Konqresinin – Orta Asya Gazetesi

ABŞ və Kanadanın Buxara Yəhudiləri Konqresinin nümayəndə heyəti Füzuli, Şuşa və Laçında olub

Abdullah Yiğit — Sun, 26 May 2024 07:11:18 +0000

ABŞ və Kanadanın Buxara Yəhudiləri Konqresinin nümayəndə heyəti Füzuli, Şuşa və Laçında olub

2024

ABŞ və Kanadanın Buxara Yəhudiləri Konqresinin nümayəndə heyəti Füzuli, Şuşa və Laçında olub

Azərbaycana səfəri çərçivəsində ABŞ və Kanadanın Buxara Yəhudiləri Konqresinin nümayəndə heyəti işğaldan azad edilmiş Füzuli, Şuşa və Laçında olub. Füzulidə Mirzə Uluqbəy adına 1 nömrəli məktəblə tanış olan nümayəndə heyəti daha sonra Şuşa və Laçına yola düşüblər.

Şuşa şəhərində hazırkı mövcud vəziyyət haqqında məlumat verilib, aparılan sürətli bərpa və yenidənqurma işləri göstərilib. Qonaqlar görülən bu işləri yüksək qiymətləndirərək, işğal dövründə ermənilər tərəfindən Şuşa şəhərində törədilmiş vandalizm aktlarını pisləyiblər. Daha sonra qonaqlar Gəncə qapıları, “Güllələnmiş heykəllər” abidəsini, Cıdır Düzünü, Yuxarı Gövhər Ağa məscidini ziyarət ediblər.

Qonaqların növbəti dayanacağı Laçın olub. Həkəri çayı üzərində yaradılmış “Həkəri Balıqçılıq Təsərrüfatı” ilə yaxından tanışlıqdan sonra Sus kəndini gəzib, Laçının gözəl təbiətindən həzz alıblar.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/abs-ve-kanadanin-buxara-yehudileri-konqresinin-numayende-heyeti-fuzuli-susa-ve-lacinda-olub-4716

ABŞ və Kanadanın Buxara Yəhudiləri Konqresinin nümayəndə heyəti Azərbaycanda səfərdə olub

Abdullah Yiğit — Thu, 23 May 2024 15:36:18 +0000

ABŞ və Kanadanın Buxara Yəhudiləri Konqresinin nümayəndə heyəti Azərbaycanda səfərdə olub

, 2024

ABŞ və Kanadanın Buxara Yəhudiləri Konqresinin nümayəndə heyəti Azərbaycanda səfərdə olub

ABŞ və Kanadanın Buxara Yəhudiləri Konqresinin nümayəndə heyəti səfərin ilk günü Şəhidlər Xiyabanına gedərək Azərbaycanın müstəqilliyi və ərazi bütövlüyü uğrunda canlarından keçmiş Vətən övladlarının xatirəsini yad edib, məzarları üzərinə güllər düzüblər. Daha sonra UNESCO-nun Ümumdünya Mədəni İrs Siyahısına daxil edilmiş İçərişəhər Dövlət Tarix-Memarlıq Qoruğunu, Şirvanşahlar Saray Kompleksini, Qız Qalasını ziyarət edib və ölkəmizin milli-mədəni irsi ilə yaxından tanış olublar. Qonaqlar sənət nümunələri və milli irsimiz olan xalçaların qorunub saxlandığı Azərbaycan Milli Xalça Muzeyini, Hərbi Qənimətlər Parkını, Heydər Əliyev Mərkəzini də ziyarət ediblər. Qonaqlara Mərkəz haqqında ətraflı məlumat verilib.

Ələt Azad İqtisadi Zonasında, İqtisadiyyat Nazirliyində, Qarabağ Dirçəliş Fondunda bir sıra görüşlər keçirən nümayəndə heyəti növbəti gün Diasporla İş üzrə Dövlət Komitəsində olublar. Komitə rəsmiləri ilə görüş çərçivəsində xaricdəki Buxara yəhudiləri ilə Azərbaycan icmaları arasında dostluq, qardaşlıq münasibətlərinin daim inkişaf etdiyi və təcrübə mübadiləsinin daha səmərəli olacağı vurğulanıb və mövcud əlaqələrin strateji əməkdaşlıq səviyyəsində davam edəcəyinə əminlik ifadə olunub.

Səfər çərçivəsində qonaqlar Quba rayonunda da olublar. Nümayəndə heyəti Quba Rayon İcra Hakimiyyətinin başçısı İlqar Mahmudovla görüşüb, Dağ Yəhudilərinin kompakt yaşadığı Qırmızı qəsəbə, Dağ Yəhudilərinin Muzeyi, həmçinin “Soyqırım Memorial Kompleksi” ilə tanış olub, mövcud tolerant mühitdən məmnunluqlarını ifadə ediblər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/abs-ve-kanadanin-buxara-yehudileri-konqresinin-numayende-heyeti-azerbaycanda-seferde-olub-4710

Astronavtika Konqresinin iştirakçıları Dövlət Komitəsində olub

Abdullah Yiğit — Mon, 09 Oct 2023 16:59:04 +0000

Astronavtika Konqresinin iştirakçıları Dövlət Komitəsində olub

, 2023

Astronavtika Konqresinin iştirakçıları Dövlət Komitəsində olub

Diasporla İş üzrə Dövlət Komitəsinin sədri Fuad Muradov Bakı şəhərində keçirilən 74-cü Beynəlxalq Astronavtika Konqresində Azərbaycan diasporunu təmsil edən tanınmış alim və mütəxəssislərlə görüşüb.

Azərbaycanı xarici ölkələrdə, diasporumuzu isə Konqresdə uğurla təmsil edən alimlərə minnətdarlıq bildirilib, iştirak etdikləri möhtəşəm tədbirin əhəmiyyəti barədə fikir mübadiləsi aparılıb.

Prezident İlham Əliyevin tapşırığı əsasında xaricdəki Azərbaycan icmaları ilə əlaqələrin daha da intensivləşdiyi, Komitənin xətti ilə xarici ölkələrdə müxtəlif sahələr üzrə ixtisaslaşmış forum və görüşlərin, o cümlədən azərbaycanlı alimlərin forumlarının təşkil olunduğu diqqətə çatdırılıb. Komitənin gerçəkləşdirdiyi “Beyin qazanma” proqramı barədə qonaqlara ətraflı məlumat verilib, xaricdəki nüfuzlu azərbaycanlı alimlərin bilik və bacarıqlarının yeni nəslin inkişafına cəlb olunmasında həmin proqramın ciddi rol oynadığı nəzərə çatdırılıb.

Qonaqlar Beynəlxalq Astronavtika Konqresinin təşkilinə və bu mötəbər tədbirdə iştiraklarının təmin olunmasına görə minnətdarlıq edib, elmin inkişafı naminə əllərindən gələni əsirgəməyəcəklərini ifadə ediblər. Soydaşlarımız “Biz xaricdə yaşasaq da, Azərbaycan üçün varıq və bütün uğurlarımızın əsası öz ölkəmizdə qoyulub” deyərək ana vətənə sevgi və minnətdarlıq hisslərini çatdırıblar.

Qeyd edək ki, görüşdə iştirak edən diaspor nümayəndələri öz sahələrində böyük uğur qazanmış şəxslərdir. Belə ki, Beynəlxalq Astronavtika Konqresində xaricdəki alimlərimizi təmsil edən Prof. Dr. Nazim Muradov ABŞ-ın Mərkəzi Florida Universitetinin Günəş Enerjisi Mərkəzində Hidrogen Energetika üzrə qrup rəhbəridir. O, NASA-nın tədqiqat qrupunun üzvü kimi Kosmos İdarəsinin “Space Shuttle Endeavour” missiyası zamanı uğurla sınaqdan keçirilən unikal hidrogen sensorunun hazırlanmasında iştirak edib, görkəmli alimin təmsil olunduğu komanda R&D100 mükafatına layiq görülüb.

İstanbul Ticarət Universitetinin professoru, mexanika və aerokosmik mühəndislik sahəsində tanınmış alim Abdulla Sofiyev 2019-2020-ci illǝrdǝ öz sahǝsi üzrə dünyanın ǝn nüfuzlu 100 alimi siyahasında yer alan və SCOPUS-da H indeksi 42 olan ilk azərbaycanlı alimlərdəndir.

İstanbul Texniki Universitetinin Aeronavtika və kosmonavtika fakültəsinin professoru Çingiz Hacıyev Beynəlxalq Naviqasiya və Hərəkətin İdarə Edilməsi Akademiyasının həqiqi üzvü seçilib, Stanford Universitetinin tərtib etdiyi “Dünyanın ən nüfuzlu elm adamları”nın sirasında yer alıb.

Florida Azərbaycan icmasının rəhbəri Esmira Bayramova məşhur “Capella Space” şirkətinin meneceridir.

Görüşdə tanınmış alim Nazim Muradova dövlət başçısı tərəfindən verilən “Tərəqqi” medalı təqdim edilib.

Qeyd edək ki, son illər xarici ölkələrdə yaşayan azərbaycanlı alimlərlə əlaqələrin genişlənməsi alimlərimizlə bağlı zəngin informasiya bazasının yaradılması, Komitənin bu sahədə xüsusi layihələr həyata keçirməsi, müxtəlif ölkələrdə azərbaycanlı alimlərlə xarici alimlərin birgə iştirak etdiyi elmi konfranslar və forumların təşkil olunmasının məntiqi nəticəsidir.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/astronavtika-konqresinin-istirakcilari-dovlet-komitesinde-olub-3638