Marneulidəki “Azərbaycan Evi”ndə xalq şairi Zəlimxan Yaquba həsr olunmuş tədbir təşkil edilib

, 2024

Marneulidəki “Azərbaycan Evi”ndə xalq şairi Zəlimxan Yaquba həsr olunmuş tədbir təşkil edilib

Gürcüstanın Marneuli şəhərində fəaliyyət göstərən “Azərbaycan Evi”ndə Azərbaycanın və türk dünyasının görkəmli şairi Zəlimxan Yaquba həsr olunmuş “Qəbirdə yatsam belə, həmişə həyatdayam” adlı tədbir keçirilib.

“Azərbaycan Evi”nin təşəbbüsü və təşkilatçılığı ilə baş tutan tədbirdə Marneuli və Bolnisi rayonlarının bələdiyyə məclis üzvləri, yerli ictimaiyyətin nümayəndələri və qonaqlar iştirak ediblər. Qonaqlar arasında Gürcüstan parlamentinin sabiq deputatı Mahir Bayramov, TİKA-nın Gürcüstan nümayəndəliyi rəhbərinin müavini Muhammed Emre Ezber də olublar.

Azərbaycanın xalq şairi Zəlimxan Yaqubun əziz xatirəsinin bir dəqiqəlik sükutla yad edilməsi ilə başlayan tədbiri “Azərbaycan Evi”nin direktoru Məhəbbət İmanov açaraq, şairin həyat və yaradıcılığı, Azərbaycan dövlətinin onun yaradıcılığını yüksək qiymətləndirdiyi, daim diqqət və qayğı ilə yanaşdığı barədə məlumat verib. Şairin yaradıcılığının Gürcüstan dövləti tərəfindən də yüksək qiymətləndirildiyi diqqətə çatdırılıb.

Azərbaycanın Gürcüstandakı səfirliyinin əməkdaşı Ramel Lətifov, Gürcüstan parlamentinin keçmiş deputatı, ictimai xadim Ramiz Bəkirov, Kvemo-Kartli bölgəsinin keçmiş qubernatoru, politoloq Levan Mamaladze, Gürcüstan Azərbaycanlıları Konqresinin sədri Hüseyn Yusibov, Azərbaycan dili və ədəbiyyat müəllimi Fatma Əliyeva, Azərbaycanın əməkdar jurnalisti Nizami Məmmədzadə, sabiq deputat, ictimai xadim Hidayət Huseynov çıxışlarında şairin Azərbaycan mədəniyyətinin inkişafında, dünyada tanıdılmasında və təbliğində rolundan danışıb, yaradıcılığını təhlil ediblər. Ulu öndər Heydər Əliyevin müvafiq Sərəncamı ilə şairin “Şöhrət” ordeni, Prezident İlham Əliyevin müvafiq Sərəncamı ilə xalq şairi fəxri adı ilə təltif olunduğu vurğulanıb. Bildirilib ki, şairin anadan olduğu Bolnisi rayonunun Kəpənəkçi kəndində Zəlimxan Yaqub adına Mədəniyyət Evi və muzeyi yaradılacaq.

Tədbir Zəlimxan Yaqubun həyat və fəaliyyətinə həsr olunmuş sənədli filmin nümayişi ilə davam etdirilib.

Bədii hissədə aşıqların ifasında şairin şeirlərinə bəstələnmiş mahnılar təqdim olunub, məktəblilərin ifasında şeirlər səsləndirilib.

Xalq şairinin qardaşı Çingizxan Yaqubov tədbirin yüksək səviyyədə təşkilinə görə “Azərbaycan Evi”nə, şairin ailə üzvlərinə göstərilən diqqət və qayğıya görə Azərbaycan dövlətinə minnətdarlığını bildirib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/marneulideki-azerbaycan-evi-nde-xalq-sairi-zelimxan-yaquba-hesr-olunmus-tedbir-teskil-edilib-4131

Milli Məclisin vitse-spikeri Marneulidəki “Azərbaycan Evi”nin fəaliyyəti ilə tanış olub
2 may, 2023
Milli Məclisin vitse-spikeri Marneulidəki “Azərbaycan Evi”nin fəaliyyəti ilə tanış olub
Milli Məclisin vitse-spikeri Adil Əliyevin rəhbərlik etdiyi Azərbaycan nümayəndə heyəti Gürcüstanda səfəri çərçivəsində Marneuli rayonunda fəaliyyət göstərən “Azərbaycan Evi”ni ziyarət edib.

Oncə qonaqlara “Azərbaycan Evi”ndə yerləşən Gürcüstan Azərbaycanlılarının İnteqrasiya Mərkəzinin (GAİM) fəaliyyəti barədə məlumat verilib. GAİM-in icraçı direktoru Murad Muradov Diasporla İş üzrə Dövlət Komitəsinin dəstəyi ilə mərkəzdə gürcü, ingilis dilləri, kompüter kurslarının, rəqs və idman dərnəklərinin fəaliyyət göstərdiyini bildirib, gənclərin inkişafı və yerli cəmiyyətə inteqrasiyası baxımından yaradılmış şəraiti nümayiş etdirib, müxtəlif layihələrin həyata keçirildiyini bildirib.

Sonra mərkəzdə Azərbaycan nümayəndə heyəti ilə gənclərin görüşü keçirilib. Tədbirdə Milli Məclisin (MM) vitse-spikeri Adil Əliyev, Azərbaycanın Gürcüstandakı səfiri Faiq Quliyev və “Azərbaycan Evi”nin direktoru Məhəbbət İmanov çıxış ediblər.

Səfir xalqımızın ümummilli lideri Heydər Əliyevin 100 illik yubileyi ilə əlaqədar hazırlanan tədbirlər barədə məlumat verib. Müasir müstəqil Azərbaycan dövlətinin memarı və qurucusu olan Heydər Əliyevin Gürcüstanda da çox sevildiyini, onun gürcü xalqı və soydaşlarımız qarşısında misilsiz xidmətlər göstərdiyini vurğulayıb.

Gürcüstana səfərdən danışan MM-in vitse-spikeri deyib ki, məqsəd strateji tərəfdaş olan iki ölkənin parlamentləri arasında əlaqələrin, gənclər və idman siyasətinin inkişafı ilə bağlı məsələhətləşmələr aparmaq, birgə layihələr hazırlamaqdır. Gürcüstandakı soydaşlarımızın qalib xalqın nümayəndələri olduğu, 44 günlük Vətən müharibəsi dövründə Azərbaycan dövlətinə, xalqına və ön cəbhədə vuruşan əsgərlərimizə dəstəyinin hiss edildiyi nəzərə çatdırılıb.

Azərbaycan dövləti tərəfindən Gürcüstan azərbaycanlılarına göstərilən diqqət və qayğıdan danışan Məhəbbət İmanov soydaşlarımızın təhsil problemlərinin həlli, gənclərin mədəniyyətə, idmana marağının artırılması məqsədilə gerçəkləşdirilən layihələrdən söz açıb.

Görüş fikir mübadiləsinin aparılması və sualların cavablandırılması ilə yekunlaşıb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/milli-meclisin-vitse-spikeri-marneulideki-azerbaycan-evi-nin-fealiyyeti-ile-tanis-olublar-2869

Marneulidəki – Orta Asya Gazetesi

Marneulidəki “Azərbaycan Evi”ndə xalq şairi Zəlimxan Yaquba həsr olunmuş tədbir təşkil edilib

Milli Məclisin vitse-spikeri Marneulidəki “Azərbaycan Evi”nin fəaliyyəti ilə tanış olub