lı – Orta Asya Gazetesi

Stokholmdakı “Qarabağ” Azərbaycan həftəsonu məktəbində azərbaycanlı qonaqlarla görüş olub

Abdullah Yiğit — Sun, 29 Oct 2023 10:32:02 +0000

Stokholmdakı “Qarabağ” Azərbaycan həftəsonu məktəbində azərbaycanlı qonaqlarla görüş olub

, 2023

Stokholmdakı “Qarabağ” Azərbaycan həftəsonu məktəbində azərbaycanlı qonaqlarla görüş olub

İsveçin paytaxtı Stokholm şəhərində fəaliyyət göstərən Azərbaycan-İsveç Mədəniyyət Birliyinin (SAF) nəzdindəki “Qarabağ” Azərbaycan həftəsonu məktəbində İsveçdə səfərdə olan “Əlil Qadınlar Cəmiyyəti”nin nümayəndə heyəti ilə görüş keçirilib.

Görüşdə Beynəlxalq Media Qurupunun, SAF-ın fəalları, “Qarabağ” məktəbinin şagirdləri və “Qarabağ” uşaq rəqs ansamblının üzvləri iştirak ediblər.

Görüş iştirakçılarını salamlayan SAF rəhbəri Sevda Dadaşova birliyin və həftəsonu məktəbinin fəaliyyət istiqamətləri barədə ətraflı məlumat verib.

Tədbirdə çıxış edən “Əlil Qadınlar Cəmiyyəti”nin sədri Məhluqə Qaramanlı, Beynəlxalq Media Qurupunun İH-nin sədri rejissor Rahim Sadıqbəyli, tanınmış yazıçı Eluca Atalı ölkəmizin suverenliyinin və ərazi bütövlüyünün tam bərpa edilməsi, Xankəndidə Azərbaycan bayrağının ucaldılması münasibətilə soydaşlarımızı təbrik ediblər. Gənclərə müasir Azərbaycan dövlətinin qurucusu Heydər Əliyevin ölkəmizin dövlət müstəqilliyinin əldə olunması, qorunub saxlanılması və möhkəmləndirilməsi istiqamətində həyata keçirdiyi misilsiz xidmətlərindən danışılıb, dahi şəxsiyyətlə bağlı xatirələrini bölüşüblər. Mədəniyyətimizin və Azərbaycan həqiqətlərinin təbliğində SAF-ın fəaliyyəti yüksək qiymətləndirilib.

Qonaqlara Eluca Atalının kitabları hədiyyə edilib.

Görüşün bədii hissəsində pianoçu Samirə Səfərovanın ifasında Azərbaycan musiqisinin səsləndirilməsi böyük coşğu ilə qarşılanıb.

Qeyd edək ki, “Əlil Qadınlar Cəmiyyəti” nümayəndə heyətinin İsveçə səfəri Azərbaycan Respublikası Qeyri-Hökümət Təşkilatlarına Dövlət Dəstəyi Agentliyinin maliyyə yardımı ilə baş tutub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/stokholmdaki-qarabag-azerbaycan-heftesonu-mektebinde-azerbaycanli-qonaqlarla-gorus-olub-3733

Almaniya sosial-demokratları azərbaycanlı mühəndisə etimad göstərib

Abdullah Yiğit — Fri, 17 Feb 2023 17:08:14 +0000

Almaniya sosial-demokratları azərbaycanlı mühəndisə etimad göstərib
, 2023
Almaniya sosial-demokratları azərbaycanlı mühəndisə etimad göstərib
Almaniyada yaşayan soydaşımız, “Siemens Energy” şirkətinin nümayəndəsi Yaşar Musayev siyasi karyerasında yeni uğura nail olub.

Yaşar Musayev bildirib ki, bu yaxınlarda Almaniya Sosial-Demokrat Partiyasının (SDP) Nürnberq şəhərindəki Şimal rayonu təşkilatının ümumi iclasında bölgə üzrə sədr müavini və İdarə Heyətinin üzvü seçilib.

Göstərilən etimada görə partiya üzvlərinə təşəkkürünü bildirən soydaşımız bundan sonra da SDP-nin demokratiya, insan haqları və ikinci vətəni olan Almaniyanın iqtisadi cəhətdən daha da güclü olması üçün əlindən gələni vicdanla yerinə yetirməyə hazır olduğunu söyləyib. “Əcnəbi mənşəyə malik şəxslərə Bavariyada bu cür etimadın göstərilməsinin nə qədər çətin və məsuliyyətli olmasını ən azı burada yaşayanlar yaxşı bilirlər”, – deyə soydaşımız vurğulayıb.

Qeyd edək ki, Yaşar Musayev Almaniya Azərbaycanlıları Alyansı idarə heyətinin üzvü, Baku-Nürnberq Mədəniyyət və Təhsil Mərkəzinin idarə heyətinin sədri, Avropada tanınmış mühəndis-alim, dünyanın bir çox ölkələrində qeydiyyata düşmüş 60-dan çox patentin müəllifidir.

22-23 aprel 2022-ci il tarixində Şuşa şəhərində keçirilmiş Dünya Azərbaycanlılarının V Qurultayının iştirakçısı olan Y.Musayev Azərbaycan diasporunun inkişafında xidmətlərinə görə qurultay ərəfəsində “Azərbaycan Respublikası Prezidentinin fəxri diplomu” ilə təltif edilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/almaniya-sosial-demokratlari-azerbaycanli-muhendise-etimad-gosterib-2401

Azərbaycanlı pianoçu Nyu-York konsertinin gəlirini Türkiyəyə göndərəcək

Abdullah Yiğit — Thu, 16 Feb 2023 18:11:12 +0000

Azərbaycanlı pianoçu Nyu-York konsertinin gəlirini Türkiyəyə göndərəcək
, 2023
Azərbaycanlı pianoçu Nyu-York konsertinin gəlirini Türkiyəyə göndərəcək

ABŞ-ın Nyu-York şəhərində fəaliyyət göstərən Milli Musiqi və Qlobal Mədəniyyət Cəmiyyətinin rəhbəri Nərgiz Əlyarova bu ilin 30 mart tarixində “Carnegie Hall”da təşkil edəcəyi konsertin gəlirini Türkiyədəki zəlzələdən zərərçəkənlərə dəstək fonduna göndəriləcək.

Konsertdə Azərbaycanın əməkdar artisti Nərgiz Əliyarova görkəmli bəstəkarlar Volfhanq Amadey Motsart, Frederik Şopen, Sergey Raxmaninov və Qara Qarayevin əsərlərini ifa edəcək.

Klassik musiqi gecəsi mərkəzin 268 nəfərlik “Weill Recital Hall” konsert zalında axşam saat 19:00-da baş tutacaq.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/azerbaycanli-pianocu-nyu-york-konsertinin-gelirini-turkiyeye-gonderecek-2387