Çikaqo şəhərində – Orta Asya Gazetesi

ABŞ-nin Çikaqo şəhərində Xocalı faciəsinə həsr olunmuş beynəlxalq elmi konfrans keçirilib

Abdullah Yiğit — Tue, 27 Feb 2024 19:43:45 +0000

ABŞ-nin Çikaqo şəhərində Xocalı faciəsinə həsr olunmuş beynəlxalq elmi konfrans keçirilib
27 fevral, 2024
ABŞ-nin Çikaqo şəhərində Xocalı faciəsinə həsr olunmuş beynəlxalq elmi konfrans keçirilib
ABŞ-nin İllinois ştatının Çikaqo şəhərində Xocalı soyqırımın 32-ci ilinə həsr olunmuş “Qlobal Dialoq Konfransı: Xocalı Mirasının İzində, Hədəflərə Doğru Körpü Qurmaq” mövzusunda beynəlxalq elmi konfrans keçirilib.

Konfrans İllinois ştatında fəaliyyət göstərən Amerika Orta Qərb Ştatları üzrə Azərbaycan Mərkəzinin (ACMA) təşkilatçılığı ilə Skoki şəhərində yerləşən İllinois Holokost Muzeyində baş tutub.

Azərbaycan Respublikasının Diasporla İş üzrə Dövlət Komitəsinin dəstəyi ilə keçirilən konfransda Türkiyə Konsulluğunun əməkdaşları, qazax, qırğız, Azərbaycan, Amerika, Pakistan, və türk xalqlarının nümayəndələri, Ukrayna Cəmiyyətinin rəhbəri, tanınmış natiqlər və dövlət xadimləri iştirak edib.

Nigar Çaybasarskinin moderatorluğu ilə baş tutan tədbir Xocalı soyqırımı qurbanlarının xatirəsinin bir dəqiqəlik sükutla yad edilməsi ilə başlayıb.

Sonra Amerika Orta Qərb ştatları Azərbaycan Mərkəzinin rəhbərləri Fərid Məmmədov və Mehriban Məmmədova tədbiri açıq elan edib. Xocalı faciəsinin Ermənistanın Azərbaycan xalqına qarşı törətdiyi soyqırım olduğunu və Amerika ictimaiyyətinin də bu cinayəti törədən şəxslərin ədalət məhkəməsinə cəlb olunmasına dəstək verməsinin vacibliyi vurğulanıb.

Tədbirdə çıxış edən litvalı hərbi jurnalist Riçardas Lapatis Xocalıda şahidi olduğu dəhşətlərdən söz açıb və erməni cinayətkarlarının mənəviyyatsız, insanlığa sığmayan əməllərindən danışıb: “Bir dəfə bir qadın məndən soruşdu ki, oğlum, bilmirəm sən hardansan. Səncə bizim haqqımızda kimsə həqiqəti dünyaya deyəcəkmi? O gündən mənim həyatımda hər şey dəyişdi. Erməni faşizmi Haaqa məhkəməsində cəzalanmasa, ədalət öz yerini tapmayacaq.”

Azərbaycan Respublikasının Diasporla İş üzrə Dövlət Komitəsinin şöbə müdiri Səlhət Abbasova qeyd edib ki, Azərbaycan xalqı dünyanın hər yerində “Xocalıya Ədalət” şüarı ilə Xocalıda soyqırımı və insanlığa qarşı cinayət törətmiş şəxslərin beynəlxalq məhkəmələrdə cəzalandırılmasını tələb edir: “Azərbaycanın öz torpaqlarını azad etməsi, 15 oktyabr 2023-cü ildə Azərbaycan Respublikasının Prezidenti cənab İlham Əliyevin Xocalıda Azərbaycan Bayrağını ucaltması, “Xocalıya Ədalət” təbliğat və təşviqat kampaniyası çərçivəsində keçirilən aksiyalar bundan sonra yeni mərhələyə qədəm qoyacaq, Xocalı faciəsinin qurbanlarının həyatının geri qaytarılması mümkün olmasa da, bu şəhər yenidən azərbaycanlıların nəfəsi ilə isinəcək.”

Azərbaycan Respublikasının Amerika Birləşmiş Ştatlarındakı Səfirliyinin 1-ci katibi Ceyhun Novruzov çıxışında bildirib ki, Xocalı soyqırımı Azərbaycan tarixinin qanlı səhifəsi olsa da, xalqımız və dövlətimiz bu ağır sınaqdan qəhrəmanlıqla çıxıb.

Asiya Tədqiqat Mərkəzinin sədri Harri Lipinski çıxışında Azərbaycanın regionun aparıcı dövləti olduğunu və apardığı uğurlu siyasət nəticəsində bu münaqişədən qalib çıxdığını bildirib.

Tennessi Texnoloji Universitetində siyasi elmlər professoru Maykl Qanter Qarabağ məsələsində Azərbaycanın daim haqlı mövqe nümayiş etdirməsindən danışıb.

Amerikalı muğam ifaçısı Cefri Verbok Azərbaycanın zəngin mədəniyyətə sahib olduğunu vurğulayıb və Xocalı faciəsi haqqında danışıb və dünya birliyini ədalətin bərqərar olmasına dəstək verməyə çağırıb.

Şimali Karolina Universitetinin Sülh və Münaqişə Araşdırmaları Departamentinin dosenti Əli Əsgərov Ermənistanın işğalçılıq siyasətinin bir parçası olan Xocalı soyqırımı haqqında faktları auditoriyanın diqqətinə çatdırıb. O, Ermənistanın Xocalıdan öncə də 400 min azərbaycanlını soyqırıma məruz qoyduğunu qeyd edib və Ermənistandan qovulmuş azərbaycanlıların da öz yurd-yuvalarına qayıdışlarının diqqətə alınmasının vacibliyini vurğulayıb.

Konfransda həmçinin Dr. Kamal Makili- Əliyevin Xocalı soyqırımı ilə bağlı video çıxışı dinlənilib.

Tədbirdə Cefri Verbok kamançada Azərbaycan muğamlarını, gənc musiqiçi Klara Haya Melamed pianoda Azərbaycan bəstəkarlarının lirik əsərlərindən ibarət musiqilər ifa ediblər.

Konfransda ilk dəfə olaraq bu illər ərzində, Xocalı azad olunduqdan sonra gələcəyə inamlı çıxışlar səsləndirilib.

Tədbir çərçivəsində keçirilən sərgidə Xocalı faciəsinin həqiqətlərini əks etdirən fotolarla yanaşı, Diasporla İş üzrə Dövlət Komitəsinin dəstəyi ilə Kanadada fəaliyyət göstərən “Vətən Azərbaycan İncəsənət və Mədəniyyət Mərkəzi”i tərəfindən hazırlanan “Azərbaycan Tarixi” layihəsi çərçivəsində çəkilən “Xocalı Soyqırımı” filmi və Riçardas Lapaitisin Xocalıda lentə aldığı fotolar nümayiş olunub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/abs-nin-cikaqo-seherinde-xocali-faciesine-hesr-olunmus-beynelxalq-elmi-konfrans-kecirilib-4294

Çikaqo şəhərində Azərbaycanın Dövlət Bayrağı ucaldılıb

Abdullah Yiğit — Fri, 20 Oct 2023 12:35:25 +0000

Çikaqo şəhərində Azərbaycanın Dövlət Bayrağı ucaldılıb

, 2023

Çikaqo şəhərində Azərbaycanın Dövlət Bayrağı ucaldılıb

ABŞ-ın Çikaqo şəhərinin mərkəzində 18 Oktyabr – Müstəqilliyin Bərpası Günü münasibətilə Azərbaycanın Dövlət Bayrağı ucaldılıb.

Azərbaycanın Dövlət Himninin sədaları altında üçrəngli bayrağımız Çikaqo şəhər meriyası – məşhur Riçard C. Deyli Mərkəzinin önündə qaldırılıb.

Amerika Orta Qərb Ştatları üzrə Azərbaycan Mərkəzinin (ACMA) təşəbbüsü və təşkilatçılığı ilə baş tutan mərasimdə Türkiyənin Çikaqodakı Baş konsulluğunun əməkdaşları, bu şəhərdə yaşayan həmvətənlərimizin və yerli ictimaiyyətin nümayəndələri iştirak ediblər.

Amerika Orta Qərbi Azərbaycan Mərkəzinin rəhbəri Fərid Məmmədov bildirib ki, tarixi günlərdə şanlı bayrağımızın Çikaqoda qaldırılması mərasimi artıq ənənəyə çevrilib: “Bu bayraqqaldırma mərasimi bütün dünyada xalqları birləşdirən ümumi azadlıq, müstəqillik və birlik dəyərlərinə güclü sübut kimi xidmət edir. Azərbaycan və ABŞ arasında dostluğun mayakı rolunu oynayır, iki ölkə arasında əlaqələri möhkəmləndirir və mədəni mübadiləni təşviq edir”.

Türkiyənin Baş konsulu Engin Turesin bayram münasibətilə Azərbaycan icmasına ən səmimi təbriklərini çatdırıb.

Qeyd edək ki, Azərbaycanın Dövlət Bayrağı gün ərzində meriyanın qarşısında dalğalanıb. Bu mərasim şəhər sakinlərinin diqqətini cəlb edib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/cikaqo-seherinde-azerbaycanin-dovlet-bayragi-ucaldilib-3695

Çikaqonun mərkəzində Azərbaycan bayrağı qaldırılıb

Abdullah Yiğit — Thu, 18 May 2023 07:20:08 +0000

Çikaqonun mərkəzində Azərbaycan bayrağı qaldırılıb
, 2023
Çikaqonun mərkəzində Azərbaycan bayrağı qaldırılıb

ABŞ-ın Çikaqo şəhərində 28 May – Müstəqillik Günü münasibətilə Azərbaycanın Dövlət Bayrağı qaldırılıb.

Şəhərin məşhur “The Daley Center” inzibati-ictimai mərkəzində baş tutan bayraqqaldırma mərasimi Amerikanın Orta Qərb Ştatları üzrə Azərbaycan Mərkəzinin (ACMA) təşkilatçılığı ilə həyata keçirilib.

Azərbaycanın Dövlət Himninin sədaları altında üçrəngli bayrağımız səmaya ucaldılıb.

Bayraqqaldırma mərasimi şəhər əhalisinin diqqətini çəlb edib. Aksiya ilə maraqlananlara Azərbaycan haqqında məlumat verilib.

ACMA-nın rəhbəri Fərid Məmmdov bildirib ki, artıq ənənəyə çevrilmiş bayraqqaldırma layihəsi hər il Azərbaycan üçün əlamətdar və tarixi günlərdə təşkil olunur.

Qeyd edək ki, Azərbaycan bayrağı gün ərzində Çikaqo meriyasının qarşısındakı “The Daley Center”də dalğalanacaq.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/cikaqonun-merkezinde-azerbaycan-bayragi-qaldirilib-2965