

Vladimir Putin

Rusiya Federasiyasının Prezidenti

BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/63650

 

 

 

]]> Dərbənddə Həmrəylik Günü münasibətilə dəyirmi masa təşkil edilib https://ortaasyagazetesi.com/d%c9%99rb%c9%99ndd%c9%99-h%c9%99mr%c9%99ylik-gunu-munasib%c9%99til%c9%99-d%c9%99yirmi-masa-t%c9%99skil-edilib-h53340.html Wed, 10 Jan 2024 08:04:22 +0000 https://1453kralmedya.com/d%c9%99rb%c9%99ndd%c9%99-h%c9%99mr%c9%99ylik-gunu-munasib%c9%99til%c9%99-d%c9%99yirmi-masa-t%c9%99skil-edilib-h53340.html

 

 

 

 

Dərbənddə Həmrəylik Günü münasibətilə dəyirmi masa təşkil edilib
, 2024

 

 

Dərbənddə Həmrəylik Günü münasibətilə dəyirmi masa təşkil edilib

 

 

 

Rusiya Federasiyası Dağıstan Respublikasının Dərbənd şəhərində Dünya Azərbaycanlılarının Həmrəylik Gününə həsr olunmuş dəyirmi masa keçirilib.

 

 

 

 

Dərbənd Azərbaycanlılarının Milli-Mədəni Muxtariyyətinin təşkilatçılığı ilə baş tutan tədbir Azərbaycan Dövlət İqtisad Universitetinin Dərbənd filialında gerçəkləşdirilib.

 

 

 

 

Dərbənd şəhərinin fəxri vətəndaşı Hüseynbala Hüseynovun moderatorluğu ilə aparılan tədbirdə Azərbaycan Dövlət İqtisad Universitetinin Dərbənd filialının direktoru Qurban Qurbanov, Dərbənd Azərbaycanlılarının Milli-Mədəni Muxtariyyətinin sədri Telman Hacaliyev, Dağıstan Respublikası İctimai Palatasının üzvü, Respublika başçısı yanında Ağsaqqallar Şurası Rəyasət Heyətinin üzvü Qəhrəman Aşurov, “Dərbənd şəhər” şəhər dairəsi məclisinin deputatı Vidadi Əsədov və başqaları çıxış ediblər. Onlar Həmrəylik Günü və Yeni il münasibətilə soydaşlarımızı təbrik ediblər.

 

 

 

Müasir Azərbaycan dövlətinin möhkəmlənməsində və Dünya Azərbaycanlılarının Həmrəylik Gününün bayram edilməsində ümummilli lider Heydər Əliyevin müstəsna rolunu xatırladan natiqlər qeyd ediblər ki, 31 Dekabr tarixi dünya azərbaycanlılarının birliyinin və mütəşəkkilliyinin, milli-mənəvi dəyərlərə hörmətin, Vətənə bağlılığın rəmzinə çevrilib. Soydaşlarımıza öz köklərini və azərbaycanlıların dünya mədəniyyətinə və tarixinə töhfələrini unutmamağa çağırış edilib. Azərbaycanlıların Dağıstan Respublikasının yerli əhalisi olduğu, respublikanın ictimai, iqtisadi və sosial həyatında fəal iştirak etdiyi, millətlərarası və konfessiyalararası sülhün və harmoniyanın qorunub saxlanmasına öz töhfələrini verdikləri vurğulanıb.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/derbendde-hemreylik-gunu-munasibetile-deyirmi-masa-teskil-edilib-4053

 

 

 

 

]]> Dərbənd şəhərində Heydər Əliyevin xatirəsi ehtiramla yad edilib https://ortaasyagazetesi.com/d%c9%99rb%c9%99nd-s%c9%99h%c9%99rind%c9%99-heyd%c9%99r-%c9%99liyevin-xatir%c9%99si-ehtiramla-yad-edilib-h52479.html Fri, 15 Dec 2023 16:48:54 +0000 https://1453kralmedya.com/d%c9%99rb%c9%99nd-s%c9%99h%c9%99rind%c9%99-heyd%c9%99r-%c9%99liyevin-xatir%c9%99si-ehtiramla-yad-edilib-h52479.html

 

 

 

Dərbənd şəhərində Heydər Əliyevin xatirəsi ehtiramla yad edilib

2023

 

 

 

 

Dərbənd şəhərində Heydər Əliyevin xatirəsi ehtiramla yad edilib

 

 

 

Rusiya Federasiyası Dağıstan Respublikasının Dərbənd şəhərində müasir Azərbaycan dövlətinin qurucusu Heydər Əliyevin vəfatının 20-ci ildönümü ilə əlaqədar anım tədbiri keçirilib.

 

 

 

 

Dərbənd şəhər Azərbaycanlılarının Milli-Mədəni Muxtariyyətinin təşkilatçılığı ilə anım tədbiri Sovet İttifaqı Qəhrəmanı Şəmsulla Əliyev adına 4 nömrəli tam orta məktəbdə baş tutub.

İştirakçıları salamlayan Dərbənd şəhər Azərbaycanlılarının Milli-Mədəni Muxtariyyətinin sədri Telman Hacəliyev bildirib ki, görkəmli siyasi xadim, həyatını dövlətinə və xalqına həsr etmiş parlaq şəxsiyyət Heydər Əliyevin adı Azərbaycanın şanlı tarixinə əbədi həkk olunub. Qeyd edib ki, dünyanın nüfuzlu siyasətçiləri və dövlət xadimləri arasında özünəməxsus yer tutan Heydər Əliyev misilsiz xidmətlərinə görə təkcə Azərbaycanda deyil, onun hüdudlarından kənarda da xatırlanır və hörmətlə yad edilir.

 

 

 

 

Tədbirdə çıxış edən 4 nömrəli tam orta məktəbin direktoru Qaydar Ələkbərov, Azərbaycan dili müəllimləri Səlimə İsayeva və Dilarə Seyidova xalqımızın dahi şəxsiyyəti haqqında bəzi tarixi faktları bölüşüblər.

 

 

 

Sonra Dərbənd Azərbaycan Dövlət Dram Teatrının artistləri Sevda Bəybalayeva, Batulə Hüseynova, Tamilla Mehrabova, Zeynəb Dərbəndli və məktəb şagirdlərinin ifasında Azərbaycan şairlərinin vətənimizə və Heydər Əliyevə həsr etdikləri şeirlər, dünya şöhrətli Azərbaycan bəstəkarı-müğənnisi Müslüm Maqomayevin “Azərbaycan” mahnısı səsləndirilib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/derbend-seherinde-heyder-eliyevin-xatiresi-ehtiramla-yad-edilib-3946

 

 

]]> İjevsk şəhərində Heydər Əliyevin 100 illiyi və “Dostluq” mərkəzinin 25 illiyi qeyd olunub https://ortaasyagazetesi.com/ijevsk-s%c9%99h%c9%99rind%c9%99-heyd%c9%99r-%c9%99liyevin-100-illiyi-v%c9%99-dostluq-m%c9%99rk%c9%99zinin-25-illiyi-qeyd-olunub-h50900.html Fri, 27 Oct 2023 09:29:29 +0000 https://1453kralmedya.com/ijevsk-s%c9%99h%c9%99rind%c9%99-heyd%c9%99r-%c9%99liyevin-100-illiyi-v%c9%99-dostluq-m%c9%99rk%c9%99zinin-25-illiyi-qeyd-olunub-h50900.html

 

 

 

 

İjevsk şəhərində Heydər Əliyevin 100 illiyi və “Dostluq” mərkəzinin 25 illiyi qeyd olunub

2023

İjevsk şəhərində Heydər Əliyevin 100 illiyi və “Dostluq” mərkəzinin 25 illiyi qeyd olunub

 

 

 

 

Rusiya Federasiyası Udmurtiya Respublikasının İjevsk şəhərində müasir Azərbaycan dövlətinin qurucusu Heydər Əliyevin anadan olmasının 100 illiyinə və “Dostluq” Azərbaycan İctimai Mərkəzinin 25 illiyinə həsr olunmuş tədbirlər keçirilib.

 

 

 

 

“Dostluq” Azərbaycan İctimai Mərkəzinin təşkilatçılığı ilə Xalqlar Dostluğu Evində baş tutan dəyirmi masada Diasporla İş üzrə Dövlət Komitəsinin, Azərbaycan Milli Qeyri-Hökumət Təşkilatları Forumunun, Beynəlxalq Avrasiya Mətbuat Fondunun, Azərbaycandakı rus icmasının, Rusiya Federasiyası Dövlət Dumasının, Rusiyanın müxtəlif respublika və vilayətlərində fəaliyyət göstərən Azərbaycan icmalarının və Udmurtiyadakı milli-mədəni muxtariyyətlərin nümayəndələri iştirak ediblər.

 

 

 

 

Dəyirmi masa Heydər Əliyevin müasir Azərbaycan dövlətinin təşəkkülü və inkişafı prosesində Heydər Əliyevin misilsiz töhfələrini əks etdirən “Azərbaycan geniş addımlarla irəliləyir” adlı sənədli filmin nümayişi ilə başlayıb. Tədbirdə çıxış edənlər dünyanın görkəmli və nüfuzlu dövlət xadimlərindən biri olan Heydər Əliyevlə bağlı xatirələrini bölüşüb, onun müstəqil Azərbaycan dövlətinin möhkəmləndirilməsində və Azərbaycan Respublikası ilə Rusiya Federasiyası arasında münasibətlərin dərinləşməsində müstəsna rolundan danışıblar.

 

 

 

 

 

Oktyabrın 21-də isə Xalqlar Dostluğu Evində “Dostluq” Azərbaycan İctimai Mərkəzinin yaradılmasının 25 illiyi münasibətilə təntənəli tədbir keçirilib. Tədbirdə Diasporla İş üzrə Dövlət Komitəsi şöbə müdirinin müavini Əli Baytalov, Azərbaycan Milli Qeyri-Hökumət Təşkilatları Forumunun prezidenti Rauf Zeyni, Beynəlxalq Avrasiya Mətbuat Fondunun prezidenti Umud Mirzəyev, Azərbaycandakı rus icmasının sədr müavini, politoloq Anastasiya Lavrina, Rusiya Dövlət Dumasının deputatı Oleq Qarin, Udmurtiya Respublikasının milli siyasət naziri Eduard Petrov, dövlət və bələdiyyə orqanlarının təmsilçiləri, Moskva, Kirov, Samara, Orenburq vilayətləri, Perm diyarı, Naberejnı Çelnı şəhəri üzrə Azərbaycan diasporunun, Udmurtiyadakı 15 milli-mədəni muxtariyyətin nümayəndələri və fəxri qonaqlar iştirak ediblər.

 

 

 

Tədbir iştirakçılarını “Dostluq” Azərbaycan İctimai Mərkəzinin sədri Zülfüqar Rəhimov salamlayıb. Tədbirdə çıxış edənlər Azərbaycan icmasını bu əlamətdar hadisə münasibətilə təbrik edib və xoş arzularını bildiriblər.

Aktiv ictimai fəaliyyətə və millətlərarası münasibətlərin möhkəmlənməsinə mühüm töhfələrə görə “Dostluq” Azərbaycan İctimai Mərkəzinin sədri Zülfüqar Rəhimova təltif olunduğu Azərbaycan Respublikasının “Diaspor fəaliyyətində xidmətə görə” medalı, mərkəzin fəal üzvlərinə Diasporla İş üzrə Dövlət Komitəsi və yerli administrasiya adından fəxri fərmanlar və təşəkkürnamələr təqdim olunub.

 

 

 

 

Tədbirin bədii hissəsində Samara şəhərinin “Alpan” ansamblının, “Buranovskie babuşki” folklor qrupunun, digər yaradıcılıq kollektivləri və incəsənət ustalarının konsert proqramı təqdim olunub.

Tədbir çərçivəsində mərkəzin 25 illik fəaliyyətini əks etdirən foto-videomaterial nümayiş etdirilib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/ijevsk-seherinde-heyder-eliyevin-100-illiyi-ve-dostluq-merkezinin-25-illiyi-qeyd-olunub-3723

 

 

 

 

]]> İlham Əliyev Bakı-Quba-Rusiya Federasiyası ilə dövlət sərhədi ödənişli yeni avtomobil yolunun açılışında iştirak edib https://ortaasyagazetesi.com/ilham-%c9%99liyev-baki-quba-rusiya-federasiyasi-il%c9%99-dovl%c9%99t-s%c9%99rh%c9%99di-od%c9%99nisli-yeni-avtomobil-yolunun-acilisinda-istirak-edib-h50740.html Sun, 22 Oct 2023 08:14:53 +0000 https://1453kralmedya.com/ilham-%c9%99liyev-baki-quba-rusiya-federasiyasi-il%c9%99-dovl%c9%99t-s%c9%99rh%c9%99di-od%c9%99nisli-yeni-avtomobil-yolunun-acilisinda-istirak-edib-h50740.html

 

 

 

İlham Əliyev Bakı-Quba-Rusiya Federasiyası ilə dövlət sərhədi ödənişli yeni avtomobil yolunun açılışında iştirak edib

2023,

 

 

 

 

İlham Əliyev Bakı-Quba-Rusiya Federasiyası ilə dövlət sərhədi ödənişli yeni avtomobil yolunun açılışında iştirak edib
Azərbaycan Respublikasının Prezidenti İlham Əliyev oktyabrın 20-də Bakı-Quba-Rusiya Federasiyası ilə dövlət sərhədi ödənişli yeni avtomobil yolunun açılışında iştirak edib.

 

 

 

Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov dövlətimizin başçısına görülən işlər barədə məlumat verdi.

Qeyd edək ki, Şimal-Cənub beynəlxalq nəqliyyat dəhlizinin tərkib hissəsi olan Bakı-Rusiya Federasiyası ilə dövlət sərhədi ödənişli yeni avtomobil yolunun təməli 2017-ci ilin dekabrında Prezident İlham Əliyev tərəfindən qoyulub. Dövlətimizin başçısı yolun təməlinin qoyulduğu ilk gündən başlayaraq inşaat prosesinin gedişi ilə şəxsən və yerində maraqlanıb, tikinti işlərinin ən yüksək standartlara uyğun icra olunması ilə bağlı vaxtaşırı tapşırıqlarını verib.

 

 

 

Bildirildi ki, “Azərbaycan Respublikası regionlarının sosial-iqtisadi inkişafı Dövlət Proqramı”na uyğun olaraq yeni avtomobil yolunun Hacı Zeynalabdin Tağıyev qəsəbəsindən başlayaraq Rusiya sərhədinədək olan 150 kilometrlik hissəsi birinci texniki dərəcəyə uyğun inşa edilib.

Magistralın 129 kilometrlik hissəsi ödənişli yol kimi müəyyənləşdirilib və Tarif Şurası tərəfindən gediş tarifləri təsdiq edilib. Gediş üçün ödənişin məbləği nəqliyyat vasitəsinin qət etdiyi məsafə, çəkisi və ay ərzində gedişlərin sayı nəzərə alınmaqla müəyyənləşdirilib. Ödənişli avtomobil yolu 4 zolaqlıdır.

Ödənişli yoldan istifadə tarifləri yeni müəyyən olunduğu üçün hazırda həmin tariflərin ödəniş sisteminə inteqrasiyası həyata keçirilir. İnteqrasiya yekunlaşdıqdan sonra ödəniş sisteminin proqram təminatı test ediləcək. Sınaqlar başa çatdıqdan sonra yol ümumi istifadəyə veriləcək. Qeyd olunan işlərin qısa müddət ərzində yekunlaşdırılması nəzərdə tutulur.

 

 

 

Diqqətə çatdırıldı ki, bu magistral yolun tikintisi Azərbaycan Avtomobil Yolları Dövlət Agentliyinin nəzarəti altında 5 hissə üzrə həyata keçirilib. Yolboyu 40 yol ötürücüsü və körpü, 52 alt keçid, 6 ödəmə və yükə nəzarət məntəqəsi, 2 mindən çox yol nişanı və məlumat lövhəsi quraşdırılıb. Həmçinin hər hansı maneənin yola çıxmasının qarşısını almaq üçün tədbirlər görülüb. O da bildirildi ki, yeni yol mövcud yoldan 13 kilometr qısadır.

 

 

 

Dövlətimizin başçısı ödəmə sistemi haqqında videoçarxa baxdı.

Bildirildi ki, ödənişli yoldan istifadə xüsusi çip yerləşdirilən kart vasitəsilə həyata keçiriləcək. Bu kartı yolun giriş və çıxışlarından, yaxın gələcəkdə isə şəhər və rayonlarda müxtəlif satış nöqtələrindən əldə etmək mümkün olacaq.

Kartın 2 formada olması nəzərdə tutulub. Belə ki, yoldan daimi istifadə edən sürücülər daimi kart, vaxtaşırı istifadə edənlər isə müvəqqəti və ya birdəfəlik kart əldə edəcəklər.

Ödənişli yol sistemi sürücülərə adi və dayanmadan keçid zolaqlarından istifadə etmək imkanı verəcək. Adi zolağa daxil olan sürücü ödəniş məntəqələrində keçid üçün kartı əldə edərək avtomobilin ön şüşəsinə yerləşdirir və daha sonra ödənişli yoldan istifadə etmək hüququna sahib olur. Dayanmadan keçid zolağı isə sürücülərə ödəniş məntəqələrində sürəti azaltmadan və dayanmadan keçmək imkanı verir. Bunun üçün sürücüdə əvvəlcədən əldə edilmiş xüsusi çip kart və yetərli ödəniş balansının olması kifayətdir. Bu zolaqlarda xüsusi nömrə oxuma kameraları, təhlükəsizlik kameraları, avtomobilləri klassifikasiya etməyə imkan verən avadanlıqlar və digər innovativ texnoloji həllər tətbiq olunub, bütün məntəqələrdə çəkiyə nəzarət və yolun dayanıqlılığını təmin etmək məqsədilə elektron tərəzi sistemi də quraşdırılıb. Gələcəkdə avtomatik ödənişlər və ya QR kodları ilə mobil ödənişlər də mümkün olacaq.

 

 

 

 

Ödənişli yoldan keçid kartının ilk nümunəsi Prezident İlham Əliyevə təqdim olundu.

Qeyd edək ki, son illərdə regionların sosial-iqtisadi inkişafı dövlət proqramlarının uğurlu icrası nəticəsində ölkəmizdə magistral, respublika və yerli əhəmiyyətli avtomobil yolları əsaslı şəkildə yenidən qurulub, həmçinin yeni avtomobil yolları, körpülər və yol ötürücüləri inşa edilərək əhalinin istifadəsinə verilib. Prezident İlham Əliyevin imzaladığı sərəncamlara əsasən Bakı-Quba-Rusiya Federasiyası ilə dövlət sərhədi yeni avtomobil yolunun inşası ölkəmizdə yol infrastrukturunun müasir səviyyəyə çatdırılması istiqamətində icra olunan işlərin davamlı xarakter aldığını göstərir.

 

 

 

 

Bu yolun istifadəyə verilməsi, həmçinin beynəlxalq nəqliyyat əməkdaşlığı baxımından strateji əhəmiyyət daşıyan Şimal-Cənub beynəlxalq nəqliyyat dəhlizinin səmərəliliyini daha da artıracaq. Bundan başqa, yeni avtomobil yolunun tikilməsi nəqliyyat xidmətlərini daha da yaxşılaşdırmaqla yanaşı, bölgədə turizmin inkişafına əlavə təkan verəcək, dəhlizlə yük və sərnişin daşımalarında əsas rol oynayacaq.

Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/61831

 

 

 

]]> İlham Əliyev Rusiya Federasiyası Təhlükəsizlik Şurasının katibini qəbul edib https://ortaasyagazetesi.com/ilham-%c9%99liyev-rusiya-federasiyasi-t%c9%99hluk%c9%99sizlik-surasinin-katibini-q%c9%99bul-edib-h50345.html Wed, 11 Oct 2023 21:30:09 +0000 https://1453kralmedya.com/ilham-%c9%99liyev-rusiya-federasiyasi-t%c9%99hluk%c9%99sizlik-surasinin-katibini-q%c9%99bul-edib-h50345.html

 

 

 

İlham Əliyev Rusiya Federasiyası Təhlükəsizlik Şurasının katibini qəbul edib

 

2023,

 

 

 

İlham Əliyev Rusiya Federasiyası Təhlükəsizlik Şurasının katibini qəbul edib

 

 

 

Azərbaycan Respublikasının Prezidenti İlham Əliyev oktyabrın 10-da Rusiya Federasiyası Təhlükəsizlik Şurasının katibi Nikolay Patruşevi qəbul edib.

BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/61537

 

 

 

]]> Nazir Ceyhun Bayramovun Rusiya Federasiyasının xarici işlər naziri Sergey Lavrov ilə görüşünə dair mətbuat məlumatı https://ortaasyagazetesi.com/nazir-ceyhun-bayramovun-rusiya-federasiyasinin-xarici-isl%c9%99r-naziri-sergey-lavrov-il%c9%99-gorusun%c9%99-dair-m%c9%99tbuat-m%c9%99lumati-h49962.html Wed, 27 Sep 2023 19:46:57 +0000 https://1453kralmedya.com/nazir-ceyhun-bayramovun-rusiya-federasiyasinin-xarici-isl%c9%99r-naziri-sergey-lavrov-il%c9%99-gorusun%c9%99-dair-m%c9%99tbuat-m%c9%99lumati-h49962.html

 

 

 

No:541/23, Nazir Ceyhun Bayramovun Rusiya Federasiyasının xarici işlər naziri Sergey Lavrov ilə görüşünə dair mətbuat məlumatı

 

 

22 sentyabr 2023-cü il tarixində Azərbaycan Respublikasının xarici işlər naziri Ceyhun Bayramov BMT Baş Assambleyasının 78-ci sessiyasının yüksək səviyyəli həftəsi çərçivəsində Rusiya Federasiyasının xarici işlər naziri Sergey Lavrovla görüşüb.

 

Görüş zamanı, Azərbaycan və Rusiya arasında əməkdaşlıq məsələləri, habelə bölgədə son vəziyyət müzakirə olunub.

 

 

 

Nazir Ceyhun Bayramov, Azərbaycanın Qarabağ bölgəsində həyata keçirilən antiterror tədbirləri zamanı Rusiya sülhməramlı kontingentinin üzvlərinin həlak olması ilə bağlı Rusiya Federasiyası və həlak olan şəxslərin ailələrinə dərin hüznlə başsağlığı verib. Məsələ ilə bağlı araşdırma aparıldığı və istintaq tədbirləri barədə məlumat verilib.

 

 

 

Nazir Ceyhun Bayramov, ölkəmiz tərəfindən Qarabağ bölgəsində beynəlxalq hüquq və Azərbaycan, Rusiya və Ermənistan liderləri arasında imzalanmış 10 noyabr 2020-ci il tarixli Üçtərəfli Bəyanata zidd olaraq mövcudluğunu davam etdirən qeyri-qanuni erməni silahlı birləşmələrinə qarşı görülən antiterror tədbirləri barədə qarşı tərəfi ətraflı məlumatlandırıb.

 

 

 

24 saatdan az bir zaman çərçivəsində həyata keçirilən antiterror tədbirlərinin 30 ilə yaxın işğal dövründən qalma, sonrakı mərhələlərdə, hətta post-münaqişə dövründə belə Ermənistan tərəfindən maliyyələşdirilən və dəstəklənən qanunsuz hərbi mövcudluğun varlığına son qoyulması ilə uğurla yekunlaşdığı qeyd olunub.

 

 

 

 

Hazırda isə bölgədə müvəqqəti yerləşmiş Rusiya sülhməramlı kontingenti ilə koordinasiya edilərək, ciddi şəkildə hərbiləşmiş erməni silahlı qüvvələrinin silah-sursatının müsadirəsi istiqamətində tərəfimizdən əməli addımların atıldığı diqqətə çatdırılıb.

 

 

 

Bu prosesə paralel olaraq, tərəfimizdən Qarabağ bölgəsində yaşayan erməni sakinlərlə reinteqrasiya prosesi istiqamətində dialoqun irəlilədildiyi, bu xüsusda ötən gün Yevlax şəhərində Azərbaycan Hökuməti və yerli erməni sakinlərin nümayəndələri arasında keçirilmiş görüşün nəticələrinə uyğun olaraq, bölgədə yaşayan dinc əhalinin ehtiyaclarının qarşılanması istiqamətində işlərin görüldüyü diqqətə çatdırılıb. Bu baxımdan, nazir Ceyhun Bayramov, antiterror tədbirlərinin həm bölgədə sülh və təhlükəsizliyin bərqərar edilməsi, həm də erməni sakinlərin reinteqrasiyası baxımından görülən işlərin intensivliyini artıracağına inandığımızı, bundan sonra da qeyd olunan istiqamətlərdə səylərimizi davam etdirəcəyimizi bildirib.

 

 

 

 

Görüşdə həmçinin, iki ölkə arasında mövcud əməkdaşlıq gündəliyində duran digər məsələlər ətrafında fikir mübadiləsi aparılıb.

Paylaş

BÜTÜN XƏBƏRLƏR

kaynak:https://mfa.gov.az/az/news/no54123

 

 

 

 

 

]]> Diaspor rəhbərinə Tatarıstan Respublikasının medalı təqdim edilib https://ortaasyagazetesi.com/diaspor-r%c9%99hb%c9%99rin%c9%99-tataristan-respublikasinin-medali-t%c9%99qdim-edilib-h49201.html Thu, 31 Aug 2023 21:11:57 +0000 https://1453kralmedya.com/diaspor-r%c9%99hb%c9%99rin%c9%99-tataristan-respublikasinin-medali-t%c9%99qdim-edilib-h49201.html

 

 

 

 

 

Diaspor rəhbərinə Tatarıstan Respublikasının medalı təqdim edilib

30 avqust, 2023

 

 

 

 

Diaspor rəhbərinə Tatarıstan Respublikasının medalı təqdim edilib

 

 

Rusiya Federasiyası Tatarıstan Respublikasının Kazan şəhərində Respublika Günü ərəfəsində dövlət mükafatlarının təqdim olunma mərasimi keçirilib.

 

 

 

 

Kazan Kremlində baş tutan mərasimdə təltif olunanlar sırasında “Tatarıstan Respublikasının Azərbaycan Milli-Mədəni Muxtariyyəti” regional ictimai təşkilatının sədri Bəhram Mustafayev də olub. Soydaşımız uzun illər səmərəli fəaliyyətinə və yol tikintisinin inkişafında böyük xidmətlərinə görə Tatarıstan Respublikasının “Rəşadətli əməyə görə” medalına layiq görülüb.

Tədbirdə çıxış edən respublikanın rəhbəri Rüstəm Minnixanov qeyd edib ki, dövlət mükafatlarının təqdimatı ənənəvi olaraq Respublika Günü ərəfəsində keçirilir. “Vətənə layiqli xidmətə, fədakarlığa və quruculuq əməyinə görə hər birinizə təşəkkür etmək istəyirəm. Siz hamınız əməyinizə və istedadınıza görə təqdirə layiqsiniz” söyləyib.

 

 

 

 

Diasporla İş üzrə Dövlət Komitəsi yüksək mükafata layiq görüldüyünə görə “Tatarıstan Respublikasının Azərbaycan Milli-Mədəni Muxtariyyəti” regional ictimai təşkilatının sədri Bəhram Mustafayevi ürəkdən təbrik edir, cansağlığı, uzun ömür və diasporumuzun inkişafı naminə fəaliyyətində yeni-yeni nailiyyətlər qazanmağı arzulayır.

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/diaspor-rehberine-tataristan-respublikasinin-medali-teqdim-edilib-3414

 

 

]]>