Heydər Əliyevin – Orta Asya Gazetesi https://ortaasyagazetesi.com Mon, 14 Aug 2023 20:06:36 +0000 tr hourly 1 https://ortaasyagazetesi.com/wp-content/uploads/2025/03/cropped-Orta-asya-32x32.webp Heydər Əliyevin – Orta Asya Gazetesi https://ortaasyagazetesi.com 32 32 Fuad Muradov: “Heydər Əliyevin Azərbaycan tarixində, Naxçıvanın isə Heydər Əliyevin həyatında rolu misilsiz və ölçüyəgəlməzdir” https://ortaasyagazetesi.com/fuad-muradov-heyd%c9%99r-%c9%99liyevin-az%c9%99rbaycan-tarixind%c9%99-naxcivanin-is%c9%99-heyd%c9%99r-%c9%99liyevin-h%c9%99yatinda-rolu-misilsiz-v%c9%99-olcuy%c9%99g%c9%99lm%c9%99zdir-h48504.html Mon, 14 Aug 2023 20:06:36 +0000 https://1453kralmedya.com/fuad-muradov-heyd%c9%99r-%c9%99liyevin-az%c9%99rbaycan-tarixind%c9%99-naxcivanin-is%c9%99-heyd%c9%99r-%c9%99liyevin-h%c9%99yatinda-rolu-misilsiz-v%c9%99-olcuy%c9%99g%c9%99lm%c9%99zdir-h48504.html

 

 

 

 

 

 

 

 

 

 

Fuad Muradov: “Heydər Əliyevin Azərbaycan tarixində, Naxçıvanın isə Heydər Əliyevin həyatında rolu misilsiz və ölçüyəgəlməzdir”

14 avqust, 2023

 

 

 

 

Fuad Muradov: “Heydər Əliyevin Azərbaycan tarixində, Naxçıvanın isə Heydər Əliyevin həyatında rolu misilsiz və ölçüyəgəlməzdir”

 

 

 

 

“Diaspor Gənclərinin IV Yay Düşərgəsi ulu öndər Heydər Əliyevin 100 illik yubileyinə həsr olunub və “Heydər Əliyev İli” çərçivəsində təşkil edilib”.

 

 

 

 

Bu sözləri Diasporla İş üzrə Dövlət Komitəsinin sədri Fuad Muradov Naxçıvanda keçirilən Diaspor Gənclərinin IV Yay Düşərgəsinin rəsmi açılış mərasimində çıxışında səsləndirib.

 

 

 

 

 

O qeyd edib ki, Heydər Əliyevin Azərbaycan tarixində, Naxçıvanın isə Heydər Əliyevin həyatında rolu misilsiz və ölçüyəgəlməzdir: “Çünki ulu öndər məhz Naxçıvan şəhərində dünyaya gəlib, ilk təhsilini burada alıb, əmək fəaliyyətinə burada başlayıb. Ulu öndərin ikinci dəfə hakimiyyətə qayıdışı da Naxçıvanla bağlıdır. 1990-cı il sentyabrın 3-də Naxçıvan MR Ali Məclisinin sədri seçilən Heydər Əliyev burada bir sıra tarixi qərarlara imza atıb. Onun təşəbbüsü ilə Ali Məclis 1990-cı il noyabrın 17-də Azərbaycan Xalq Cümhuriyyətinin yadigarı olan üçrəngli bayrağımızı muxtar respublikanın bayrağı elan edib və Azərbaycan Ali Soveti qarşısında analoji qərarın qəbulu təklifi ilə vəsatət qaldırıb (1991-ci il fevralın 5-də Ali Sovet vəsatəti qəbul edərək, Xalq Cümhuriyyətinin bayrağını Azərbaycanın dövlət bayrağı elan edib). 1991-ci il dekabrın 16-da Heydər Əliyev dünya azərbaycanlılarının birliyini yaratmağın əhəmiyyətini nəzərə alaraq, dekabrın 31-ni Dünya Azərbaycanlılarının Həmrəylik Günü elan edib”.

 

 

 

 

Ümummilli liderin Azərbaycan diaspor quruculuğunun banisi olduğunu bildirən Komitə sədri onun siyasi kursunun Prezident İlham Əliyev tərəfindən uğurla davam etdirildiyini vurğulayıb: “Azərbaycan Respublikasının Prezidenti İlham Əliyev hər zaman xaricdə yaşayan azərbaycanlıları tarixi Vətənlə əlaqələrini kəsməməyə, vaxtaşırı Azərbaycana səfər etməyə çağırıb. 2022-ci il aprelin 22-23-də Şuşada keçirilən Dünya Azərbaycanlılarının V Qurultayında da Müzəffər Ali Baş Komandan dünya azərbaycanlılarını ana dilini unutmamağa, Azərbaycan tarixini və mədəniyyətini öyrənməyə, Azərbaycan həqiqətlərini dost xalqların diasporları ilə birlikdə təbliğ etməyə çağırıb. Diasporla İş üzrə Dövlət Komitəsi Prezidentin bu tövsiyələrini həmişə əldə rəhbər tutub”.

 

 

 

 

 

F.Muradov qeyd edib ki, Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevanın təşəbbüsü və dəstəyi ilə xarici ölkələrdə həftəsonu Azərbaycan məktəbləri də fəaliyyətlərini genişləndirir: “Hazırda dünyanın bir çox şəhərlərində fəaliyyət göstərən həftəsonu Azərbaycan məktəblərində yüzlərlə azərbaycanlı uşaq təhsil alır. Xaricdə yetişən azərbaycanlı gənc nəslin Vətənlə bağlı olmaları, milli ruhda tərbiyə almaları, ilk növbədə, Azərbaycan dilini bilmələri məqsədilə bir çox layihələr həyata keçirilir. Məktəblər pedoqoji heyət və zəruri vəsaitlərlə təmin olunur”.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/fuad-muradov-heyder-eliyevin-azerbaycan-tarixinde-naxcivanin-ise-heyder-eliyevin-heyatinda-rolu-misilsiz-ve-olcuyegelmezdir-3330

]]> Milanda Heydər Əliyevin 100 illiyi münasibətilə “Sənətin hamisi” adlı sərgi təşkil edilib https://ortaasyagazetesi.com/milanda-heyd%c9%99r-%c9%99liyevin-100-illiyi-munasib%c9%99til%c9%99-s%c9%99n%c9%99tin-hamisi-adli-s%c9%99rgi-t%c9%99skil-edilib-h46759.html Fri, 23 Jun 2023 14:03:35 +0000 https://1453kralmedya.com/milanda-heyd%c9%99r-%c9%99liyevin-100-illiyi-munasib%c9%99til%c9%99-s%c9%99n%c9%99tin-hamisi-adli-s%c9%99rgi-t%c9%99skil-edilib-h46759.html

Milanda Heydər Əliyevin 100 illiyi münasibətilə “Sənətin hamisi” adlı sərgi təşkil edilib
2023

 

 

 

Milanda Heydər Əliyevin 100 illiyi münasibətilə “Sənətin hamisi” adlı sərgi təşkil edilib

 

 

 

 

İtaliyanın Milan şəhərində müasir Azərbaycan dövlətinin qurucusu, xalqımızın ümummilli lideri Heydər Əliyevin anadan olmasının 100 illiyi münasibətilə “Sənətin hamisi” adlı sərgi nümayiş etdirilib.

 

 

 

 

Diasporla İş üzrə Dövlət Komitəsinin dəstəyi və Neapol-Bakı Assosiasiyasının təşkilatçılığı ilə baş tutan sərgi Vittorio Emmanuel Qalereyasında yerləşən qədim “Bokka” kitabxanasında gercəkləşdirilib.

 

 

 

 

Sərgidə görkəmli dövlət xadimi Heydər Əliyevin həyatını və siyasi fəaliyyətini əks etdirən fotoşəkillər və azərbaycanlı rəssam Elay Məmmədovun rəsm əsərləri təqdim olunub.

 

 

 

 

 

Tədbirdə çıxış edən Elay Məmmədov sərginin “Sənətin hamisi” adlandırılmasının təsadüfi olmadığına diqqəti cəlb edib. Bildirib ki, ölkəmizin zəngin mədəniyyətinin və incəsənətinin vurğunu olan Heydər Əliyev bütün siyasi fəaliyyəti dövründə istedadlı sənət adamlarını qorumağa, onların yolunda olan əngəlləri aradan qaldırmağa və dünyada tanınmalarına çalışıb. Bir çox Azərbaycan rəssamlarının, bəstəkarlarının və sənətçilərinin yaradıcılığının dəstəklənməsində müstəsna rol oynayıb.

 

 

 

 

 

Tədbir zamanı fransız əsilli pianoçu, La Skala Akademiyasının məzunu Selin Mişel fortepianoda klassik musiqi əsərlərini ifa edib.

 

 

 

 

Qeyd edək ki, Elay Məmmədov 1985-ci ildə Naxçıvan şəhərində anadan olub. Brera İncəsənət Akademiyasını bitirib. İtaliyada yaşayan rəssam bu ölkədəki müxtəlif rəsm qalereyalarında, fərdi və qrup sərgilərində öz əsərlərini təqdim edir. Onun gizli üslubda yağlı boya ilə çəkdiyi “Domesticated Red” və digər əsərləri italiyalı sənətsevərlərdə böyük maraq doğurur. Diasporla İş üzrə Dövlət Komitəsi istedadlı soydaşımızla bu istiqamətdə əməkdaşlıq edir.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/milanda-heyder-eliyevin-100-illiyi-munasibetile-senetin-hamisi-adli-sergi-teskil-edilib-3138

]]> Budapeştdə Heydər Əliyevin 100 illiyi münasibətilə konsert təşkil olunub https://ortaasyagazetesi.com/budapestd%c9%99-heyd%c9%99r-%c9%99liyevin-100-illiyi-munasib%c9%99til%c9%99-konsert-t%c9%99skil-olunub-h46646.html Mon, 19 Jun 2023 16:44:08 +0000 https://1453kralmedya.com/budapestd%c9%99-heyd%c9%99r-%c9%99liyevin-100-illiyi-munasib%c9%99til%c9%99-konsert-t%c9%99skil-olunub-h46646.html

Budapeştdə Heydər Əliyevin 100 illiyi münasibətilə konsert təşkil olunub
, 2023

 

 

 

Heydər Əliyev Fondu, Azərbaycan Respublikasının Diasporla İş üzrə Dövlət Komitəsinin dəstəyi, Budapeştdəki Azərbaycan Evinin təşkilatçılığı ilə Azərbaycanın Macarıstandakı səfirliyi tərəfindən Ümummilli Lider Heydər Əliyevin anadan olmasının 100 illik yubileyi münasibətilə klassik musiqi konserti və sərgi təşkil edilib.

 

 

 

 

Budapeştdə Heydər Əliyevin 100 illiyi münasibətilə konsert təşkil olunub
Ferens List Musiqi Akademiyasında keçirilən möhtəşəm tədbirdə Azərbaycan Respublikasının Xalq artisti Yalçın Adıgözəlovun müşayiəti ilə Macarıstanın məşhur Solnok Simfonik orkestri, istedadlı solist Selcan Nəsibli dahi Azərbaycan bəstəkarları Qara Qarayev, Fikrət Əmirov, Niyazi və Asəf Zeynallının, eləcə də macar bəstəkar Bela Bartok və Cakomo Puççininin əsərlərini ifa ediblər.

 

 

 

 

Konsertdə Macarıstanın Baş nazirinin ofisinin, Milli Assambleyanın, Xarici İşlər və Ticarət, Müdafiə, İqtisadi İnkişaf və Mədəniyyət nazirliklərinin, digər dövlət qurumlarının və Budapeştdə akkreditə olunmuş diplomatik korpusun nümayəndələri, yerli ictimaiyyət və media nümayəndələri, eləcə də Azərbaycan diasporunun üzvləri, Macarıstandakı azərbaycanlı tələbələr iştirak ediblər.

 

 

 

 

Tədbirdə Ümummilli Lider Heydər Əliyevə həsr olunmuş sənədli film nümayiş olunub. Səfir Tahir Tağızadə görkəmli dövlət xadimi Heydər Əliyevin Azərbaycan dövlətçiliyinin inkişafındakı rolundan danışıb, Ulu Öndər tərəfindən əsası qoyulmuş uzaqgörən siyasətin Prezident İlham Əliyevin rəhbərliyi ilə davam etdirildiyini diqqətə çatdırıb. Həmçinin T.Tağızadə Birinci vitse-prezident Mehriban Əliyevanın rəhbərliyi ilə Heydər Əliyev Fondunun Azərbaycan mədəniyyətinin dünyada təbliği sahəsində uğurlu fəaliyyətini vurğulayıb.

 

 

 

 

Konsert tədbir iştirakçılarının sürəkli alqışlar ilə müşayiət olunub. Konsertdən sonra Azərbaycan və Macarıstan arasında ikitərəfli münasibətlərin əsas mərhələlərini əks etdirən fotoşəkillərdən ibarət sərgi qonaqlara təqdim olunub.

FOTO QALEREYA

 

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/budapestde-heyder-eliyevin-100-illiyi-munasibetile-konsert-teskil-olunub-3121

]]> Qahirədə Heydər Əliyevin 100 illiyi və 15 İyun – Milli Qurtuluş Günü qeyd edilib https://ortaasyagazetesi.com/qahir%c9%99d%c9%99-heyd%c9%99r-%c9%99liyevin-100-illiyi-v%c9%99-15-iyun-milli-qurtulus-gunu-qeyd-edilib-h46584.html Sat, 17 Jun 2023 19:45:18 +0000 https://1453kralmedya.com/qahir%c9%99d%c9%99-heyd%c9%99r-%c9%99liyevin-100-illiyi-v%c9%99-15-iyun-milli-qurtulus-gunu-qeyd-edilib-h46584.html

Qahirədə Heydər Əliyevin 100 illiyi və 15 İyun – Milli Qurtuluş Günü qeyd edilib

, 2023

 

 

 

 

 

 

Qahirədə Heydər Əliyevin 100 illiyi və 15 İyun – Milli Qurtuluş Günü qeyd edilib

 

 

 

 

Misirin paytaxtı Qahirə şəhərində fəaliyyət göstərən Misir-Azərbaycan Dostluq Cəmiyyətində müasir Azərbaycan dövlətinin qurucusu Heydər Əliyevin anadan olmasının 100 illiyinə və 15 İyun – Milli Qurtuluş Gününə həsr olunmuş tədbir keçirilib.

 

 

 

 

 

Tədbirdə Azərbaycanın Misirdəki səfirliyinin, Diasporla İş üzrə Dövlət Komitəsinin (DİDK), Misir parlamentinin, yerli ictimaiyyətin, Azərbaycan icmasının nümayəndələri, nüfuzlu elm xadimləri, jurnalistlər və Misir-Azərbaycan Dostluq Cəmiyyətinin nəzdində təhsil alan tələbələr iştirak ediblər.

Hər iki ölkənin Dövlət himnlərinin səsləndirilməsi ilə başlayan tədbiri giriş sözü ilə Ərəb Ölkələri üzrə Azərbaycanlıların Koordinasiya Şurasının Misirdəki koordinatoru, Misir-Azərbaycan Dostluq Cəmiyyətinin sədri, tədqiqatçı-alim Seymur Nəsirov açıb. Ölkəmizdə 30 il öncə baş verən hadisələrin canlı şahidi olduğunu vurğulayan cəmiyyət sədri xatırladıb ki, 15 iyun tarixi xalqın israrlı təkidi ilə Heydər Əliyevin Azərbaycan Ali Sovetinin sədri vəzifəsinə seçildiyi gündür və bu əlamətdar gün ölkəmizdə və dünyada geniş qeyd edilir. Bildirib ki, böyük risklərə baxmayaraq, xalqın qurtuluşu missiyasını cəsarətlə öz üzərinə götürən Heydər Əliyev dövlətimizin müstəqilliyinin qorunub saxlanılmasına, Azərbaycanın vətəndaş qarşıdurmasına və parçalanmasına sürüklənməsinin qarşısının alınmasına, dərin siyasi-ictimai böhrana son qoyulmasına nail olub. Bir müddət sonra xalqın iradəsi ilə Prezident seçilmiş Heydər Əliyevin hakimiyyəti dövründə Azərbaycanda böyük quruculuq mərhələsi başlanıb və həmin dövr ölkə tarixinə qızıl hərflərlə yazılıb.

 

 

 

 

Azərbaycanın Misirdəki fövqəladə və səlahiyyətli səfiri Elxan Poluxov çıxışında xatırladıb ki, bu il ulu öndər Heydər Əliyevin anadan olmasının 100-cü ildönümüdür və “Heydər Əliyev İli” çərçivəsində dünyanın müxtəlif ölkələrində tədbirlər keçirilir. Misir və Azərbaycan milli komandaları arasında kikboksinq üzrə yoldaşlıq görüşünün təşkil edilməsini də bu qəbildən olan tədbirlərdən biri olduğunu söyləyən diplomat Azərbaycanın xaosdan, vətəndaş müharibəsindən xilas olması naminə çox qətiyyətli addımlar atan Heydər Əliyevin həyat və siyasi fəaliyyəti haqqında müxtəlif dillərdə, o cümlədən ərəb dilində yüzlərlə kitabın nəşr olunduğunu bildirib. Dahi şəxsiyyətin ərəb və müsəlman ölkələri ilə münasibətlərin inkişafına xüsusi önəm verdiyi, Misirlə Azərbaycan arasında əlaqələrin yüksək səviyyədə inkişaf etməsinin əsasını qoyduğu, Afrika qitəsinə ilk rəsmi səfərini 1994-cü ildə məhz Misirdən başladığını diqqətə çatdırıb. Əlavə edib ki, misirli investorlara ölkəmizin bütün sahələrinə sərmayə qoymaq üçün yaxşı şərait yaradılıb.

 

 

 

 

Tədbir iştirakçılarını salamlayan DİDK-nın Aparat rəhbəri Daşqın Rəcəbli bayram münasibətilə soydaşlarımızı təbrik edib. Komitənin fəaliyyət istiqamətlərinə, xaricdə yaşayan soydaşlarımızın tarixi Vətənləri ilə bağlılıqlarının daha da möhkəmləndirilməsi istiqamətində həyata keçirilən layihələrə diqqəti cəlb edib. Müasir dövrümüzdə xalq diplomatiyasının əhəmiyyətindən danışarkən bu yolun həm də dillərin mənimsənilməsindən keçdiyini vurğulayan Aparat rəhbəri misirli tələbələrin Azərbaycan dilinə böyük rəğbət göstərməsini, universitetlərdə ana dilimizin tədris olunmasını tədirəlayiq hal adlandırıb və Misirdəki Azərbaycan diasporunun çoxşaxəli fəaliyyətini yüksək qiymətləndirib: “Azərbaycan dili dərsliyinin ərəblər üçün ilk dəfə Misir-Azərbaycan Dostluq Cəmiyyətinin misirli tələbəsi tərəfindən hazırlanması da qürurvericidir”.

 

 

 

Dünya azərbaycanlıları tərəfindən müxtəlif ölkələrdə Heydər Əliyevə həsr olunmuş tədbirlərin təşkil olunduğunu qeyd edən Aparat rəhbəri Misirdə də silsilə tədbirlərin davamı olaraq Misir-Azərbaycan Dostluq Cəmiyyəti tərəfindən müsabiqələrin keçiriləcəyini bildirib. Komitənin dəstəyi ilə 5 nəfər müsabiqə qalibinin Azərbaycana səfərinin təşkilinin nəzərdə tutulduğunu söyləyib.

 

 

 

 

Misirli millət vəkili Adil Amir dost olan xalqlarımız arasında bu əlaqələrin inkişafına Misir-Azərbaycan Dostluq Cəmiyyətinin böyük töhfələr verdiyini, ölkələrimiz arasında iqtisadi və ticari əməkdaşlıq əlaqələrin daha da gücləndirilməsinin önəmini vurğulayıb. Misirin Qalyubiyyə vilayətində Misir-Azərbaycan Dostluq Parkının salınmasını, bu parkda ümummilli liderin abidəsinin ucaldılmasını, əhalinin bu parkı mütəmadi olaraq ziyarət etməsini bu münasibətlərin bariz nümunəsi adlandırıb.

Seymur Nəsirov qeyd edib ki, yaxın gələcəkdə cəmiyyət nəzdində hər iki ölkənin iş adamlarına dəstək məqsədilə yeni bölüm açılacaq.

 

 

 

 

Sualların cavablandırılması ilə yekunlaşan tədbir ərəb mediasında geniş şəkildə işıqlandırılıb.

 

 

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/qahirede-heyder-eliyevin-100-illiyi-ve-15-iyun-milli-qurtulus-gunu-qeyd-edilib-3113

]]> Daşkənddə Heydər Əliyevin 100 illik yubileyinə həsr olunmuş tədbirlər keçirilib https://ortaasyagazetesi.com/dask%c9%99ndd%c9%99-heyd%c9%99r-%c9%99liyevin-100-illik-yubileyin%c9%99-h%c9%99sr-olunmus-t%c9%99dbirl%c9%99r-kecirilib-h45735.html Fri, 26 May 2023 13:50:17 +0000 https://1453kralmedya.com/dask%c9%99ndd%c9%99-heyd%c9%99r-%c9%99liyevin-100-illik-yubileyin%c9%99-h%c9%99sr-olunmus-t%c9%99dbirl%c9%99r-kecirilib-h45735.html

 

 

 

 

Daşkənddə Heydər Əliyevin 100 illik yubileyinə həsr olunmuş tədbirlər keçirilib
, 2023
Əlişir Nəvai adına Daşkənd Dövlət Özbək dili və Ədəbiyyatı Universitetində müasir Azərbaycan dövlətinin qurucusu Heydər Əliyevin anadan olmasının 100 illiyi və Özbəkistanda Azərbaycan Milli Mədəniyyət Mərkəzinin 20 illiyi münasibətilə “Özbəkistan və Azərbaycan arasında inkişaf tarixi, yeni dövr və əməkdaşlıq perspektivləri” mövzusunda beynəlxalq elmi-praktik konfrans təşkil edilib.

Daşkənddə Heydər Əliyevin 100 illik yubileyinə həsr olunmuş tədbirlər keçirilib
Əlişir Nəvai adına Daşkənd Dövlət Özbək dili və Ədəbiyyatı Universitetində müasir Azərbaycan dövlətinin qurucusu Heydər Əliyevin anadan olmasının 100 illiyi və Özbəkistanda Azərbaycan Milli Mədəniyyət Mərkəzinin 20 illiyi münasibətilə “Özbəkistan və Azərbaycan arasında inkişaf tarixi, yeni dövr və əməkdaşlıq perspektivləri” mövzusunda beynəlxalq elmi-praktik konfrans təşkil edilib.

Tədbir Diasporla İş üzrə Dövlət Komitəsinin və Özbəkistanın Millətlərarası münasibətlər və xarici ölkələrlə dostluq əlaqələri Komitəsinin birgə dəstəyi və Azərbaycan Milli Mədəniyyət Mərkəzinin təşkilatçılığı ilə həyata keçirilib.

Tədbir iştirakçılarını və qonaqları salamlayan hər iki ölkənin Komitə sədrləri Rustambek Qurbanov və Fuad Muradov, çıxışlarında elmə, ədəbiyyata və mədəniyyətə böyük dəyər verən, xalqların və ölkələrin dostluğunda xüsusi töhfəsi olan görkəmli dövlət xadimi Heydər Əliyevin xidmətlərindən bəhs edib, onun xatirəsinin dərin hörmətlə və ehtiramla xatırlandığını bildiriblər. Konfransda “Heydər Əliyev fenomeni”, “Heydər Əliyev və Azərbaycanın ərazi bütövlüyü məsələsi”, “Heydər Əliyev – özbək xalqının əbədi dostu”, “Qardaş xalqların əlaqələrinin möhkəmləndirilməsində Özbəkistan-Azərbaycan Dostluq Cəmiyyətinin rolu”, “Azərbaycan dilindən özbək dilinə tərcümə olunmuş əsərlər və onların mənası” mövzularında məruzələr səsləndirilib.

Çıxışçılar arasında Özbəkistan Yazıçılar Birliyinin üzvü, ədəbiyyatşünas Bobohan Məhəmməd Şərif, AMEA Tarix İnstitutunun icraçı direktoru İlqar Niftəliyev, fəlsəfə elmləri doktoru, professor Cəmilə Şerməhəmmədova, Özbəkistan-Azərbaycan Dostluq Cəmiyyətinin icraçı direktoru Erkin Nuriddinov, Özbəkistan Dövlət Dünya Dilləri Universitetinin professoru Tohir Kahhorov, Azərbaycan Mədəniyyət Mərkəzinin direktoru Samir Abbasov və yer alıblar. Ədəbiyyatşünas Bobohan Məhəmməd Şərifin və professor Cəmilə xanım Şerməhəmmədovanın ulu öndər Heydər Əliyev haqqında xoş xatirələri, onun iki xalqın və ölkənin dostluq əlaqələrindəki misilsiz rolu haqqında nitqləri tədbir iştirakçıları tərəfindən xüsusi maraqla qarşılanıb. Onların xalqların dostluğu, qardaşlığı haqqında səsləndirdiyi “Özbəkistanda 36 milyon azərbaycanlı, Azərbaycanda isə 10 milyon özbək soydaşımız var!”, “Özbəkistan və Azərbaycan xalqlarının dostluğu, qardaşlığı dərin tarixi köklərə əsaslanır və bütün dünyaya nümunədir!” fikirləri tədbir iştirakçıkarı tərəfindən alqışlarla qarşılanıb.

Növbəti görüş dahi Azərbaycan mütəfəkkiri, şair Nizami Gəncəvinin adını daşıyan Daşkənd Dövlət Pedaqoji Universitetində keçirilib. Komitə sədri müəllim-tələbə kollektivi ilə birlikdə universitetdə ucaldılmış Nizami Gəncəvinin abidəsini ziyarət edib, universitetdə fəaliyyət göstərən mərkəzlərlə tanış olub. Universitet rəhbərliyi Azərbaycan dilinin və ədəbiyyatının təbliği istiqamətində həyata keçirilən işlər, azərbaycan və özbək dillərinə tərcümə və nəşr edilən kitablar barədə qonaqları məlumatlandırıb. Daha sonra universitetin müəllim-tələbə kollektivi ilə keçirilən görüş qarşılıqlı fikir mübadiləsi, təqdimatlarla davam edib, gələcəkdə birgə layihələr müzakirə edilib.

Özbəkistanda ulu öndərin 100 illik yubileyinə həsr edilmiş digər tədbir isə Azərbaycan Mədəniyyət Mərkəzində təşkil edilib. Diasporla İş üzrə Dövlət Komitəsinin təşkilati dəstəyi ilə baş tutan tədbirdə Özbəkistanın dövlət və hökumət nümayəndələri, mədəniyyət və incəsənət xadimləri, ziyalılar, Azərbaycan icmasının üzvləri, tələbə və gənclər iştirak ediblər.

 

 

 

 

Tədbiri giriş sözü ilə açan Mədəniyyət Mərkəzinin direktoru Samir Abbasov Azərbaycan xalqının ümummilli liderinin Türk Dünyası, o cümlədən Özbəkistanla dövlətlərarası əlaqələrin və əməkdaşlığın qurulmasında və inkişafında xidmətlərini qeyd edib. Daha sonra çıxış edən Diasporla İş üzrə Dövlət Komitəsinin sədri Fuad Muradov Heydər Əliyevin ictimai-siyasi fəaliyyətindən, Azərbaycan dövlətçilik tarixindəki rolundan, onun xaricdə yaşayan azərbaycanlılara qarşı xüsusi diqqətindən söz açıb, Azərbaycan diasporunun məhz ulu öndərin hakimiyyəti dövründə formalaşdığından danışıb, ümummilli liderin diaspor siyasətinin dövlətçiliyimizdə əsas istiqamətlərdən biri hesab etdiyini xüsusi vurğulayıb.

Özbəkistanın Mədəniyyət və Turizm Nazirliyi nəzdində Millətlərarası münasibətlər və xarici ölkələrlə dostluq əlaqələri Komitəsinin sədri Rustambek Qurbanov da çıxışında Azərbaycan xalqının ümummilli liderinin Özbəkistanda hörmət və ehtiramla xatırlandığını, onun xatirəsinə həsr edilmiş tədbirlərin keçirildiyini diqqətə çatdırdı.

“Dostluq” adlı konsert proqramı Özbəkistan Xalq Çalğı Alətləri Kamera Orkestrinin ifasında görkəmli Azərbaycan bəstəkarlarının musiqilərinin nümayişi ilə davam edib.

Qeyd edək ki, Özbəkistana səfəri çərçivəsində Komitə sədri Fuad Muradov paytaxt Daşkəndin Xalqlar Dostluğu meydanında Şahəhməd Şahmahmudov ailəsinin şərəfinə ucaldılmış abidəni ziyarət edib, Özbəkistanda yerli və akkreditə olunmuş xarici ölkələrin media orqanlarına müsahibə verib.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/daskendde-heyder-eliyevin-100-illik-yubileyine-hesr-olunmus-tedbirler-kecirilib-2994

 

 

]]> Odessa şəhərində Heydər Əliyevin 100 illiyi qeyd edilib https://ortaasyagazetesi.com/odessa-s%c9%99h%c9%99rind%c9%99-heyd%c9%99r-%c9%99liyevin-100-illiyi-qeyd-edilib-h45331.html Tue, 16 May 2023 18:26:56 +0000 https://1453kralmedya.com/odessa-s%c9%99h%c9%99rind%c9%99-heyd%c9%99r-%c9%99liyevin-100-illiyi-qeyd-edilib-h45331.html

 

 

Odessa şəhərində Heydər Əliyevin 100 illiyi qeyd edilib
2023

Odessa şəhərində Heydər Əliyevin 100 illiyi qeyd edilib
Ukraynanın Odessa şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş tədbir keçirilib.

“Birlik” Odessa azərbaycanlıları diaspor təşkilatı tərəfindən təşkil olunan tədbir Ukrayna və Azərbaycanın Dövlət himnlərinin səsləndirilməsi ilə başlayıb.

Ardınca Heydər Əliyevin, Azərbaycanın müstəqilliyi, ərazi bütövlüyü uğrunda canlarından keçən şəhidlərimizin və Ukraynadakı müharibədə həlak olanların xatirəsi bir dəqiqəlik sükutla yad edilib.

 

 

 

 

Tədbirdə “Birlik” Odessa azərbaycanlıları diaspor təşkilatının sədri Rövşən Quliyev, diaspor fəalları Fazil Əsgərov, Hacı Namiq, professor Mətin Quliyev, Əbülfət Əliyev, Nadir Babayev, Əbülfət Əliyev, Anar Natiqoğlu və digərləri çıxış ediblər. Heydər Əliyevin həyat və fəaliyyətinə diqqəti cəlb edən natiqlər dahi şəxsiyyətin Azərbaycan xalqının taleyüklü məsələlərində oynadığı müstəsna roldan danışıblar. Heydər Əliyevin təşəbbüsü ilə azərbaycanlı gənclərin 1980-ci illərdə Odessaya təhsil almağa gondərildiyini, Ukrayna dövləti və xalqı ilə münasibətlərə xüsusi önəm verdiyini, bu ölkədəki diasporun fəaliyyətinə daim dəstək olduğunu vurğulayıblar.

Sonra Heydər Əliyevin həyat və fəaliyyətindən bəhs edən sənədli film nümayiş etdirilib.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/odessa-seherinde-heyder-eliyevin-100-illiyi-qeyd-edilib-2960

 

 

]]> Tbilisidə Heydər Əliyevin yubileyi münasibətilə 100 ağac əkilib https://ortaasyagazetesi.com/tbilisid%c9%99-heyd%c9%99r-%c9%99liyevin-yubileyi-munasib%c9%99til%c9%99-100-agac-%c9%99kilib-h45312.html Tue, 16 May 2023 08:04:27 +0000 https://1453kralmedya.com/tbilisid%c9%99-heyd%c9%99r-%c9%99liyevin-yubileyi-munasib%c9%99til%c9%99-100-agac-%c9%99kilib-h45312.html

 

 

 

 

Tbilisidə Heydər Əliyevin yubileyi münasibətilə 100 ağac əkilib

 

 

2023
Tbilisidə Heydər Əliyevin yubileyi münasibətilə 100 ağac əkilib
Tbilisi şəhərindəki Botanika bağında xalqımızın ümummilli lideri Heydər Əliyevin anadan olmasının 100 illiyi münasibətilə Heydər Əliyev adına xatirə bağı salınıb.

Ağacəkmə aksiyasında Azərbaycan, Türkiyə və Macarıstanın Gürcüstandakı səfirləri Faiq Quliyev, Ali Kaan Orbay, Ana Maria Şiko, Gürcüstan parlamentinin sədr müavini Arçil Talakvadze, deputat Zaur Darğallı, Gürcüstandakı Azərbaycanlı İş Adamları Birliyinin rəhbəri Nəriman Qurbanov, dövlət və hökumət üzvləri, “SOCAR Energy Georgia” şirkətinin, diplomatik korpusun, Diasporla İş üzrə Dövlət Komitəsinin əməkdaşları, iş adamları, “Alyans” Gənclər Mərkəzinin, M.F.Axundov adına Azərbaycan Mədəniyyəti Mərkəzinin rəhbərliyi və soydaşlarımız iştirak ediblər.

Gürcüstan parlamentinin deputatları, Tbilisi şəhər meriyasının və Botanika bağının rəhbərliyi və əməkdaşları aksiyanın təşkilinə görə Azərbaycan dövlətinə və səfirliyə minnətdarlıq ediblər. Onun yubileyi ilə əlaqədar Tbilisinin mərkəzində 100 ağacın əkilməsi Azərbaycan dövlətinin gürcü xalqına hörmətinin bariz nümunəsi kimi qiymətləndirilib.

Bildirilib ki, Heydər Əliyev həm sovetlər dövründə, həm də müstəqillik illərində Gürcüstana daim diqqət və qayğı ilə yanaşıb. Bu gün regionda həyata keçirilən irimiqyaslı enerji və nəqliyyat layihələrinin Gürcüstandan keçməsi də məhz tarixi şəxsiyyət Heydər Əliyevin adı ilə bağlıdır. Qeyd edilib ki, Heydər Əliyevin xatirəsi gürcü xalqının qəlbində əbədi yaşayacaq.

 

 

 

 

Aksiyadan sonra Diasporla İş üzrə Dövlət Komitəsinin, “Alyans Gənclər Mərkəzi”nin, “Gürcüstan Azərbaycanlıları İnteqrasiya Mərkəzi”nin, “Qafqaz Hüquq və İnteqrasiya Mərkəzi”nin və Dmanisi Tədris Mərkəzinin nümayəndələri Heydər Əliyev parkında müasir Azərbaycan dövlətinin qurucusunun abidəsini ziyarət ediblər. Abidənin önünə qızılgüllər düzülüb və unudulmaz şəxsiyyətin xatirəsi dərin ehtiramla yad olunub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/tbiliside-heyder-eliyevin-yubileyi-munasibetile-100-agac-ekilib-2954

 

 

]]> Qroznı və Rostovda Heydər Əliyevin xatirəsi yad edilib https://ortaasyagazetesi.com/qrozni-v%c9%99-rostovda-heyd%c9%99r-%c9%99liyevin-xatir%c9%99si-yad-edilib-h45308.html Tue, 16 May 2023 06:46:04 +0000 https://1453kralmedya.com/qrozni-v%c9%99-rostovda-heyd%c9%99r-%c9%99liyevin-xatir%c9%99si-yad-edilib-h45308.html

 

 

Qroznı və Rostovda Heydər Əliyevin xatirəsi yad edilib
, 2023
Qroznı və Rostovda Heydər Əliyevin xatirəsi yad edilib
Rusiya Federasiyasının müxtəlif respublikalarında və şəhərlərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyi münasibətilə silsilə tədbirlər davam edir.

Çeçenistan Respublikasının paytaxtı Qroznı şəhərində xalqımızın ümummilli liderinin abidəsi ziyarət olunub. Qroznı azərbaycanlıları milli-mədəni muxtariyyətinin,“Evimiz Qroznı şəhəridir” ictimai təşkilatının və Çeçenistan Respublikası Milli Siyasət, Xarici Əlaqələr, Mətbuat və İnformasiya Nazirliyinin birgə təşkilatçılığı ilə baş tutan tədbirdə yerli ictimaiyyətin və Azərbaycan diasporunun nümayəndələri iştirak ediblər.

Ziyarət zamanı Heydər Əliyevin abidəsi önünə gül dəstələri düzülüb, xalqımızın dahi şəxsiyyətinin əziz xatirəsi xatirəsi ehtiramla yad edilib, ruhuna dualar oxunub.

Rostov vilayətində yaşayan soydaşlarımız Heydər Əliyevin 100 illik yubileyi münasibətilə Taqanroq şəhərinin alman faşistlərdən azad edilməsində qəhrəmanlıqla həlak olmuş əsgərlərin, o cümlədən əsasən azərbaycanlılardan təşkil olunmuş 416-cı Taqanroq və 130-cu diviziyaların əsgərlərinin xatirəsinə ucaldılmış abidə kompleksini ziyarət ediblər.

 

 

 

Rostov regional mədəni-maarif ictimai təşkilatı “Birlik” Don Azərbaycanlıları İttifaqının təşkilatçılığı ilə baş tutan tədbirdə bildirilib ki, bu abidənin ucaldılmasında Azərbaycan rəhbərinin böyük rolu olub. 1973-cü ildə məhz Heydər Əliyevin təşəbbüsü ilə qəhrəman Azərbaycan əsgərlərinin şərəfinə Rostov vilayətinin Sambek kəndi yaxınlığındakı ən hündür ərazidə Şöhrət Memorialının yaradılması qərara alınıb. Rostov memarlarının daxil olduğu müəlliflər qrupuna Bakıdan əməkdar incəsənət xadimi, heykəltəraş Elcan Şamilov rəhbərlik edib.

Soydaşlarımız qeyd ediblər ki, xalqımızın milli-mənəvi dəyərlərinə, vətənimizin igid övladlarına böyük diqqət və həssaslıqla yanaşan unudulmaz şəxsiyyət Heydər Əliyevin xatirəsi əbədi yaşayacaq.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/qrozni-ve-rostovda-heyder-eliyevin-xatiresi-yad-edilib-2946

 

 

]]> Strasburqda Heydər Əliyevin yubileyinə həsr olunmuş klassik musiqi gecəsi təşkil edilib https://ortaasyagazetesi.com/strasburqda-heyd%c9%99r-%c9%99liyevin-yubileyin%c9%99-h%c9%99sr-olunmus-klassik-musiqi-gec%c9%99si-t%c9%99skil-edilib-h45306.html Tue, 16 May 2023 06:05:25 +0000 https://1453kralmedya.com/strasburqda-heyd%c9%99r-%c9%99liyevin-yubileyin%c9%99-h%c9%99sr-olunmus-klassik-musiqi-gec%c9%99si-t%c9%99skil-edilib-h45306.html

 

 

Strasburqda Heydər Əliyevin yubileyinə həsr olunmuş klassik musiqi gecəsi təşkil edilib

2023
Strasburqda Heydər Əliyevin yubileyinə həsr olunmuş klassik musiqi gecəsi təşkil edilib
Fransanın Strasburq şəhərində yerləşən Musiqi və Konqres Sarayında müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyi münasibətilə klassik konsert gecəsi keçirilib.

Diasporla İş üzrə Dövlət Komitəsinin dəstəyi və Azərbaycanın Avropa Şurası yanında daimi nümayəndəliyinin təşkilatçılığı ilə baş tutan tədbirdə Avropa Şurasının rəsmiləri, Strasburqdakı diplomatik korpusun, yerli ictimaiyyətin, akademik dairələrin təmsilçiləri və Azərbaycan diasporunun üzvləri iştirak ediblər.

Konsertdən öncə Azərbaycanın Avropa Şurası yanında daimi nümayəndəsi Fəxrəddin İsmayılov və Diasporla İş üzrə Dövlət Komitəsinin sədr müavini Elşad Əliyev çıxış ediblər. Bildirilib ki, unudulmaz şəxsiyyət Heydər Əliyev bütün ömrü boyu xalqına və vətəninə xidmət edib. Xalqımızın taleyüklü anlarında məsuliyyəti üzərinə götürərək Azərbaycanı tərəqqi və inkişaf yoluna çıxarıb, müasir Azərbaycan dövlətinin müstəqilliyinin dönməzliyinin təmin olunması naminə yorulmadan çalışıb. Məhz Heydər Əliyevin rəhbərliyi altında ölkəmizin 2001-ci ildə Avropa Şurasına üzv qəbul olunduğu, üzvlükdən öncə 1997-ci ildə Avropa Şurasının dövlət və hökumət başçılarının II Zirvə Görüşündə müstəqil Azərbaycan dövlətini ulu öndərin təmsil etdiyi yada salınıb. Azərbaycan xalqının öz görkəmli övladının xidmətlərini unutmadığı, xatirəsini ehtiramla yad etdiyi nəzərə çatdırılıb.

 

 

 

Klassik musiqi gecəsində Bakı Kamera Orkestrinin müşayiəti ilə Azərbaycanın xalq artisti, Bakı Musiqi Akademiyasının rektoru Fərhad Bədəlbəyli və xalq artisti Yeganə Axundova çıxış ediblər. Tanınmış musiqiçilərin ifasında Azərbaycan və Avropa bəstəkarlarının əsərlərindən ibarət zəngin musiqi proqramı təqdim olunub. Orkestri dirijor, əməkdar artist Fuad İbrahimov idarə edib.

Alqışlarla qarşılanan konsert proqramı vokalçı Orxan Cəlilovun ifasında Müslüm Maqomayevin məşhur “Azərbaycan” mahnısı ilə yekunlaşıb.

 

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/strasburqda-heyder-eliyevin-yubileyine-hesr-olunmus-klassik-musiqi-gecesi-teskil-edilib-2948

 

 

]]> Barselonada Heydər Əliyevin 100 illiyi təntənəli konsertlə qeyd edilib https://ortaasyagazetesi.com/barselonada-heyd%c9%99r-%c9%99liyevin-100-illiyi-t%c9%99nt%c9%99n%c9%99li-konsertl%c9%99-qeyd-edilib-h45195.html Sat, 13 May 2023 10:31:53 +0000 https://1453kralmedya.com/barselonada-heyd%c9%99r-%c9%99liyevin-100-illiyi-t%c9%99nt%c9%99n%c9%99li-konsertl%c9%99-qeyd-edilib-h45195.html

 

 

Barselonada Heydər Əliyevin 100 illiyi təntənəli konsertlə qeyd edilib
, 2023
Barselonada Heydər Əliyevin 100 illiyi təntənəli konsertlə qeyd edilib

İspaniyanın Barselona şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş təntənəli konsert keçirilib.

“Barselonadakı Azərbaycanlılar Cəmiyyəti” və Barselona Azərbaycan Evinin təşkilatçılığı ilə baş tutan konsertdə ispaniyalı siyasətçilər, iş adamları, media mənsubları, Barselonada yaşayan soydaşlarımız və yerli ictimaiyyətin nümayəndələri iştirak ediblər.

Tədbir dahi şəxsiyyət Heydər Əliyevin həyat və fəaliyyətini əks etdirən sənədli filmin nümayişi ilə başlayıb.

Konsert öncəsi çıxış edən Slovakiyanın Barselonadakı fəxri konsulu, ölkəmizin yaxın dostu Havyer Medina Ortiz böyük öndər Heydər Əliyevi “qəlbi daim Vətən eşqi ilə döyünən, bütün varlığı ilə xalqına bağlı olan, respublikanı zamanın çətin sınaqlarından yüksək məharətlə çıxaran, ən düzgün çıxış yolu tapan müdrik və uzaqgörən lider” adlandırıb.

Konsertdə “Kataloniya Cambra Orkestri”, tanınmış azərbaycanlı opera ifaçısı, “Milano Music Master School” musiqi akademiyasının professoru Çinarə Şirin və müxtəlif rəqs qrupları çıxış ediblər. Onların ifasında italyan, ispan və Azərbaycan musiqisi təqdim olunub, iki ölkənin milli rəqsləri nümayiş etdirilib.

 

 

Böyük maraqla qarşılanan konsertin sonunda çıxış edən “Barselonadakı Azərbaycanlılar Cəmiyyəti”nin sədri və Barselona Azərbaycan Evinin rəhbəri Kərim Kərimov tədbir iştirakçılarına və musiqiçilərə minnətdarlığını bildirib.

Qeyd edək ki, tədbir iştirakçılarına paylanılan konsert proqramında Heydər Əliyevin həyat və fəaliyyəti barədə məlumat əks olunub.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/barselonada-heyder-eliyevin-100-illiyi-tenteneli-konsertle-qeyd-edilib-2934

 

 

]]>