Kayseri şəhərində – Orta Asya Gazetesi https://ortaasyagazetesi.com Mon, 08 Apr 2024 12:08:05 +0000 tr hourly 1 https://ortaasyagazetesi.com/wp-content/uploads/2025/03/cropped-Orta-asya-32x32.webp Kayseri şəhərində – Orta Asya Gazetesi https://ortaasyagazetesi.com 32 32 Türkiyənin Kayseri şəhərində Şuşa Azərbaycan Evinin açılış mərasimi keçirilib https://ortaasyagazetesi.com/turkiy%c9%99nin-kayseri-s%c9%99h%c9%99rind%c9%99-susa-az%c9%99rbaycan-evinin-acilis-m%c9%99rasimi-kecirilib-h56107.html Mon, 08 Apr 2024 12:08:05 +0000 https://1453kralmedya.com/turkiy%c9%99nin-kayseri-s%c9%99h%c9%99rind%c9%99-susa-az%c9%99rbaycan-evinin-acilis-m%c9%99rasimi-kecirilib-h56107.html

Türkiyənin Kayseri şəhərində Şuşa Azərbaycan Evinin açılış mərasimi keçirilib
8 aprel, 2024

 

 

 

Türkiyənin Kayseri şəhərində Şuşa Azərbaycan Evinin açılış mərasimi keçirilib
Türkiyənin Kayseri şəhərindəki Azərbaycan Qardaşlıq Parkında Şuşa Azərbaycan Evinin açılış mərasimi keçirilib.

Tədbirdə Azərbaycan Respublikası Diasporla İş üzrə Dövlət Komitəsinin sədri Fuad Muradov, Azərbaycan Prezidentinin Şuşa şəhəri üzrə xüsusi nümayəndəsi Aydın Kərimov, Kayseri Böyükşəhər Bələdiyyə başqanı, Talas Bələdiyyə başqanı, Türkiyə parlamentinin Kayseridən olan millət vəkilləri, yerli ictimaiyyətin nümayəndələri, bu şəhərdə yaşayan və təhsil alan soydaşlarımız iştirak ediblər.

Tədbirdən əvvəl Azərbaycan Qardaşlıq Parkında Xocalı soyqırımı qurbanlarının xatirəsinə ucaldılmış abidə ziyarət olunub. Daha sonra Azərbaycan və Türkiyənin dövlət himnləri səsləndirilib, iki qardaş ölkənin ulu öndərləri Heydər Əliyev və Mustafa Kamal Atatürkün, eləcə də şəhidlərin xatirəsi ehtiramla yad edilib.

Talas qəsəbəsinin bələdiyyə başqanı Mustafa Yalçın mərasim iştirakçılarını Kayseridə Şuşa Azərbaycan Evinin açılışı münasibətilə təbrik edib, Şuşa ilə qardaşlaşmış şəhər olan Kayseridə Azərbaycan Qardaşlıq Parkının və Şuşa Azərbaycan Evinin yaradılması ideyası haqqında məlumat verib.

Şuşa Azərbaycan Evinin koordinatoru Nəcəf Qəmbərov bu mədəniyyət ocağının iki qardaş ölkəyə xeyirli olmasını arzuladığını söyləyib.

Kayseri Böyükşəhər Bələdiyyəsinin başqanı Memduh Büyükkılıç qeyd edib ki, bir zamanlar Qarabağın azadlığı xəyal idi, amma bu gün Qarabağ zəfərinin simvolu olan Şuşanın adını daşıyan Azərbaycan Evi açılır: “Bu da iki ölkənin prezidentləri Rəcəb Tayyib Ərdoğanın və İlham Əliyevin uzaqgörən siyasətinin, “bir millət, iki dövlət, tək yumruq” olmağın nəticəsidir”.

Azərbaycan Prezidentinin Şuşa rayonundakı səlahiyyətli nümayəndəsi Aydın Kərimov deyib ki, Şuşa Azərbaycan Evi iki qardaş şəhər arasında ilk layihə olaraq tarixə düşdü: “Son üç ildə Şuşa şəhəri ilə dünyanın müxtəlif ölkələrinin 9 şəhərləri arasında qardaşlaşma və əməkdaşlıq əlaqələri qurulub. Təsadüfi deyil ki, bu şəhərlərdən ikisi məhz Türkiyənin Ərzurum və Kayseri şəhərləridir”.

 

 

 

 

 

Tədbir iştirakçılarını salamlayan Diasporla İş üzrə Dövlət Komitəsinin sədri Fuad Muradov Kayseridə Şuşa Azərbaycan Evinin açılmasını mühüm hadisə adlandırıb: “Prezident İlham Əliyevin tapşırığı ilə biz xarici ölkələrdə yaşayan soydaşlarımızı bir araya gətirəcək mədəniyyət ocağı kimi Azərbaycan evlərinin açılmasına start verdik. Birinci vitse-prezident Mehriban xanım Əliyevanın təşəbbüsü ilə Azərbaycan evlərində həftəsonu Azərbaycan məktəbləri fəaliyyət göstərir, bu məktəblərdə hər il yüzlərlə azyaşlı soydaşımız ana dilini öyrənir. Şuşa Azərbaycan Evi artıq dünyanın 15 ölkəsində açılan 29-cu, Türkiyədə isə üçüncü Azərbaycan Evidir”.

Komitə sədri Şuşa zəfərinin İkinci Qarabağ savaşına son qoyan tarixi hadisə olduğunu vurğulayıb: “O tarixi günlərdə Azərbaycan xalqı ilə yanaşı olduğu üçün Türkiyə xalqına bir daha təşəkkür edirəm. İnanıram ki, Kayseri şəhərində Şuşa Azərbaycan Evinin açılması Azərbaycan mədəniyyətinin tanıdılmasına öz töhfəsini verəcək”.

Çıxışlardan sonra Şuşa Azərbaycan Evinin rəsmi açılışını bildirən lent kəsilib. Tədbir iştirakçıları Şuşa Azərbaycan Evi ilə tanış olublar.

FOTO QALEREYA

 

 

 

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/turkiyenin-kayseri-seherinde-susa-azerbaycan-evinin-acilis-merasimi-kecirilib-4523

 

]]> Kayseri şəhərində Azərbaycan Qardaşlıq Parkı açılıb https://ortaasyagazetesi.com/kayseri-s%c9%99h%c9%99rind%c9%99-az%c9%99rbaycan-qardasliq-parki-acilib-h36825.html Fri, 04 Nov 2022 18:24:23 +0000 https://1453kralmedya.com/kayseri-s%c9%99h%c9%99rind%c9%99-az%c9%99rbaycan-qardasliq-parki-acilib-h36825.html

 

 

 

 

 

 

 

Kayseri şəhərində Azərbaycan Qardaşlıq Parkı açılıb

4 noyabr, 2022

Kayseri şəhərində Azərbaycan Qardaşlıq Parkı açılıb

Türkiyənin Kayseri şəhərində Azərbaycan Qardaşlıq Parkının təntənəli açılış mərasimi keçirilib.

 

Tədbir Kayserinin Talas Bələdiyyəsinin və Azərbaycan-Türkiyə Təhsil, Mədəniyyət və Yardımlaşma Dərnəyinin birgə təşkilatçılığı ilə baş tutub.

 

Mərasimi açıq elan edən Talas bələdiyyəsinin sədri Mustafa Yalçın bildirib ki, Kayseridə qardaş Azərbaycana hər zaman xüsusi münasibət bəslənilir. “Talas bələdiyyəsi olaraq belə mötəbər tədbirə ev sahibliyi etdiyimiz üçün qürur duyuruq”, – deyə bələdiyyə sədri vurğulayıb.

 

Tədbirin layihə rəhbəri və təşəbbüskarı olan Azərbaycan-Türkiyə Təhsil, Mədəniyyət və Yardımlaşma Dərnəyinin həmtəsisçisi və fəxri prezidenti Nəcəf Qənbərov türk dünyasının parlaq zəfərlərindən biri olan 44 günlük Vətən müharibəsi dövründə və sonra iki Prezidentin – iki Ali Baş Komandanın bütün dünyaya göstərdiyi birlikdən danışıb. Türkiyə Cümhuriyyətinin qurucusu Mustafa Kamal Atatürkün “Azərbaycanın sevinci sevincimiz, kədəri kədərimizdir” və müasir Azərbaycan dövlətinin qurucusu Heydər Əliyevin “Bir millət, iki dövlət” kəlamlarının bu parkda öz əksini tapdığını nəzərə çatdırıb. Bu layihənin gerçəkləşdirilməsi üçün göstərdikləri dəstəyə görə Diasporla İş üzrə Dövlət Komitəsinə və Kayseri şəhər rəhbərliyinə minnətdarlığını bildirib.

 

Diasporla İş üzrə Dövlət Komitəsi sədrinin birinci müavini Valeh Haciyev çıxışı zamanı Zəfər Günü münasibətilə tədbir iştirakçılarını təbrik edib və birliyimizin daim olmasını arzulayıb. Azərbaycan və Türkiyə Prezidentlərinin öz millətinin və dövlətinin lideri olmağı bacarmış siyasətçilər olduğuna, mürəkkəb siyasi proseslər dövründə apardıqları siyasətin yalnız öz dövlət və millətinin mənafeyinə xidmət etdiyinə diqqəti cəlb edib.

 

Tədbirdə çıxış edən Kayseri Böyükşəhər Bələdiyyəsinin sədri Memduh Büyükkılıç və Azərbaycanın Türkiyədəki səfirliyinin təhsil müşaviri Nəcibə Nəsibova Azərbaycan Qardaşlıq Parkının yaradılmasının önəmindən bəhs ediblər.

 

Ədalət və İnkişaf Partiyası sədrinin müavini Mehmet Özhasekinin, Zəngilana səfərləri zamanı keçirdikləri qəza səbəbindən tədbirdə iştirak edə bilməyən Türk Şurası Ağsaqqallar Birliyinin sədri Binəli Yıldırımın və Türkiyə Böyük Millət Məclisinin deputatı, Türkiyə-Azərbaycan parlamentlərarası dostluq qrupunun rəhbəri Şamil Ayrımın təbrik məktubları oxunub. Onlar parkın açılışını Azərbaycan və Türkiyə qardaşlığının sevinc, qürur və uğur günü kimi dəyərləndiriblər. Könüllərinin hər zaman Azərbaycanla birlikdə olduğunu, gələcəkdə Şuşa Mədəniyyət Evinin açılış törənində iştirak edəcəklərinə ümid etdiklərini və bundan qürur duyacaqlarını bildiriblər.

 

Sonra Azərbaycan Qardaşlıq Parkının qırmızı lenti kəsilib. Parkın ərazisində Qarabağın və Şuşanın rəmzlərindən biri olan İsa bulağı tikilib, Azərbaycanın qan yaddaşı sayılan Xocalı soyqırımı qurbanlarının abidəsi ucaldılıb. Bu parkda tikiləcək Şuşa Mədəniyyət Evinin təməli qoyulub.

 

Qeyd edək ki, açılış mərasimində Erciyes Universitetinin, bələdiyyələrin və qeyri-hökumət təşkilatlarının rəhbərləri, yerli ictimaiyyətin nümayəndələri iştirak ediblər.

FOTO QALEREYA

 

 

 

 

dostların arasında bunu ilk tövsiyyə edən sən ol

 

kaynak:http://diaspor.gov.az/az/news-detail/kayseri-seherinde-azerbaycan-qardasliq-parki-acilib-1829

 

 

 

 

 

]]>