Ermənistan – Orta Asya Gazetesi https://ortaasyagazetesi.com Mon, 18 Nov 2024 06:53:40 +0000 tr hourly 1 https://ortaasyagazetesi.com/wp-content/uploads/2025/03/cropped-Orta-asya-32x32.webp Ermənistan – Orta Asya Gazetesi https://ortaasyagazetesi.com 32 32 Millət vəkili Məşhur Məmmədov, “Üçtərəfli bəyanat Ermənistanın kapitulyasiyasını rəsmiləşdirdi”, ÖZEL https://ortaasyagazetesi.com/mill%c9%99t-v%c9%99kili-m%c9%99shur-m%c9%99mm%c9%99dov-uct%c9%99r%c9%99fli-b%c9%99yanat-erm%c9%99nistanin-kapitulyasiyasini-r%c9%99smil%c9%99sdirdi-ozel-h62598.html https://ortaasyagazetesi.com/mill%c9%99t-v%c9%99kili-m%c9%99shur-m%c9%99mm%c9%99dov-uct%c9%99r%c9%99fli-b%c9%99yanat-erm%c9%99nistanin-kapitulyasiyasini-r%c9%99smil%c9%99sdirdi-ozel-h62598.html#respond Mon, 18 Nov 2024 06:53:40 +0000 https://gazetegazetesi.com/mill%c9%99t-v%c9%99kili-m%c9%99shur-m%c9%99mm%c9%99dov-uct%c9%99r%c9%99fli-b%c9%99yanat-erm%c9%99nistanin-kapitulyasiyasini-r%c9%99smil%c9%99sdirdi-ozel-h98367.html Millət vəkili Məşhur Məmmədov,
“Üçtərəfli bəyanat Ermənistanın kapitulyasiyasını rəsmiləşdirdi”, ÖZEL

Millet vekili Meşhur Memmedov,

1453 Kral Medya – 18 Kasım/ Türkiye

2020-ci il 10 noyabr tarixində Azərbaycan, Ermənistan və Rusiya arasında imzalanmış üçtərəfli bəyanat, 44 günlük Vətən müharibəsinin nəticəsi olaraq Ermənistanın kapitulyasiyasını rəsmiləşdirən mühüm sənəd kimi tarixə düşdü. Bu bəyanat Cənubi Qafqazda yeni siyasi reallıqların formalaşmasını təmin etdi və bölgədə uzunmüddətli sülhün bərqərar olmasına yönəldi.

Açıklama yok.

Bəyanatın əsas müddəalarına əsasən bütün hərbi əməliyyatlar dayandırıldı və tərəflər mövcud mövqelərdə dayandı. Ermənistan 1 dekabr 2020-ci il tarixinədək Kəlbəcər, Ağdam və Laçın rayonlarını Azərbaycanın nəzarətinə qaytarmağı öhdəsinə götürdü. Laçın dəhlizində və Qarabağdakı təmas xətti boyunca Rusiya sülhməramlı qüvvələri yerləşdirildi. Bu qüvvələr bölgədə sabitliyin qorunmasına xidmət edirdi. Regionda bütün iqtisadi və nəqliyyat əlaqələrinin bərpası razılaşdırıldı. Azərbaycanın qərb rayonları ilə Naxçıvan Muxtar Respublikası arasında dəhlizin yaradılması nəzərdə tutuldu.

Bəyanat, Ermənistanın Vətən müharibəsindəki məğlubiyyətini rəsmiləşdirdi və ölkənin kapitulyasiya aktı kimi qiymətləndirildi. Bu sənəd Ermənistanın işğalçılıq siyasətinin sonunu gətirdi və Azərbaycanın beynəlxalq səviyyədə tanınmış ərazi bütövlüyünü bərpa etməsinə şərait yaratdı.

Azərbaycan Prezidenti İlham Əliyev bu bəyanatı tarixi zəfər kimi dəyərləndirərək, Azərbaycanın haqlı mövqeyini həm döyüş meydanında, həm də diplomatik cəbhədə sübut etdiyini vurğuladı. Ermənistanın bu bəyanatı imzalaması onun təcavüzkar siyasətinin iflasını və regionda yeni reallıqların qəbul edilməsini təsdiqlədi.

10 noyabr bəyanatı, yalnız müharibənin sonunu deyil, həm də Cənubi Qafqazda sülh və əməkdaşlıq üçün yeni imkanların açılmasını simvolizə edir. Azərbaycanın bərpa işləri və regionun iqtisadi potensialının artırılması istiqamətindəki səyləri, bölgənin gələcək inkişafına mühüm töhfə verir.

Bu bəyanat, bölgədə sabitliyin və təhlükəsizliyin təmin olunması baxımından mühüm rol oynamaqda davam edir.

Müharibədə qalib olmağımızda xalqın İlham Əliyevə dəstəyi və inamı əsas motivasiya oldu.
Azərbaycan Prezidenti İlham Əliyev ölkənin siyasi, iqtisadi və hərbi sahələrdə inkişafına rəhbərlik edərək, xalqın dərin dəstəyini və inamını qazanıb. Onun liderliyi altında Azərbaycan regionda güclü dövlətə çevrilmiş, beynəlxalq arenada mövqeyini möhkəmləndirmiş və Qarabağ münaqişəsinin həllində tarixi zəfərə nail olmuşdur.

Xalqın Prezident İlham Əliyevə inamının ən parlaq təzahürlərindən biri 2020-ci ildəki Vətən müharibəsi dövründə müşahidə olundu. Azərbaycan Ordusunun Ermənistanın işğal etdiyi əraziləri azad etməsi və ölkənin ərazi bütövlüyünün bərpası Prezidentin qətiyyətli siyasəti və müdrik strategiyasının nəticəsi idi. İlham Əliyevin müharibə dövründə xalqa etdiyi müraciətlər və beynəlxalq media vasitəsilə apardığı diplomatik mübarizə, xalqın həmrəyliyini daha da gücləndirdi.

Prezident İlham Əliyevin ölkəyə rəhbərliyi dövründə həyata keçirilən genişmiqyaslı islahatlar xalqın rifahını artırmağa yönəlib. Sosial müdafiə, təhsil, səhiyyə və infrastruktur layihələrinə böyük diqqət yetirilib. Xüsusilə, kənd təsərrüfatı və sənaye sektorunda tətbiq olunan yeniliklər, Azərbaycanın iqtisadi müstəqilliyini daha da gücləndirib. Bu islahatlar, xalqın həyat səviyyəsinin yaxşılaşmasına və Prezidentə olan inamın artmasına səbəb olub.

Prezident İlham Əliyevin beynəlxalq münasibətlərdə balanslı və müstəqil siyasəti Azərbaycanı etibarlı tərəfdaş kimi tanıdıb. Onun rəhbərliyi ilə Azərbaycan, BMT, Avropa Şurası, Türkdilli Dövlətlərin Əməkdaşlıq Şurası kimi beynəlxalq təşkilatlarda mühüm rol oynayır. Bu gün Azərbaycan BMT-nun nüfuzlu tədbiri COP29-a ev sahibliyi edir. Azərbaycanın enerji siyasəti, xüsusilə TANAP və TAP layihələri, ölkənin beynəlxalq mövqeyini daha da gücləndirib.

İlham Əliyev hər zaman xalqın içində olmaq, onların qayğı və problemlərinə birbaşa diqqət yetirmək prinsipinə sadiqdir. Onun bölgələrə səfərləri, müxtəlif layihələrin açılışında iştirakı və vətəndaşlarla birbaşa ünsiyyəti, xalqın liderinə olan sevgisini və etimadını günü-gündən artırır.

Xalqın İlham Əliyevə dəstəyi, onun dövlət başçısı kimi verdiyi strateji qərarların düzgünlüyünü və ölkəni uğurlu gələcəyə aparmaq istiqamətindəki qətiyyətini təsdiqləyir. Prezidentin xalqın istəklərini ön planda tutması və Azərbaycanı regional və qlobal səviyyədə güclü dövlətə çevirməsi bu inamın davamlı olmasının əsas səbəbidir.

Ülker PİRİYEVA/AZERBAYCAN

]]> https://ortaasyagazetesi.com/mill%c9%99t-v%c9%99kili-m%c9%99shur-m%c9%99mm%c9%99dov-uct%c9%99r%c9%99fli-b%c9%99yanat-erm%c9%99nistanin-kapitulyasiyasini-r%c9%99smil%c9%99sdirdi-ozel-h62598.html/feed 0 ABŞ-nin 3 şəhərində Ermənistanın mina terrorunu əks etdirən məlumatlandırma aksiyası keçirilib https://ortaasyagazetesi.com/abs-nin-3-s%c9%99h%c9%99rind%c9%99-erm%c9%99nistanin-mina-terrorunu-%c9%99ks-etdir%c9%99n-m%c9%99lumatlandirma-aksiyasi-kecirilib-h50126.html Wed, 04 Oct 2023 08:09:23 +0000 https://1453kralmedya.com/abs-nin-3-s%c9%99h%c9%99rind%c9%99-erm%c9%99nistanin-mina-terrorunu-%c9%99ks-etdir%c9%99n-m%c9%99lumatlandirma-aksiyasi-kecirilib-h50126.html

 

 

ABŞ-nin 3 şəhərində Ermənistanın mina terrorunu əks etdirən məlumatlandırma aksiyası keçirilib

, 2023

 

 

ABŞ-nin 3 şəhərində Ermənistanın mina terrorunu əks etdirən məlumatlandırma aksiyası keçirilib
ABŞ-nin Vaşinqton, Nyu-York, Atlanta şəhərlərində Ermənistan silahlı qüvvələri tərəfindən işğal illərində Azərbaycanın Qarabağ bölgəsində kütləvi şəkildə basdırılan minaların faciəvi nəticələrini əks etdirən məlumat xarakterli aksiya keçirilib.

 

 

 

 

Yuta-Azərbaycan Dostluq Təşkilatının sədri Əsmər Qarayevanın təşkilatçılığı ilə baş tutan aksiya zamanı müxtəlif şüarları, həştəqləri və məlumatları əks etdirən LED ekranlı yük avtomobilləri ABŞ-ın 3 şəhərinin izdihamlı mərkəzi küçələrində hərəkət edib. Bu şəhərlərin icazə verilən mərkəzi hissələrində avtomobillər dayandırılıb və Ermənistanın mina terroruna diqqət cəlb edilib.

 

 

 

LED ekranlarda “Ermənistan terrorizmi minalarla davam etdirir”, “Ermənistan, dünya aydınlıq və təhlükəsizlik tələb edir. Qarabağın mina xəritələrini paylaş!”, “Qarabağdan dünyaya: minalara YOX deyin!”, “Azərbaycan torpaqlarının işğal edilməsi dövründə Ermənistan tərəfindən 1,5 milyon mina basdırılıb”, “Qarabağı xatırlayaraq – minasız gələcəyə doğru çalışmaq”, “Qarabağda minalarda həyatlarını itirənlərə ehtiram! Təhlükəsizlik uğrunda mübarizəyə qoşulun!”, “Qarabağ qurbanlarını xatırla – minasız torpaqlar uğrunda müdafiəyə qalx!”, “Qarabağ gizlədilmiş minaları deyil, sülhü haqq edir!”, “Qarabağ faciəsini xatırlayaraq, minasız miras üçün çalışırıq”, “Ermənistanın Azərbaycana qarşı qəsdən və hədəfi ayırmadan mina terroru!” kimi qısa məlumatlar və şüarlar nümayiş etdirilib.

 

 

 

İşğal illərində Azərbaycanın 147 988 hektar ərazisinin yüksək səviyyədə, 675 570 hektar ərazisinin isə orta və aşağı səviyyədə çirkləndirildiyi, Ermənistanın Azərbaycana qarşı mina terroru törətməsi nəticəsində 1991-ci ildən bu günə qədər arasında qadın və uşaqlar da olmaqla 3393 mina qurbanının olduğu kimi faktlar nəzərə çatdırılıb.

 

 

 

Məlumatlarda #stoparmeniancrimes, #MapsForKarabakhSafety, #KarabakhSafety kimi həştəqlər yer alıb.

 

 

 

 

Qeyd edək ki, ötən həftə Azərbaycan diasporu Böyük Britaniyanın London və Mançester şəhərlərində də məlumatlandırma aksiyası keçirib. Britaniya Azərbaycan Cəmiyyətinin təşkilatçılığı ilə baş tutan və 8 saat davam edən aksiya zamanı aksiya zamanı müxtəlif şüarları, həştəqləri və məlumatları əks etdirən LED ekranlı yük avtomobilləri London və Mançester şəhərlərinin izdihamlı mərkəzi küçələrində hərəkət edib.

FOTO QALEREYA

 

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

 

kaynak:https://diaspor.gov.az/az/news-detail/abs-nin-3-seherinde-ermenistanin-mina-terrorunu-eks-etdiren-melumatlandirma-aksiyasi-kecirilib-3625

 

 

 

 

]]> Dünya azərbaycanlıları bəyanat yaydı https://ortaasyagazetesi.com/dunya-az%c9%99rbaycanlilari-b%c9%99yanat-yaydi-h49719.html Tue, 19 Sep 2023 21:16:09 +0000 https://1453kralmedya.com/dunya-az%c9%99rbaycanlilari-b%c9%99yanat-yaydi-h49719.html

 

 

 

Dünya azərbaycanlıları bəyanat yaydı

19 sentyabr, 2023

 

Dünya azərbaycanlıları bəyanat yaydı

Dünya azərbaycanlıları Azərbaycan Ordusunun Qarabağ iqtisadi rayonunda başlatdığı lokal xarakterli anti-terror tədbirləri ilə bağlı Bəyanat yayıb.

Bəyanatda deyilir:

 

 

 

“Biz – xarici ölkələrdə yaşayan azərbaycanlılar və Azərbaycan diaspor təşkilatları böyük kədər hissi ilə bəyan edirik ki, sentyabrın 19-da Azərbaycanın daha 6 vətəndaşı Ermənistanın mina terrorunun qurbanı olub. Dörd polis və iki mülki şəxs 2020-ci ildə İkinci Qarabağ müharibəsi nəticəsində azad edilmiş Azərbaycan ərazilərində xidməti vəzifələrini yerinə yetirərkən yeni çəkilmiş yolda Ermənistan istehsalı olan minalara düşərək həyatlarını itiriblər.

 

 

Ümumiyyətlə, İkinci Qarabağ müharibəsi bitən gündən bəri – 10 noyabr 2020-ci ildən bu günədək 320 Azərbaycan vətəndaşı 2020-2023-cü illərdə Ermənistanda istehsal olunmuş minalardan zərər çəkib. Onlardan 67 nəfəri həlak olub, 314 nəfəri yaralanıb. Rəsmi İrəvan mina xəritələrini Bakıya təqdim etməkdən imtina edib və Azərbaycan ərazilərini yeni minalarla çirkləndirməkdə davam edib. Bu isə 30 illik işğal dövründə Ermənistanın darmadağın etdiyi Azərbaycan ərazilərində tikinti-bərpa işlərinə mane olmaqla yanaşı, orada çalışan insanların həyatına ciddi təhlükə törədir. Eyni zamanda 30 il öz doğma yurduna həsrət qalan 750 mindən çox azərbaycanlı məcburi köçkün müharibənin 3 ildir başa çatmasına baxmayaraq, Ermənistanın mina xəritələrini təqdim etməməsi səbəbindən hələ də öz evlərinə qayıda bilmir.

 

 

 

Ermənistanın nizamlama prosesini müxtəlif bəhanələrlə ləngitməsi, Azərbaycanın irəli sürdüyü sülh təkliflərini qəbul etdiyini elan etməsinə baxmayaraq, beynəlxalq səylərlə aparılan danışıqlarda destruktiv mövqe nümayiş etdirməsi, sülh gündəliyinə qarşılıq verməməsi sülh prosesində maraqlı olmadığını və prosesə zərbə vurulması məqsədlərini nümayiş etdirir.

 

 

 

 

Bundan başqa, Ermənistan 10 noyabr 2020-ci ildə Rusiya, Azərbaycan və Ermənistan arasında imzalanmış Üçtərəfli Bəyanatın müddəalarına zidd olaraq, öz hərbi birləşmələrini Azərbaycan ərazilərində saxlamaqda və qanunsuz separatçı rejimi maliyyələşdirməkdə davam edir. Bu isə regional sülh və sabitlik üçün ciddi təhlükə mənbəyidir. Bu səbəbdən sentyabrın 19-da Azərbaycan Ordusu Ermənistan silahlı qüvvələri tərəfindən gözlənilən genişmiqyaslı təxribatların qarşısının alınması, habelə Üçtərəfli Bəyanatın müddəalarının icrasının təmin olunması, Ermənistan silahlı qüvvələrinin birləşmələrinin tərksilah edilərək Azərbaycan ərazilərindən çıxarılması, onların hərbi infrastrukturunun zərərsizləşdirilməsi, dinc əhali, o cümlədən ərazidə aparılan bərpa-quruculuq işlərinə cəlb olunmuş mülki işçilərin və hərbi qulluqçuların təhlükəsizliyinin təmin olunması və Azərbaycan Respublikasının Konstitusiya quruluşunun bərpa edilməsi məqsədilə Rusiya sülhməramlılarının müvəqqəti nəzarət etdiyi Azərbaycan ərazilərində lokal xarakterli antiterror tədbirlərinə başlayıb.

İkinci Qarabağ müharibəsində olduğu kimi, indi də görülən tədbirlərin hədəfi müstəsna olaraq qanunsuz hərbi birləşmələr və hərbi infrastrukturdur. Azərbaycan tərəfi Ermənistandan fərqli olaraq, heç bir halda mülki əhalini hədəf almır.

 

 

 

 

Bölgədə sülh və sabitliyin bərqərar olmasının yeganə yolu erməni silahlı qüvvələrinin Azərbaycanın Qarabağ bölgəsindən qeyd-şərtsiz və tamamilə çıxarılması, Azərbaycanın ərazi bütövlüyünə hörmət olunması və separatçı rejimin buraxılmasıdır.

Biz dünya dövlətlərinə və beynəlxalq təşkilatlara müraciət edərək, regionda sülh və sabitliyin təmin olunması üçün Ermənistan dövlətinə qanunsuz silahlı birləşmələrini Azərbaycan ərazilərindən dərhal və tamamilə çıxarması, mina xəritələrini Azərbaycana təqdim etməsi və ən qısa zamanda Azərbaycanla sülh müqaviləsi imzalaması üçün təsir göstərməyə çağırırıq.

 

 

 

 

Biz, dünya azərbaycanlıları doğma vətənimiz Azərbaycana hər cür dəstək göstərməyə hazır olduğumuzu bəyan edirik”.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/dunya-azerbaycanlilari-beyanat-yaydi-3472

 

 

 

]]> İlham Əliyev Rusiya XİN-in Azərbaycan-Ermənistan münasibətlərinin normallaşdırılması üzrə xüsusi nümayəndəsini qəbul edib https://ortaasyagazetesi.com/ilham-%c9%99liyev-rusiya-xin-in-az%c9%99rbaycan-erm%c9%99nistan-munasib%c9%99tl%c9%99rinin-normallasdirilmasi-uzr%c9%99-xususi-numay%c9%99nd%c9%99sini-q%c9%99bul-edib-h49404.html Thu, 07 Sep 2023 21:28:15 +0000 https://1453kralmedya.com/ilham-%c9%99liyev-rusiya-xin-in-az%c9%99rbaycan-erm%c9%99nistan-munasib%c9%99tl%c9%99rinin-normallasdirilmasi-uzr%c9%99-xususi-numay%c9%99nd%c9%99sini-q%c9%99bul-edib-h49404.html

 

 

 

İlham Əliyev Rusiya XİN-in Azərbaycan-Ermənistan münasibətlərinin normallaşdırılması üzrə xüsusi nümayəndəsini qəbul edib

 

 

 

2023,
İlham Əliyev Rusiya XİN-in Azərbaycan-Ermənistan münasibətlərinin normallaşdırılması üzrə xüsusi nümayəndəsini qəbul edib

 

 

 

Azərbaycan Respublikasının Prezidenti İlham Əliyev sentyabrın 5-də Rusiya Federasiyasının Xarici İşlər Nazirliyinin (XİN) Azərbaycan-Ermənistan münasibətlərinin normallaşdırılması üzrə xüsusi nümayəndəsi İqor Xovayevi qəbul edib.

 

 

 

 

Görüşdə regionda vəziyyət, Ağdam-Xankəndi və Laçın-Xankəndi yollarının açılması barədə müzakirələr aparıldı.

Dövlətimizin başçısı Azərbaycanın Qarabağ bölgəsinin erməni əhalisinin nümayəndələrinin reinteqrasiya məsələləri ilə bağlı müzakirələrin aparılması üçün paytaxt Bakıya və ölkəmizin digər şəhərlərinə dəvət olunmasına baxmayaraq, onların bundan imtina etdiklərini diqqətə çatdırdı.

 

 

 

 

İqor Xovayev Rusiyanın Azərbaycan ilə Ermənistan arasında münasibətlərin normallaşdırılması və regionda davamlı sülhün təmin olunması üçün səylərini bundan sonra da davam etdirəcəyini bildirdi.

Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

Kaynak:https://president.az/az/articles/view/60995

 

 

]]> Alman alim Almaniya mətbuatını qatı ermənipərəst mövqe tutmaqda günahlandırıb https://ortaasyagazetesi.com/alman-alim-almaniya-m%c9%99tbuatini-qati-erm%c9%99nip%c9%99r%c9%99st-movqe-tutmaqda-gunahlandirib-h49285.html Sun, 03 Sep 2023 13:38:10 +0000 https://1453kralmedya.com/alman-alim-almaniya-m%c9%99tbuatini-qati-erm%c9%99nip%c9%99r%c9%99st-movqe-tutmaqda-gunahlandirib-h49285.html

 

 

 

 

Alman alim Almaniya mətbuatını qatı ermənipərəst mövqe tutmaqda günahlandırıb

, 2023

Alman alim Almaniya mətbuatını qatı ermənipərəst mövqe tutmaqda günahlandırıb

 

 

 

 

Tanınmış alman alim, Qafqaz regionunun tədqiqatçısı, Ermənistan-Azərbaycan münaqişəsinə dair çoxsaylı kitab və məqalələrin, o cümlədən “Şuşanın irsi” kitabının müəllifi Dr.Mixael Raynhard Hess alman KİV-lərini Azərbaycana qarşı “erməni rəvayətləri” üzərində qurulan tamamilə birtərəfli materiallar və “açıq-aşkar səhv ittihamlar” yaymaqda günahlandırıb.

 

 

 

 

Alim bu mövqeyə etiraz olaraq “Die ZEIT”, “Tagesspiegel”, “Die Welt”, “TAZ” qəzetlərinin redaksiyalarına məktub göndərib və həmin məktubu öz şəxsi “facebook” səhifəsində paylaşıb.

Dr. Hess etiraz məktubunda bildirib ki, bu nəşrlər “erməni mifologiyasını” təkrarlamaqla və yoxlanılmamış materiallar yaymaqla məşğuldur. Həmin məqalələrdə “Azərbaycan 2020-ci ildə Dağlıq Qarabağa beynəlxalq hüquqa zidd olaraq hücum etmişdir” fikrini “absurd və ağılabatmayan iddia” adlandıran alim beynəlxalq hüququn normalarını bir daha xatırladıb. Nəzərə çatdırıb ki, beynəlxalq hüquq həm de-yure, həm də de-fakto olaraq keçmiş Dağlıq Qarabağın Sovet Azərbaycanının ərazisinin bir hissəsi kimi tanıyıb və BMT TŞ-nin 1993-cü ildə münaqişə ilə bağlı qəbul etdiyi qətnamələr isə bu ərazilərin Azərbaycanın ərazisi olduğunu bir daha sübut edib.

 

 

 

 

O, Dağlıq Qarabağın 1921-ci ildə Azərbaycana verilməsinə dair fikri “ziddiyyətli”, “tamamilə uydurulmuş iddia” adlandırıb və “ermənilərin tarixlə bağlı mifologiyasının reproduksiyası” kimi qiymətləndirib. Qeyd edib ki, Qafqaz bürosu təkcə Stalindən ibarət olmayıb, kollegial idarə edilən orqan olub. Stalinin 1921-ci ildə bolşevik dövlətinin rəhbəri olmadığını vurğulayan alim yeni tarixi mənbəyə istinad edərək yazıb ki, ümumiyyətlə, Stalin 4-5 iyul iclaslarında iştirak etməyib. “Tarixi fakt budur ki, Qafqaz bürosunun qəbul etdiyi, orijinalı rus dilində olan Protokolda Dağlıq Qarabağın Azərbaycanın tərkibində saxlanması/qalması (“оставить”) ifadəsi işlənib”.

 

 

 

 

Dr. Hess “Die Welt” qəzetinin “genosid ritorikalı xora” qoşulmasını kəskin şəkildə pisləyib. Bu nəşrin Ermənistanın Azərbaycana qarşı təcavüzünə olan münasibətini “ikili standart” kimi dəyərləndirən alim qəzeti “imperialist-təcavüzkar prinsiplərlə işləməkdə” günahlandırıb.

 

 

 

 

Qeyd edək ki, son vaxtlar Almaniyanın bu KİV-lərində ölkəmizin əleyhinə qərəzli silsilə məqalələrin nəşri və yayımlanması intensivləşib. Avqustun 10-da həftəlik “Die ZEIT” qəzetində müxbirlər Alise Bota və Marian Mitrovun “Dünyanın unutduğu: Dağlıq Qarabağ” adlı məqaləsi, avqustun 24-də gündəlik “Tagesspiegel” qəzetində ermənişünas alim, Berlin Azad Universitetinin keçmiş dosenti Tessa Hoffmanın “Dağlıq Qarabağda genosid təhlükəsi? Dünya ermənilərin aclıq çəkməsinə imkan verir – öz maraqlarına görə” adlı məqaləsi dərc olunub. Ölkəmizə qarşı əsassız hücumlar avqustun 27-də “Die Welt” qəzetinin onlayn buraxılışında müxbir Pavel Lokşinin “Yalnız” mübarizə anlayışı” – nəyə görə Avropa genosid xəbərdarlığına laqeyd yanaşır” məqaləsinin, avqustun 28-də isə “TAZ” qəzetində Tiqran Petrosyanın “Dözülən genosid: Bunun üçün həm də Almaniya məsuliyyət daşıyır” məqaləsinin çap olunması ilə davam edib.

 

 

 

 

 

Beləliklə, Almaniyanın əsas aparıcı mətbu orqanlarında nəinki jurnalistlərə, hətta əslən erməni millətindən olan şəxsə də Azərbaycana, onun siyasi rəhbərliyi əleyhinə kəskin qərəzli yazılarla çıxış etmək imkanları yaradılıb. “Humanitar fəlakət”, “xristian erməni əhali aclıqla genosidə məruz qoyulur”, “Dağlıq Qarabağ Stalin tərəfindən 1921-ci ildə Azərbaycana birləşdirilib”, “Azərbaycan 2020-ci ilin payızında beynəlxalq hüququ pozaraq Dağlıq Qarabağa hücum edib” kimi kimi absurd fikirlər və təhriflər müxtəlif KİV-lərdə dövriyyəyə buraxılaraq tirajlanıb. Müəlliflər “tarixən məskunlaşdıqları və mütləq çoxluqda yaşadıqları Dağlıq Qarabağda – böyük bir konslagerdə ermənilərə qarşı kütləvi qətllər törədilir” və “Azərbaycan Dağlıq Qarabağ və Ermənistan arasındakı yeganə quru çıxış yolunu 2022-ci ilin dekabrından bağlayaraq oradakı erməniləri genosidə məruz qoyur” kimi əsa ssız iddiaları oxucunun beyninə yeritməyə cəhd ediblər.

 

 

 

Məqalələrdə “Aİ üzv-dövlətlərin Azərbaycan qazına görə seyrci mövqe tutduqları”, “bugünkü Almaniyanın 1915-ci ildəki Almaniya İmperiyası kimi bu genosidin baş verməsində məsuliyyətinin olduğu” kimi misli-görünməmiş yalanlara əl atılıb. Azərbaycanın ali siyasi rəhbərliyinin ölkə Konstitusiyasına və beynəlxalq hüquqa əsasən Qarabağ erməniləri ilə bağlı “Azərbaycan vətəndaşlığını qəbul etmək” tələbi “genosidə məhkum etmək” kimi qələmə verilib. Bu, ermənilərin və havadarlarının yerli nüfuzlu və geniş tiraja malik mətbu orqanlar vasitəsilə Almaniya hökumətinə təzyiq etməsi kimi qiymətləndirilə bilər.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/alman-alim-almaniya-metbuatini-qati-ermeniperest-movqe-tutmaqda-gunahlandirib-3424

 

 

]]> Niderlanddakı icmamız Haaqa şəhərində Ermənistanın hərbi və ekoloji təxribatlarına etiraz edib https://ortaasyagazetesi.com/niderlanddaki-icmamiz-haaqa-s%c9%99h%c9%99rind%c9%99-erm%c9%99nistanin-h%c9%99rbi-v%c9%99-ekoloji-t%c9%99xribatlarina-etiraz-edib-h49256.html Sat, 02 Sep 2023 19:59:54 +0000 https://1453kralmedya.com/niderlanddaki-icmamiz-haaqa-s%c9%99h%c9%99rind%c9%99-erm%c9%99nistanin-h%c9%99rbi-v%c9%99-ekoloji-t%c9%99xribatlarina-etiraz-edib-h49256.html

 

 

 

 

 

 

Niderlanddakı icmamız Haaqa şəhərində Ermənistanın hərbi və ekoloji təxribatlarına etiraz edib

 

, 2023

Niderlanddakı icmamız Haaqa şəhərində Ermənistanın hərbi və ekoloji təxribatlarına etiraz edib

 

 

 

Niderland Krallığında fəaliyyət göstərən Azərbaycan icmasının fəal üzvləri Haaqa Ədalət Sarayının önündə dinc aksiyası keçirib.

 

 

 

 

Niderland-Belçika Azərbaycanlıları Koordinasiya Şurasının dəstəyi və “Ana Vətən” Avropa Azərbaycanlı Qadınlar Birliyinin təşkilatçılığı ilə baş tutan aksiya ölkəmizə qarşı 30 il ərzində qəsbkar və təcavüzkar siyasət yürütmüş Ermənistanın dünya ictimaiyyətini yenidən siyasi, hərbi və informasiya yönümlü manipulyasiya kampaniyası üçün alətə çevirmək və Azərbaycanın Qarabağ bölgəsində təxribatlar törətmək cəhdlərinə etiraz məqsədilə gerçəkləşdirilib.

 

 

 

 

Aksiya zamanı Azərbaycanın və Türkiyənin bayraqları dalğalandırılıb, musiqiçilərimizin ifasında ölkəmizin Qarabağ bölgəsinə həsr olunmuş muğam parçalaları və mahnılar səsləndirilib.

 

 

 

 

Niderland ictimaiyyətinin diqqəti “Azərbaycan sülh istəyir, Ermənistan müharibə istəyir”, “Ermənistan sülhü rədd edir, müharibəni seçir”, “Ermənistan, sülh sazişini imzala!”, “Ermənistan faktları təhrif edir, dünya ictimaiyyətini aldadır”, “Azərbaycan torpaqlarında Ermənistan əsgəri olmamalıdır!”, “Ermənistan, hücumu dayandır!”, “Ermənistan, bizim torpaqlarımızın minalandırılmasını dayandır!”, “Ermənilərin minaları dinc sakinləri öldürür!”, “Ermənistan minaları = müharibə cinayətləri!”, “Azərbaycan ərazilərində ekoloji terrorun törədilməsinə son qoyulsun!”, “Ermənistan İrəvandakı Azərbaycan mədəni irsini məhv edir”, “Azərbaycanın təbii sərvətlərinin talanına son qoyulsun!”, “Ətraf mühitə düzəldilməsi mümkün olmayan ziyanın vurulmasına son qoyulsun!” və sair şüarların əks olunduğu plakatlara cəlb edilib.

Aksiya iştirakçıları beynəlxalq ictimaiyyətdən Azərbaycanın Qarabağ bölgəsində Ermənistanın hərbi və ekoloji terroruna son qoyulmasını, Azərbaycan vətəndaşlarının Qarabağda təhlükəsizliyinin və insan hüquqlarının təmin edilməsini, Azərbaycan dövlətinin sülh səylərinin dəstəklənməsini tələb ediblər.

 

Aksiya icma üzvlərinin birlikdə “Qarabağ Azərbaycandır!” şüarını səsləndirməsi ilə yekunlaşıb.

 

 

 

 

Qeyd edək ki, aksiya zamanı Haaqa sakinlərinə Ermənistanın hərbi və ekoloji cinayətlərini əks etdirən bukletlər paylanılıb. Bukletlərdə Azərbaycan ərazilərində basdırılmış minaların insan həyatını təhdid etdiyi, 2020-ci il müharibəsindən bəri Azərbaycanda mina qurbanlarının sayının 303 nəfərə çatdığı, rəsmi İrəvanın dəqiq mina xəritələrini təhvil verməkdən imtinasının insan hüquqlarını kobudcasına pozduğu, erməni KİV-lərinin azərbaycanlılara qarşı pis rəftarla bağlı pərakəndə sübutlar yaymasının III Cenevrə konvensiyasına zidd olduğu, bir neçə azərbaycanlı əsgərin girov götürülərkən fiziki, mənəvi işgəncələrə və təhqirlərə məruz qaldığı, Azərbaycanın Qarabağ bölgəsində qızıl və mis-molibden yataqlarının qeyri-qanuni istismar edildiyi, 60 min hektardan çox meşə sahəsinin darmadağın edildiyi, çaylarımızın çirkləndirildiyi və sair faktlar nəzərə çatdırılıb.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/niderlanddaki-icmamiz-haaqa-seherinde-ermenistanin-herbi-ve-ekoloji-texribatlarina-etiraz-edib-3417

 

 

 

 

]]> Azərbaycan Millət vəkili Məşhur Məmmədov, “Tarixi hadisə..”, ÖZEL https://ortaasyagazetesi.com/az%c9%99rbaycan-mill%c9%99t-v%c9%99kili-m%c9%99shur-m%c9%99mm%c9%99dov-tarixi-hadis%c9%99-ozel-h49220.html Fri, 01 Sep 2023 16:34:18 +0000 https://1453kralmedya.com/az%c9%99rbaycan-mill%c9%99t-v%c9%99kili-m%c9%99shur-m%c9%99mm%c9%99dov-tarixi-hadis%c9%99-ozel-h49220.html

Azərbaycan Millət vəkili Məşhur Məmmədov, “Tarixi hadisə..”, ÖZEL

Millet vekili Meşhur Memmedov,

“Laçın” sərhəd-buraxılış məntəqəsinin qurulması böyük Şuşa Zəfərindən sonra əldə edilmiş ən böyük və əhəmiyyətli hərbi-siyasi qələbə kimi Azərbaycan tarixinə qızıl hərflərlə yazıldı. “Laçın” sərhəd-buraxılış məntəqəsinin açılışı Azərbaycan dövlətinin ən böyük uğurlarından biridir. Məntəqənin açılması regionun geosiyasi mənzərəsini dəyişdirdi və Qələbəmizin beynəlxalq müstəvidə təkrar rəsmiləşdirilməsinə səbəb oldu. Azərbaycan-Ermənistan sərhədində Laçın rayonu ərazisində Həkəri çayının üzərində 23 aprel 2023-cü il tarixində “Laçın” sərhəd-buraxılış məntəqəsi quruldu. Fəxarət rəmzimiz üçrəngli, ay-ulduzlu dövlət bayrağımız sərhəddə dalğalandırıldı. Bununla da Azərbaycan sərhədlərinin bütövlüyü təmin olundu.

 

Azərbaycan-Ermənistan sərhədində “Laçın” sərhəd-buraxılış məntəqəsinin yaradılmasını həzm edə bilməyən Ermənistan tərəfi və onu himayə edən qüvvələr, ölkəmizi guya Ermənistanla sərhəddə vəziyyəti gərginləşdirməkdə, Qarabağ bölgəsində humanitar böhran yaratmaqda təqsirləndirirlər. Rəsmi İrəvan bu cür cəhdlərlə Azərbaycanın daxili işlərinə müdaxilə etməklə yanaşı, uzun illərdən bəri ölkəmizə qarşı həyata keçirilən təcavüzkar siyasətlərinə fərqli don geyindirməyə çalışır. “Laçın” sərhəd-buraxılış məntəqəsinin yaradılması ölkəmizin suveren hüquqları çərçivəsində atılmış legitim addımdır. Ermənilər və onların havadarları unudurlar ki, Laçın ölkəmizin ərazisində olduğundan burada həyata keçiriləcək tədbirlər, o cümlədən sərhəd-buraxılış məntəqəsinin yaradılması da müstəsna olaraq ölkəmizin daxili işidir. Sərhədimizin toxunulmazlığının təmin olunması məsələsi ölkəmizin milli təhlükəsizliyi ilə yanaşı, qanunun aliliyinin də tələbidir. Dövlət təhlükəsizliyinin pozulmasına yönəlik təhdidlərə qarşı suveren ərazimizdə sərhəd-buraxılış məntəqəsinin yaradılması beynəlxalq hüququn norma və prinsiplərinə uyğun olaraq tam qanuni addımdır. Sərhəd-buraxılış məntəqəsinin strateji əhəmiyyətini xüsusi qeyd etmək yerinə düşər. “Laçın” sərhəd-buraxılış məntəqəsinin yaradılması yaxın gələcəkdə Qarabağda qanunsuz yerləşdirilmiş erməni silahlı birləşmələrinin çıxarılması, həmçinin separatçıların tərksilah olunması baxımından böyük önəm daşıyır. “Laçın” sərhəd-buraxılış məntəqəsinin açılması 30 il əvvəl azərbaycanlılara qarşı XX əsrin faciəsini törətmiş şəxsin saxlanılmasına səbəb oldu. “Laçın” sərhəd-buraxılış məntəqəsinin mövcudluğunun müsbət təzahür formalarını sadalamaqla bitməz. Sərhəd-buraxılış məntəqəsi Azərbaycan ərazisində qeyri-qanuni dislokasiya olunmuş 10 minə yaxın hərbçinin rotasiyasının, habelə silah, sursat, mina və xarici terrorçuların daşınmasının qarşısını alır. Təsadüfi deyil ki, “Laçın” sərhəd-buraxılış məntəqəsinin açılışı bilavasitə İkinci Qarabağ müharibəsində əldə olunmuş böyük Qələbənin təcəssümü kimi dəyərləndirilir.

 

Tarixi sərhədimizdə Azərbaycan bayrağının ucaldılması və həmin ərazidə rəsmi dövlət qurumlarımızın nümayəndəliklərinin mövcudluğu hər bir azərbaycanlının qürur mənbəyidir. Niyyətləri fiaskoya uğrayandan sonra “Humanitar” bəhanələrlə edilən manipulyasiyalar vasitəsilə Ermənistan hərbi təxribatlar üçün süni səbəblər yaradır. Hadisələrin gedişatı və erməni siyasətinin xisləti onu aşkar edir ki, Xankəndidə vəziyyətin pisləşməsi rəsmi İrəvanın marağındadır. “Humanitar böhran” amili üzərində qurulmuş erməni təbliğatı digər məkrli planları kimi suya düşəcək. Tarix boyunca “miskin millət” obrazını təbliğ edən rəsmi İrəvanın manipulyasiyaları həqiqətin təhrif olunması və süni qalmaqallar üzərindən qurulub. Odur ki, “Laçın” sərhəd-buraxılış məntəqəsi ətrafında aparılan oyunları bilavasitə Azərbaycana qarşı yönəlmiş informasiya müharibəsinin təzahürü kimi qəbul olunmalıdır.

Ülker Piriyeva/ Azerbaycan

]]> Berlindəki icmamız Ermənistanın hərbi və ekoloji terroruna etiraz edib https://ortaasyagazetesi.com/berlind%c9%99ki-icmamiz-erm%c9%99nistanin-h%c9%99rbi-v%c9%99-ekoloji-terroruna-etiraz-edib-h48956.html Sun, 27 Aug 2023 08:05:25 +0000 https://1453kralmedya.com/berlind%c9%99ki-icmamiz-erm%c9%99nistanin-h%c9%99rbi-v%c9%99-ekoloji-terroruna-etiraz-edib-h48956.html

 

 

 

 

 

Berlindəki icmamız Ermənistanın hərbi və ekoloji terroruna etiraz edib

 

, 2023

 

 

 

Berlindəki icmamız Ermənistanın hərbi və ekoloji terroruna etiraz edib

 

 

 

 

Almaniyada fəaliyyət göstərən Azərbaycan icması fəallarının paytaxt Berlinin məşhur Paris meydanında (“Pariser Platz”) dinc aksiyası keçirilib.

 

 

 

 

“Almaniyada Azərbaycan Evi” İctimai Birliyinin təşkilatçılığı ilə Avropa Evinin önündə baş tutan aksiya ölkəmizə qarşı 30 il ərzində işğalçı siyasət yürütmüş Ermənistanın dünya ictimaiyyətini yenidən siyasi, hərbi və informasiya yönümlü manipulyasiya kampaniyası üçün alətə çevirmək və Azərbaycanın Qarabağ bölgəsində təxribatlar törətmək cəhdlərinə etiraz məqsədilə gerçəkləşdirilib.

 

 

 

 

Aksiya zamanı Azərbaycan bayrağı dalğalandırılıb, “Azərbaycan sülh istəyir, Ermənistan müharibə istəyir”, “Ermənistan sülhü rədd edir, müharibəni seçir”, “Ermənistan, sülh sazişini imzala!”, “Ermənistan, bizim torpaqlarımızın minalandırılmasını dayandır!”, “Ermənilərin minaları dinc sakinləri öldürür!”, “Ermənistanın ekoloji terroruna son qoyulsun!” və sair şüarların əks olunduğu plakatlar nümayiş etdirilib.

 

 

 

 

Aksiya iştirakçıları BMT-nin Təhlükəsizlik Şurasından və beynəlxalq ictimaiyyətdən Azərbaycanın Qarabağ bölgəsində Ermənistanın hərbi və ekoloji terroruna son qoyulmasını, Azərbaycan vətəndaşlarının Qarabağda təhlükəsizliyinin və insan hüquqlarının təmin edilməsini, Azərbaycan dövlətinin sülh səylərinin dəstəklənməsini tələb ediblər.

 

 

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/berlindeki-icmamiz-ermenistanin-herbi-ve-ekoloji-terroruna-etiraz-edib-3399

 

 

]]> Niderland-Azərbaycan “Odlar Yurdu” Cəmiyyəti beynəlxalq ictimaiyyətə müraciət edib https://ortaasyagazetesi.com/niderland-az%c9%99rbaycan-odlar-yurdu-c%c9%99miyy%c9%99ti-beyn%c9%99lxalq-ictimaiyy%c9%99t%c9%99-muraci%c9%99t-edib-h48798.html Wed, 23 Aug 2023 10:41:05 +0000 https://1453kralmedya.com/niderland-az%c9%99rbaycan-odlar-yurdu-c%c9%99miyy%c9%99ti-beyn%c9%99lxalq-ictimaiyy%c9%99t%c9%99-muraci%c9%99t-edib-h48798.html

 

 

 

 

Niderland-Azərbaycan “Odlar Yurdu” Cəmiyyəti beynəlxalq ictimaiyyətə müraciət edib

 

, 2023

 

 

 

Niderland Krallığında fəaliyyət göstərən Niderland-Azərbaycan “Odlar Yurdu” Cəmiyyəti ölkəmizin sülh səylərinin dərk edilməsi və dəstəklənməsi ilə bağlı bəyanatla çıxış edib

 

 

 

 

Niderland-Azərbaycan “Odlar Yurdu” Cəmiyyəti beynəlxalq ictimaiyyətə müraciət edib
Cəmiyyətin adından Birləşmiş Millətlər Təşkilatının Cenevrədəki nümayəndəliyinə ünvanlanan bəyanatda bildirilib ki, Azərbaycan əsilli niderlandlılar Ermənistanda mövcud olan revanşist əhval-ruhiyyəli qüvvələrin və erməni diasporunun yolverilməz əməlləri nəticəsində Cənubi Qafqaz regionunda yaranmış mövcud vəziyyətdən dərin narahatlıq hissi keçirirlər.

 

 

 

 

Bəyanatda 30 il ərzində Ermənistanın işğalçı siyasəti nəticəsində Azərbaycanın Qarabağ bölgəsinin xarabalığa çevrildiyinə və 2020-ci ildə baş vermiş müharibədən sonrakı aktual problemlərin həll olunmadığına diqqət cəlb edilib. Ermənistan silahlı qüvvələri tərəfindən döşənmiş minalar nəticəsində indiyədək 300-dən çox günahsız Azərbaycan mülki vətəndaşının və hərbi qulluqçusunun həlak olduğu və yaralandığı, regional əməkdaşlığa sadiqliyini qonşu Gürcüstanın timsalında sübut edən Azərbaycanın beynəlxalq hüquqa uyğun olaraq öz ərazilərində, o cümlədən nəqliyyat-kommunikasiya yolları üzərində suverenliyini qorumağa çalışdığı, Xankəndi-Laçın yolunun açıq olduğu kimi faktlar bir daha yada salınıb.

 

 

 

 

“Odlar Yurdu” Cəmiyyəti beynəlxalq təşkilatları bu kritik və önəmli mərhələdə erməni yalanlarına inanmamağa, Qarabağ bölgəsində irimiqyaslı bərpa-yenidənqurma layihələri həyata keçirmək məqsədilə çoxmilyardlı sərmayələr yatıran Azərbaycanın sülhsevər mövqeyini əməli şəkildə dəstəkləməyə və tərəflər arasında konstruktiv dialoqun təşkilinə yardım göstərməyə çağırıb.

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/niderland-azerbaycan-odlar-yurdu-cemiyyeti-beynelxalq-ictimaiyyete-muraciet-edib-3384

 

 

]]> Tanınmış nəsimişünas alim Naxçıvana gəlib https://ortaasyagazetesi.com/taninmis-n%c9%99simisunas-alim-naxcivana-g%c9%99lib-h48717.html Sun, 20 Aug 2023 23:31:50 +0000 https://1453kralmedya.com/taninmis-n%c9%99simisunas-alim-naxcivana-g%c9%99lib-h48717.html

 

 

 

 

 

Tanınmış nəsimişünas alim Naxçıvana gəlib

, 2023

 

 

 

 

Tanınmış nəsimişünas alim Naxçıvana gəlib

 

 

 

 

Diasporla İş üzrə Dövlət Komitəsinin dəvəti ilə alman alimi, tanınmış nəsimişünas Mixael Reynhard Hess qədim Naxçıvan şəhərinə gəlib.

 

 

 

 

O, Naxçıvanda keçirilən “Heydər Əliyev – 100” Diaspor Gənclərinin IV Yay Düşərgəsi çərçivəsində “Azərbaycanın müstəqillik tarixi” mövzusuna həsr olunmuş paneldə məruzəçi kimi çıxış edib.

 

 

 

 

Səfər çərçivəsində alim Naxçıvandakı Əlincə qalasını, hürufilik təriqətinin banisi, məşhur mütəfəkkir və şair Fəzlullah Nəiminin məzarını ziyarət edib.

 

 

 

 

Qeyd edək ki, Azad Berlin Universitetində və Giezen şəhər Universitetində türkologiya kafedrasında çalışan Mixael Reynhard Hess Azərbaycanla bağlı bir neçə kitabın müəllifidir. Onların arasında “İlah-insanın dili. İmaməddin Nəsiminin Türk Divanının araşdırması”, “Ermənistan və Azərbaycan arasında Dağlıq Qarabağ münaqişəsi”, “Şuşanın irsi. Azərbaycan mədəniyyət paytaxtının tarixi və inkişaf yolu” adlı kitablar var.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/taninmis-nesimisunas-alim-naxcivana-gelib-3374

 

 

]]>