Diaspor gənclərinin azərbaycanlı jurnalistlərlə maraqlı debatı təşkil olunub

2023

Diaspor gənclərinin azərbaycanlı jurnalistlərlə maraqlı debatı təşkil olunub

Naxçıvanda keçirilən “Heydər Əliyev – 100” Diaspor Gənclərinin IV Yay Düşərgəsində təşkil edilən növbəti panel media mövzusuna həsr olunub.

Diasporla İş üzrə Dövlət Komitəsinin Təbliğat, informasiya və analitik təhlil şöbəsinin müdiri Vəsilə Zeynalovanın moderatorluğu ilə aparılan paneldə Mətbuat Şurasının sədri Rəşad Məcid, Bakı Dövlət Universitetinin Jurnalistika fakültəsinin dekanı Vüqar Zifəroğlu, “Qafqazinfo.az” saytının rəhbəri Elbruz Ərud, ADA Universitetinin müəllimi Şəfəq Mehrəliyeva, Mətbuat Şurasının üzvü Elşad Eyvazlı və “Global Media Group”un media direktoru Həmid Həmidov iştirak ediblər.

Panelistlərlə debat zamanı diaspor gənclərinin fəaliyyət istiqamətləri, xarici ölkələrdəki platformalara çıxış imkanları, Azərbaycanla bağlı həqiqətlərin çatdırılması, diaspor gənclərinin missiyası və sair mövzular ətrafında fikir mübadiləsi aparılıb. Fikir müxtəlifliyi ilə müşayiət olunan qızğın diskussiyanın gedişində “diaspor gənci xaricdə necə fəaliyyət göstərməlidir, Azərbaycana hansı faydaları verməlidir, yaşadığı ölkəyə necə inteqrasiya olunmalıdır, dilimizi, milli kimliyimizi, mədəniyyətimizi, adət-ənənələrimizi necə qoruyub saxlamalıdır” və başqa suallara aydınlıq gətirilib.

Bu debat İctimai TV ilə Diasporla İş üzrə Dövlət Komitəsinin ortaq layihəsi olan “Vətən uzaqda deyil” proqramında yayımlanacaq.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/diaspor-genclerinin-azerbaycanli-jurnalistlerle-maraqli-debati-teskil-olunub-3331

Komitə sədri amerikalı jurnalistlərlə görüşüb
2023
Komitə sədri amerikalı jurnalistlərlə görüşüb

Diasporla İş üzrə Dövlət Komitəsinin (DİDK) sədri Fuad Muradovun ABŞ-Azərbaycan Mədəniyyət Fondunun rəhbəri, jurnalist Nurit Qringer və “Yentas in the City” podkast şirkətinin rəhbəri Ester Eti El-Kiss Mizrahi ilə görüşü keçirilib.

Qonaqları salamlayan Komitə sədri dövlətimizin diaspor siyasəti, DİDK-nın fəaliyyət istiqamətləri, həyata keçirdiyi layihələr, bu yaxınlarda gerçəkləşdirilmiş Kanada və ABŞ-a səfərinin nəticələri barədə danışıb. Azərbaycan həqiqətlərinin və zəngin mədəniyyətinin təbliği istiqamətində həyata keçirdikləri işlərə və layihələrə görə ABŞ-Azərbaycan Mədəniyyət Fonduna minnətdarlığını bildirib.

Nurit Qringer bildirib ki, ABŞ və İsraildən bir qrup media əməkdaşının daxil olduğu nümayəndə heyəti ilə birlikdə Azərbaycana növbəti səfərə gəlib. Səfər proqramı barədə ətraflı məlumat verən Nurit Qringer rəhbərlik etdiyi fondun layihələrinin gerçəkləşdirilməsində dəstəyinə görə Diasporla İş üzrə Dövlət Komitəsinə təşəkkür edib.

Sonra regionda baş verən son proseslər, ABŞ-Azərbaycan və İsrail-Azərbaycan arasında strateji tərəfdaşlıq münasibətləri, Azərbaycan həqiqətlərinin Amerika ictimaiyyətinə dolğun şəkildə çatdırılması və sair məsələlər müzakirə edilib.

Görüş gələcək layihələr və əməkdaşlıq perspektivləri barədə fikir mübadiləsinin aparılması ilə yekunlaşıb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/komite-sedri-amerikali-jurnalistlerle-gorusub-2813

jurnalistlərlə – Orta Asya Gazetesi

Diaspor gənclərinin azərbaycanlı jurnalistlərlə maraqlı debatı təşkil olunub

Komitə sədri amerikalı jurnalistlərlə görüşüb