nəslinin – Orta Asya Gazetesi

Aşıq Ələsgər nəslinin Qazaxıstanda yaşayan davamçıları “Vətən uzaqda deyil” proqramında

Abdullah Yiğit — Fri, 03 May 2024 15:08:06 +0000

Aşıq Ələsgər nəslinin Qazaxıstanda yaşayan davamçıları “Vətən uzaqda deyil” proqramında

2024

Aşıq Ələsgər nəslinin Qazaxıstanda yaşayan davamçıları “Vətən uzaqda deyil” proqramında

Dünya azərbaycanlılarından bəhs edən “Vətən uzaqda deyil” proqramının növbəti buraxılışı Qazaxıstanın Almatı şəhərində çəkilib.

Proqramın qonaqları Azərbaycan şifahi xalq ədəbiyyatının görkəmli nümayəndəsi Aşıq Ələsgərin nəslinin davamçıları olub. Onlar Qərbi Azərbaycandan deportasiya olunmaları, Azərbaycanın müxtəlif rayonlarında məskunlaşmaları, daha sonra isə Qazaxıstana köçmələri barədə danışıblar. Proqram Diaspor TV-də və İctimai TV-də yayımlanıb.

Qeyd edək ki, jurnalist, DİDK-nın şöbə müdiri Vəsilə Vahidqızının müəllifi olduğu “Vətən uzaqda deyil” proqramı Diasporla İş üzrə Dövlət Komitəsinin 6 ildir fəaliyyət göstərən internet televiziyası Diaspor TV-nin İctimai televiziya ilə ortaq layihəsidir.

Ayda iki dəfə İctimai TV-nin efirində yayımlanan “Vətən uzaqda deyil” proqramında bu günə kimi dünyanın müxtəlif ölkələrində yaşayan yüzlərlə soydaşımız haqqında maraqlı videomateriallar təqdim edilib.

Aşıq Ələsgərin nəslinin Qazaxıstanda yaşayan nümayəndələrinin həyatından bəhs edən verilişi aşağıdakı linkdən izləmək olar:

Play

20:50
24:00
Mute

Settings
Enter fullscreen

Play

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/asiq-elesger-neslinin-qazaxistanda-yasayan-davamcilari-veten-uzaqda-deyil-proqraminda-4605

Pənahəli xan nəslinin nümayəndəsi: “Qarabağ Zəfərinin möhtəşəmliyini Şuşada daha dərindən hiss etdim”

Abdullah Yiğit — Mon, 07 Aug 2023 09:30:07 +0000

Pənahəli xan nəslinin nümayəndəsi: “Qarabağ Zəfərinin möhtəşəmliyini Şuşada daha dərindən hiss etdim”

, 2023

Pənahəli xan nəslinin nümayəndəsi: “Qarabağ Zəfərinin möhtəşəmliyini Şuşada daha dərindən hiss etdim”

Qarabağ xanlığının qurucusu Pənahəli xanın nəslinin İspaniyada yaşayan nümayəndəsi Qulam Əkbərov ailəsi ilə birlikdə ölkəmizin mədəniyyət paytaxtı Şuşa şəhərinə səfər edib.

Diasporla İş üzrə Dövlət Komitəsinin təşkilatçılığı ilə baş tutan səfər zamanı Əkbərovlar ailəsinin üzvləri öncə ulu babalarının sarayının qalıqlarını və onun adını daşıyan küçəni ziyarət ediblər.

Sonra xan nəslinin davamçıları Bazarbaşı meydanı, Cıdır düzü, “Güllələnmiş heykəllər”in yerləşdirildiyi meydan, Şuşa Bəyannaməsinin imzalandığı məkan, Xurşidbanu Natəvanın evi, Xan qızı bulağı, Molla Pənah Vaqifin məqbərəsi, Gəncə Qapısı, Yuxarı Gövhərağa məscidi, İsa bulağı və digər görməli yerlərdə olublar.

Əkbərovlar ailəsinə Qarabağın incisi olan Şuşada aparılan yenidənqurma və abadlıq işləri barədə ətraflı məlumat verilib.

Qulam Əkbərov bildirib ki, xalqımızın Qarabağda qazandığı qələbənin möhtəşəmliyini Şuşada daha dərindən hiss edir və bu günü heç vaxt unutmayacaq.

Əkbərovlar ailəsi Komitənin Youtube kanalı olan Diaspor TV-nin “Vətən uzaqda deyil” proqramına müsahibə verərək, Şuşa şəhərində yaşadıqları qürur və fəxarət hisslərini bölüşüb, Müzəffər Ali Baş Komandan, Prezident İlham Əliyevə və qüdrətli ordumuza minnətdarlıqlarını ifadə edib, Vətən yolunda canından keçən oğullarımıza Allahdan rəhmət diləyib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/penaheli-xan-neslinin-numayendesi-qarabag-zeferinin-mohtesemliyini-susada-daha-derinden-hiss-etdim-3309

Pənahəli xan nəslinin nümayəndəsi Prezidentə təşəkkür edib

Abdullah Yiğit — Tue, 23 May 2023 06:20:13 +0000

Pənahəli xan nəslinin nümayəndəsi Prezidentə təşəkkür edib
, 2023

Pənahəli xan nəslinin nümayəndəsi Prezidentə təşəkkür edib

Pənahəli xanın nəslinin nümayəndələrindən biri Məhəmmədəli Əkbərov Prezident İlham Əliyevə məktub yazıb.

Məktubda deyilir:

“Möhtərəm Prezident, cənab Ali Baş Komandan.

Mən, Məhəmmədəli Əkbərov İspaniya Krallığında doğulub boya-başa çatmışam. Pənahəli xanın nəslinin nümayəndələrindən biri olaraq gündən-günə çiçəklənən Azərbaycanımızın inkişafı, uğurları və nailiyyətləri mənə də böyük sevinc və fərəh hissi bəxş edir.

Sizin göstərişinizlə 2023-cü il Azərbaycanda “Heydər Əliyev İli” elan olunmuşdur. Biz də öz növbəmizdə Ulu Öndərimizin 100 illik yubileyini böyük hörmət və ehtiramla qeyd edirik.

Allah Ulu Öndərimizə rəhmət eləsin!

Bu möhtəşəm yubileyin məhz ulu babalarımın torpağı olan Şuşa şəhərində keçirilməsi məni xüsusilə duyğulandırdı. Ümummilli Liderimiz Heydər Əliyevin ən böyük arzusu – Qarabağımızın, eləcə də Şuşamızın azad olunması Sizin rəhbərliyiniz və güclü ordumuzun şücaəti sayəsində həyata keçirilmişdir.

Cənab Prezident, Şərqi Zəngəzurda, eləcə də mədəniyyət incimiz olan Şuşada Sizin göstərişinizlə abadlıq və bərpa işlərinin təməli qoyulmuşdur. O cümlədən Şuşa şəhərində küçələrin birinə ulu babam Pənahəli xanın adının verilməsi məni çox sevindirdi. Bu münasibətlə Sizə şəxsən öz adından və ailəmin adından dərin minnətdarlığımı bildirirəm.

Sizin gənclərə göstərdiyiniz diqqət və qayğı bir azərbaycanlı gənc olaraq məni, eləcə də dünyanın müxtəlif ölkələrində yaşayan gənclərimizi ruhlandırır, Azərbaycanımızın inkişafı naminə Sizin ətrafınızda bir yumruq kimi birləşməyə sövq edir.

Qeyd etmək istərdim ki, 2022-ci ildə Heydər Əliyev Fondunun və Diasporla İş Üzrə Dövlət Komitəsinin birgə təşkilatçılığı ilə Şuşada keçirilən Diaspor Gənclərinin III Yay Düşərgəsində iştirak etməyim mənə həyatımın ən xoş anlarını yaşatdı və xoş təəssüratlar bəxş etdi.

Fəaliyyət göstərdiyim ölkədə diaspor üzvü olaraq, bir daha Sizə təşəkkürümü və minnətdarlığımı bildirir, Ulu Öndərimizin 100 illik yubileyi münasibətilə Siz başda olmaqla, ailənizi və bütün xalqımızı təbrik edir, ən xoş arzularımı çatdırıram”.

Qeyd edək ki, Məhəmmədəli Əkbərov Diaspor Gənclərinin Şuşada keçirilən III Yay Düşərgəsinin iştirakçısı olub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/penaheli-xan-neslinin-numayendesi-prezidente-tesekkur-edib-2984