katibi – Orta Asya Gazetesi

ABŞ Dövlət katibi Antoni Blinken İlham Əliyevə zəng edib

Abdullah Yiğit — Fri, 08 Sep 2023 21:17:24 +0000

ABŞ Dövlət katibi Antoni Blinken İlham Əliyevə zəng edib

2023,

Sentyabrın 1-də ABŞ Dövlət katibi Antoni Blinken Azərbaycan Respublikasının Prezidenti İlham Əliyevə zəng edib.

Telefon söhbəti zamanı Ağdam-Xankəndi və Laçın-Xankəndi yollarının açılması ilə bağlı məsələlər ətrafında fikir mübadiləsi aparılıb.

Dövlətimizin başçısı vurğulayıb ki, Ermənistan və onun Azərbaycanın Qarabağ bölgəsində yaratdığı və dəstəkləməkdə davam etdiyi qondarma separatist rejim Ağdam-Xankəndi yolunun açılmasına qərəzli şəkildə imkan vermir və bu yoldan istifadənin qarşısının alınması üçün süni maneə və əngəllər yaradır, Beynəlxalq Qırmızı Xaç Komitəsinin xətti ilə bu yol ilə yüklərin daşınması barədə əldə olunmuş ilkin razılaşmadan imtina edib. Azərbaycan Prezidenti qeyd edib ki, Ağdam-Xankəndi yolundan istifadədən bu formada imtina etmək siyasi manipulyasiyadır və həmin ərazidə guya humanitar, yaxud qida böhranının yaşandığını iddia etmək üçün məqsədyönlü yalandır. Ağdam-Xankəndi yolunun açılmasından sonra Azərbaycanın gömrük və sərhəd-nəzarət rejimi qaydaları tətbiq edilməklə Laçın-Xankəndi yolu açıla bilər. Prezident İlham Əliyev vurğulayıb ki, dövlətimiz tərəfindən separatizmin bütün təzahürləri qəbulolunmazdır.

Prezident İlham Əliyev qeyd edib ki, Azərbaycan tərəfi ilə razılaşdırmadan Ermənistan tərəfindən Azərbaycanın “Laçın” sərhəd-keçid məntəqəsinin qarşısına humanitar təyinatlı olduğunu iddia etdikləri yüklərin gətirilməsi Azərbaycanın daxili işlərinə qarışmaqdır, ölkəmizin ərazi bütövlüyünə və suverenliyinə hörmətsizlikdir. Azərbaycan Prezidenti Ermənistanın bu kimi siyasətinin sülh müqaviləsi üzrə danışıqlara ciddi zərər vurduğunu bildirib.

Dövlətimizin başçısı Azərbaycan Qızıl Aypara Cəmiyyətinin xətti ilə həmin əraziyə ərzaq yüklərinin çatdırıldığını, lakin qanunsuz separatist rejimin bundan imtina etdiyini bildirib.

Prezident İlham Əliyev Azərbaycanın Qarabağın erməni əhalisinin nümayəndələrinin reinteqrasiya məsələləri ilə bağlı müzakirələrin aparılması üçün paytaxt Bakıya və ölkəmizin digər şəhərlərinə dəvət edilməsinə baxmayaraq, onların bundan imtina etdiklərini xatırladıb.

ABŞ Dövlət katibi Antoni Blinken sülh müqaviləsinin imzalanması və Azərbaycan ilə Ermənistan arasında münasibətlərin normallaşdırılması istiqamətində səylərini bundan sonra da davam etdirəcəklərini bildirib, Bakı ilə Xankəndi arasında birbaşa təmasları dəstəklədiklərini vurğulayıb.

BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/61004

Komitə sədrinin Kanada XİN-in parlament katibi və “Peys Hüquq Firması”nın rəhbəri ilə görüşləri keçirilib

Abdullah Yiğit — Tue, 11 Apr 2023 11:05:59 +0000

Komitə sədrinin Kanada XİN-in parlament katibi və “Peys Hüquq Firması”nın rəhbəri ilə görüşləri keçirilib
, 2023
Komitə sədrinin Kanada XİN-in parlament katibi və “Peys Hüquq Firması”nın rəhbəri ilə görüşləri keçirilib

Kanadaya səfəri çərçivəsində Diasporla İş üzrə Dövlət Komitəsinin sədri Fuad Muradovun Xarici İşlər Nazirliyinin (XİN) parlament katibi Robert Olifantla görüşü keçirilib.

Azərbaycan dövlətinin diaspor siyasəti, Komitənin fəaliyyət istiqamətləri, dünyanın 70-dən çox ölkəsində 50 milyona yaxın azərbaycanlının yaşaması, Azərbaycan Prezidentinin tövsiyələri əsasında xaricdəki icmalarımızla, o cümlədən Kanadada yaşayan soydaşlarımızla sıx əlaqə saxlanılması, onların təşkilatlanması istiqamətində atılan addımlar və həyata keçirilən layihələr XİN parlament katibinin nəzərinə çatdırılıb.

Cənubi Qafqazın lider dövləti olan müasir Azərbaycanın yeni inkişaf mərhələsinə qədəm qoyduğu, azad olunmuş torpaqlarımızda irimiqyaslı bərpa-quruculuq işlərinin aparıldığı, xalqımızın bölgədə yalnız davamlı sülhün bərqərar olmasını istədiyi və Azərbaycan dövlətinin bu istiqamətdə ciddi səylər göstərdiyi vurğulanıb.

Robert Olifant Azərbaycan diasporunun Kanada cəmiyyətinə inteqrasiyasını yüksək qiymətləndirib. Kanada dövlətinin Azərbaycanın beynəlxalq səviyyədə tanınmış ərazi bütövlüyünü dəstəklədiyini söyləyən XİN parlament katibi icmamızın tarixi vətənlərinin imicinin yüksəldilməsi və mədəniyyətinin tanıdılması istiqamətində Kanadada gördüyü işləri müsbət qiymətləndirib.

Komitə sədri Kanada-Azərbaycan ikitərəfli münasibətlərinin daha da inkişaf edəcəyinə ümid etdiyini bildirib.

“Peys Hüquq Firması”nın (“Pace Law Firm”) təsisçisi və rəhbəri Al Peyslə görüşdə isə şirkətin hüquqi xidmətləri barədə ətraflı məlumat verilib və fəaliyyətinə dair təqdimat keçirilib. 1981-ci ildə əsası qoyulan şirkətin beş ofisində 160-dan çox hüquqşünasın çalışdığı və müştərilərə 38 dildə xidmət göstərdiyi vurğulanıb.

Al Peys qeyd edib ki, özü əslən Litvadan olduğu üçün litov icmasının fəaliyyətində iştirak edir və rəhbərlik etdiyi şirkət litov gənclərinin startap layihələrini təmənnasız olaraq dəstəkləyir.

Komitə sədri ölkəmizin inkişafı, diaspor quruculuğu və Azərbaycan icma üzvlərinin yerli cəmiyyətə inteqrasiyası ilə bağlı həyata keçirilən layihələr barədə ətraflı məlumat verilib. Azərbaycan diasporu üzvlərinin müxtəlif ölkələrdə, o cümlədən Kanadada biznes sahəsində çalışdıqlarına, xarici ölkələrin iqtisadiyyatına töhfələr verdiklərinə diqqət cəlb olunub. İnteqrasiya sahəsində soydaşlarımızın qarşılaşdıqları hüquqi çətinliklərin aradan qaldırılması yolları və əməkdaşlıq perspektivləri müzakirə edilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/komite-sedrinin-kanada-xin-in-parlament-katibi-ve-peys-huquq-firmasi-nin-rehberi-ile-gorusleri-kecirilib-2745

İlham Əliyevin Münxendə ATƏT-in Baş katibi ilə görüşü olub

Abdullah Yiğit — Sun, 19 Feb 2023 21:24:23 +0000

İlham Əliyevin Münxendə ATƏT-in Baş katibi ilə görüşü olub

2023,

İlham Əliyevin Münxendə ATƏT-in Baş katibi ilə görüşü olub
Fevralın 18-də Münxendə Azərbaycan Respublikasının Prezidenti İlham Əliyevin ATƏT-in Baş katibi xanım Helqa Maria Şmid ilə görüşü olub.

Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/58997